الأفلام المنتظره في عيد الاضحى 2024

 

أفلام قويه ستكون في عيد الاضحى 2024 وأفلام لم يتحدد موعدها 

 

 

 

مقدمة 

إعصار سينمائي قادم في عيد الأضحى لحد دلوقتي خمس أفلام في حرب تكسير العظام أهلا بكم في موضوع جديد ويلا بينا هبدأ بالفيلم الأهم والمنتظر في مصر والوطن العربي

الفيلم الاول 

البيج بلوك بوستر موفي ولاد رزق ثلاثة بميزانية هي الأضخم في تاريخ السينما المصرية والعربية أكتر من

ثلاثة مليون دولار في ولاد رزق ثلاثة هنشوف العملية المصرية الأكبر والأخطر والأهم في تاريخ ولاد رزق

الفيلم مليان بكتيبة من النجوم أحمد عز عمر يوسف كريم قاسم وعلي صبحي اللي لسه هنشوف هيكون بديل

لمين لرجب أحمد الفشاوي ولا بديل لعاطف ولاد رزق لسه هنعرف

الفيلم مليان بزخيرة من النجوم آسر ياسين للمرة الأولى

في دور الشاه وماجد الكدواني الغول الجبار في دور واحد اسمه كمان وهنشهد عوده المعلم صقر سيد رجب

وعوده شيربيني محمد لطفي وهنشوف الظابط رؤوف محمد ممدوح والصقر اياد نصار

 

قناة olxit 

البطولات النسائيه ومن هم ضيوف الشرف ؟

بطولات نسائية أسماء جلال وطبعا نسرين أمين بقولوكوا الفيلم هيكون فيه حرب تمثيلية جبارة وضيف الشرف

اللي يخض يا جماعة فأحد أكبر مفاجآت عشرين اربعة وعشرين الكبير النمبر وان كريم عبد العزيز لما تشوف

صورته في الكواليس يخض يا جماعة كل دول بيلتقوا مع مين مع بطل العالم الملاكم البريطاني تايسون فيوري

صاحب الخمسة وثلاثين سنه  مية وعشرين كيلو جرام لعب واحد وثلاثين مباراة فاز فيها بواحد وعشرين بالضربة القاضية وتعادل مرة واحدة

بس مين اللي هيعمل مشاهد الحركة والأكشن في الفيلم يا جماعة الناس اللي عملت مشين إمبوسبل وأكتر من

فيلم عالمي تاني بقول لكم شكلنا هنشوف حرب سينمائية وأكشنية وتمثيلية جبارة طبعا ولاد رزق من

تأليف الشاطر والاستثنائي والمختلف صلاح الجهيني وإخراج طارق العريان

الفيلم الثانى 

اللعب مع العيال اللي أبطاله نجوم كبار جدا بيكسروا الدنيا في شبكة التذاكر محمد إمام باسم سمرة مصطفى

غريب وويزو وأسماء جلال أسماء جلال شكلها منورة أفلام عيد الأضحى وأنا مبسوط جدا بسبب قدراتها

التمثيلية الجبارة اللعبة مع العيال تأليف وإخراج المهم جدا شريف عرفه بس أنا كان نفسي يا جماعة حد يشترك

مع الاستاذ شريف في كتابة السيناريو والحوار إنتوا

معايا في حتة دي ولا لأ عشان الحتة الكوميدية تعلى شوية

قناه olxit 

الفيلم الثالث 

الفيلم التالي عصابه المكس أحمد فهمي اللي مكسر الدنيا في الفترة اللي فاتت سواء في السينما بمستر إكس

كان فيلم حلو قوي أو سواء على المنصات بمسلسل

سفاح الجيزة هنشوف مين مع أحمد فهمي يا جماعة روبي صاحبة أكبر قبول يا جماعة ده حتى ويبتعمل

إعلانات عندها قبول عالي جدا اللذيذة روبي ولبلبه

وأس أس اللي أنا بحبه جدا وحاتم صلاح وأحمد فهمي الفيلم بيحكي عن المكسيكي أحمد فهمي

ما قصه الفيلم ومن المخرج ؟

ده واحد يعمل أي عملية عملية تهريب عملية سرقة أي عملية بيعملها بمفرده لكن العملية دي شكلها كبيرة جدا

عنيه فبيضطر للأسف يستعين بمجموعة تساعده في تنفيذ العملية دي وشكلهم يا جماعة مش هيساعدوه

شكلهم هيورطوه شكلهم هيوروا النجوم في عز الظهر شكلهم هيودوه وراء الشمس

الفيلم من إخراج حسام سليمان وده أول فيلم من إخراجه الفيلم دي مفاجأة أو مغامرة كبيرة جدا هنشوف

نتائجه وسيناريو حوار أمجد الشرقاوي الراجل اللي عمل سيناريو حوار فيلم مستر إكس وده حاجة مبشرة جدا

الفيلم الرابع 

ريستارت لتامر حسني وبيعجبني في تامر حسني يبقى انه جارئ جدا مبيخفش دايما بينزل في السيزون الأهم

