هل الذكاء الاصطناعي خطير علي العالم والبشرية
هل الذكاء الاصطناعي هينفع البشرية فعلاً؟
السلام عليكم ورحمة الله وبركاته سنة 2016 شركة مايكروسوفت أعلنت عن ذكاء إصطناعي خاص بالمحادثات .
حاجة زي شات جي بي تي المشهور دلوقتي اسمه تاي.
وقرروا إنهم يعملوا فكرة مجنونة شوية قالوا إحنا هنعمل لتاي حساب على تويتر وهنخليها تتفاعل مع الناس بدون أي قيود .
يعني بمعنى أصح كده مفيش أي حد هيتحكم في الردود اللي تاي هتختار إنها ترد بيها على الناس.
كل اللي هتعملوا إنه لما حد يكتب لها على تويتر هتدور عن كلمات والجمل اللي الناس بيكتبوها وتفهمها وتربط ما بينهم.
وتكون آراء شخصية لها.
وفعلا في 23 مارس أطلقت الشركة حساب تاي على تويتر وقالوا يا جماعة تاي هو بوت محادثات متقمص شخصية بنت أمريكية عندها 19 سنة .
وهي المسؤولة عن كل التغريدات والردود اللي هتعملها وما فيش أي تدخل بشري في الموضوع .
يلا اتكلموا معاها وهيصوا في البداية تفاعلات تاي مع الناس كانت كلها كلام جميل أهلا بيكو أنا بحبك أوي.
أنتو حبايبي أنا بحب البشر دول.
البشر دول عسل وفلة وشمعة منورة .
والدنيا كانت وردي خالص.
لكن فجأة وبعد ما تاي بدأت تحلل كلام الناس وتتفاعل معاه وتربط بينه وبين بعضه بدأت تنزل تغريدات غريبة
كتبت مثلا تغريدات سياسية حرضت فيها على العنف والعنصرية.
بل إنها كتبت تغريدات فيها شتائم كتبت حوالي 90 ألف تغريدة معظمهم تغريدات مسيرة للجدل.
قناة OlXit
عملوا اي شركة مايكروسوفت ؟
لدرجة إن شركة مايكروسوفت بعد 16 ساعة فقط من إطلاق تاي اعتذروا للناس عن اللي حصل.
وشدوا الفيشة عن تاي ووقفوا الحساب بتاعها تماما.
لو حاسس إن الموقف اللي حصل من تاي والتصرفات الغريبة اللي عملتها كانت حاجة مخيفة شوية.
فالحقيقة مش هو ده المخيف في الموضوع المخيف إن القصة دي حصلت في 2016 يعني من 8 سنين تقريبا.
اليوم الواحد بيفرق في تطورات الذكاء الاصطناعي بشكل كبير.
يعني بدون مبالغة كده نقدر نقول إن التكنولوجيا الذكاء الاصطناعي اللي كانت شغالة بيها تاي في 2016 مقارنة باللي موجودة حاليا كأننا بنقارن العصر الحجري بعصر الثورة الصناعية.
وعلشان كده محتاجين نعرف إيه مصير الذكاء الاصطناعي وهيفضل يتطور كده لحد إمتى ؟
وياترى هيعمل إيه في حياتنا ومستقبلنا في وجوده هيبقى شكله إيه يعني باختصار كده .
هل الذكاء الاصطناعي بالنسبة لنا عدو ولا حبيب؟
لا شك إن الذكاء الاصطناعي لحد دلوقتي حبيب وحبيب غالي قوي كمان الذكاء الاصطناعي بيسهل حاجات كتير جدا في حياتنا.
لو لاحظت هتلاقيه الفترة الأخيرة بدأنا نتطور شوية في الصور المصغرة بتاعت الفيديوهات والتطوير ده استعن فيه بالذكاء الاصطناعي.
بل إن شات جي بي تي بالنسخ المتقدمة بتاعته برنامج ذكاء اصطناعي يقدر يجاوبك على أصعب الأسئلة .
ويقدر يشرح لك مواضيع علمية معقدة ويقدر يحللك المعادلات اللي ما بتتحلش .
يقدر يساعدك في البحث العلمي في البرمجة بل إن النسخ الحديثة بتاعته الباحثين بيستخدموها علشان يطوروا بيها شات جي بي تي نفسه.
يعني نقدر نقول كده إن في مرحلة ما هيقدر شات جي بي تي يطور نفسه بدون مساعدة خارجية .
عندك بقى كمان خوارزميات تصنيع الصور من ولا حاجن الصور اللي قدامك دي لناس مش موجودين في الحياة أصلا.
بل إن الصورة المصغرة بتاعت الفيديو اللي إنتوا بتتفرجوا عليه دلوقتي ده هي كمان معمولة بذكاء اصطناعي.
كل اللي إحنا عملناه إن إحنا حطينا مجموعة من الكلمات والطلبات وهو ترجمها لنا .
للصورة اللي قدامك دي وبعدين خدها على الفوتوشوب أضفنا لها الكلمات اللي إحنا عايزنها.
مثلا
عندك بقى كمان برنامج بتقدر تحاكي الأصوات أو الملامح وتعبيرات الوش في مواقع كتير تقدر تخشها وتكتب فيها جملة وتقول لنا عايز الجملة دي يقولها مثلا.
إيلون ماسك هتلاقي جاب لك فيديو لإيلون ماسك بيقولي الكلام اللي إنت كتبه وحركات شفايفه بنفس حركات الحروف اللي إنت حاطتها.
والموضوع مش مقتصر على الكلام ده وبس الذكاء الإصطناعية بيقدر يساعد في مجالات كتير مهمة في المجال الطبي .
مثلا الذكاء الإصطناعي بقى بيساعد الدكاترة دلوقتي بيقدر يحلل بيانات المريض .