والأصعب السيزون أفلام عيد الأضحى بينزل وسط أكبر يا جماعة أصعب وأشطر النجوم ريستارت هنشوف فيه

مع تامر حسني هنا الزاهد للمرة الثانية بعد فيلم بحبك محمد ثروت لحد الوقت لم يتم الإعلان عن باقي نجوم

الفيلم ريستارتأليف ايمن بهجت قمر وده الفيلم الثاني

مع تامر حسني بعد فيلم البدلة اللي أنا بحبه جدا ريستارت إخراج ساره وفيق وده الفيلم الثالث ليه مع

تامر حسني بعد فيلم مش انا وتاج وأنا بقول أن ساره وفيق مخرجة شاطرة جدا جدا لأن فيلم مش انا

وفيلم تاج كانت أفلام صعبة جدا جدا وعم وفي النهاية

أفلام حلوة أوي أوي ساره وفيق تستحق تاخد فرص أكبر وأكتر من كده وأنا بتوقع جماعة أن ساره وفيق هتكون

من أهم الأسماء في عالم الإخراج في السنة اللي جاية

قناة olxit 

الفيلم الخامس 

وأخيرا وبعد طول انتظار هنشوف فيلم أهل الكهف اللي أعلن صناعه  أنه هو هيتعرض في صيف 2024 عن قصة

شباب أهل الكهف الشهيرة فيلم مليان بالنجوم خالد النبوي محمد ممدوح أحمد عيد فتحى عبد الوهاب محمد

فراج صبري فواز محمود حميدة مصطفى فهمي وأكتر

من نجم تاني وغادة عادل وهاجر أحمد وريم مصطفى فيلم زي ما قلت من تأليف أيمن بهجت قمر عن روايه

توفيق الحكيم عن قصة شباب أهل الكهف ومن إخراج عمرو عرفه

الفيلم السادس 

ومن أيام قريبة أعلن صناع فيلم السرب عن قرب عرض الفيلم  في 25 إبرير في اعياد تحرير سيناء أو في يوم

1-5 الفيلم زي ما كلنا عارفين عن قصة حقيقية فيلم مليان بالنجوم أحمد السقا في دور على المصري دياب

ومحمد ممدوح فأدوار مختلفة وجديدة تماما عمرو عبدالجليل وشريف منير مصطفى فهمي في دور رئيس

المخابرات المصرية وأكتر من نجم تاني وأكتر من ضيف شرف محمود عبد المغني وأحمد حاتم وأسر ياسين

ومحمد فراج في دور مفجأة وأحمد صلاح حسني في دور أبو بكر البغدادى وإسلام جمال وأحمد فهمي

وأما البطولات النسائية هتكون هند صبري وصبا مبارك ونيلي كريم ضيفه شرف فيلم من تأليف عمر عبد الحليم

ومن إخراج المخرج أحمد نادر جلال  انتظروه فيلم جامد جدا وعلى مستوى كويس أوي أتمنى أن السرب بعد

الانتظار دا كله يكون على مستوى تصريحات أحمد جلال

قناة olxit 

افلام كبار جدا لم يتم تحديد عرضهم 

فيه فيلمين كبار جدا يا جماعة لسه محدش عارف هيتعرضو إمتى فيلم فرقة الموت أحمد عز وآسر ياسين

ومنه شلبي ودا مستحيل يا جماعة يتعرض في عيد الأضحى الجاي حتى لو كان خلصان هو غالبا فيلم مش

خلصان لإن أحمد عزة وآسر ياسين مشغولين بتصوير

ولاد رزق 3 حتى لو كان فرقة الموت خلصان فمستحيل ينزلوا فيلمين لنفس البطلين في سيزون 1

الفيلم دا برضو من تأليف صلاح الجيني مؤلف ولاد رزق

يا جماعة ومن إخراج أحمد علاء الدين لكن فيلم شكله هيكون جامد جدا

فيلم أسد لمحمد رمضان 

وبرضو فيلم أسد لمحمد رمضان لسه مبدأوش التصوير

يا جماعة فغالبا طبعا مستحيل هيتعرض في العيد اللي

جاي فأحنا لسه  بقى مش عارفين معاد عرض فيلم أسد لمحمد رمضان

وأخيرا 

هستنى رايكم في كومنتات يا جماعة ايه هو أكتر فيلم تتوقع انه هو هيكسر الدنيا هل تتوقع يا جماعة ان ولاد

رزق 3 يا جماعة والفلوس المصروف علي ده كله هيكون على قد مستوى المسئولية هيكون على قد مستوى

توقعاتنا هيكون على قد مستوى النجاح الجبار اللي احنا بنتوقعه ولا هيكون نسخة مش قوية قوي ولا هيكون

نسخة مخبطة مش على قد توقعاتنا ومين أكتر فيلم انتو تتوقعوه هيكون مفجأة الفيلم اللي هيكون خارج

الصندوق الفيلم اللي هيكون احنا مش بنتوقع له نجاح كبير لكنه هيكسر الدنيا

ويمكنك الاطلاع على هذا المقال أيضا 

آخر اخبار الفن ومواعيد بعض المسلسلات والافلام