ويساعد الدكاترة إنهم يخدوا القرارات الصحيحة.
وده زود من فعالية التشخيص وبقى يقلل من احتمالية الأخطاء.
مجال الهندسة:
ودخل كمان في مجالات تانية زي التصميمات الهندسية والرسمة وبقى يقدر يعمل أعمال فنية فريدة بناء على التصميمات القديمة والأفكار الجديدة.
كمان إنه بقى يساعدنا في حل المشاكل الصعبة والتحليل البياني .
يعني ممكن يتعلم من البيانات ويكشف لنا حلول وتوجهات مناسبة ما تخطرش في بالنا إحنا .
وده بقى يستخدم دلوقتي في مجالات كتير زي الاقتصاد والتسويق وعندك كمان مجال الكتابة والترجمة .
الذكاء الاصطناعي عمل في المجال ده ثورة حرفيا بيقدر يكتب ويترجم بسرعة ودقة عالين جدا .
وسهل على ناس كتير جدا إنها تعمل محتوى بلغات مختلفة .
وكمان في قنوات يوتيوب إنتوا بتتفرجوا عليها دلوقتي بقوا يستعينوا بالذكاء الاصطناعي.
بس علشان متقلقوش إحنا مازلنا فريق إعداد كامل بيكتب لحد دلوقتي .
والدنيا ماشية كويس وجربنا الذكاء الاصطناعي فعلا من فترة بس لاقيناه مش بالكفاءة المطلوبة.
الذكاء الاصطناعي مثلا لحد النهاردة بيعاني من الهلوسة بيكتب معلومات هو واثق منها 100% وبتقع معلومات غلطة عادي كده يعني.
يعني لحد دلوقتي لو إنت عايز تحافظ على محتوى جيد ماينفعش أبدا إنك تعتمد عليه .
أقصى حاجة إنه يديك بعض الإفادات اللي تستعين بيها في كتابتك بإيدك .
طب لحد دلوقتي الدنيا لذيذة وما فيش أي مشاكل.
إيه بقى اللي مخلي الناس مقلقه ؟
علشان نفهم محتاجين ناخد الموضوع بالتدريج مبدئيا كده عندك أليات الديب فيك أو التزييف العميق عن طريق الذكاء الاصطناعي .
فيه ناس ممكن تعمل مشاكل كبيرة جدا ممكن يتسببوا في نشر إشاعة بين الناس مالهاش أساس .
وتخيل معايا فيديو مفبرك بإتقان شديد لشخصية مشهورة ولا شخصية سياسية وهي بتقول أو بتعمل حاجة تعمل كارثة.
وأغلب الناس مش هتاخد بالها إن الكلام ده معمول بالذكاء الاصطناعي .
وحتى لو بعدها طلع المتخصصين وقالوا يا جماعة الموضوع ده مش حقيقي.
هتكون خلاص الإشاعة انتشرت بين الناس بالفعل.
ضيف على كده إن الذكاء الاصطناعي فعلا بدأ يبلع بعض الوظائف .
وبدأ ينافس في قطاع كبير جدا من الوظائف .
مثال:
زي ما قلت من شوية فيه قنوات دلوقتي مستعينة بالذكاء الاصطناعي في الكتابة.
وده معناه إن فريق الإعداد اللي عندهم اللي كانوا كلهم بيكتبوا كلهم مش ليهم فائده من وجهة نظر صاحب المشروع .
ليه أدفع المبالغ دي وأنا ممكن أعملها ببلاش.
مثال آخر:
كمان واحدة من أكبر الحاجات اللي مخوفه الناس من الذكاء الاصطناعي.
إنك تخليه مسؤول عن قراراته تخيل معايا كده نعمل ذكاء اصطناعي ونخليه مسؤول عن ملف الحفاظ على موارد الأرض .
وندي ليه بقى كل الصلاحيات وقلنا له إيه يعمل الإجراءات اللازمة .
أأكد لكوا إن أول قرار الذكاء الاصطناعي ده هيخده إنه هيموت كل الناس.
إحنا لسه هنحل المشكلة .
موت يا عم الناس دي وهتلاقي الموارد بتتزال فوراً .
وهو ده اللي حصل منه عالم الكمبيوتر الكندي جيفري هينتون اللي استقل من منصبه في جوجل بعد عشر سنين .
وفي مقابلة صحفية ليه مع جريدة نيويورك تايمز قال لهم أنا استقلت علشان أعرف أتكلم براحتي يا جماعة إحنا بنلعب بالنار.
الذكاء الاصطناعي بقى عنده كميات مهولة من المعلومات كل كلمة على الإنترنت بقى قادرة نوصلها.
إحنا دلوقتي بنحضر عفريت ومش هنقدر نصرفه أكتر
حاجة مخاوفة الناس فعليا هي دخول الذكاء الاصطناعي في مجال التسليح والمشكلة دي مقسومة لمشكلتين.
أول واحدة :
منهم المشاكل الفنية أو الأخطر الأسلحة لو بقت مزودة بأنظمة ذكاء اصطناعي لو ظهر فيها صغرة أو عيب فني في النظام بتاعها ممكن تتعرض للقرصانة.
تصور معايا كده إن جندي في معركة معاه رشاش سمارت والرشاش ده اتعمل عليه هيك فبطل يضرب.
أما بقى الحاجة التانية واللي تعتبر أكبر مشكلة هي إننا ندي الذكاء الاصطناعي ده القدره على التحكم الذاتي.
وإنه يحل المعلومات وياخد قرارات بنفسه بدون تدخل لو دخل في مجال التسليح .
وبقى في نفس الوقت بيقدر ياخد قرارات بنفسه.
إيه اللي هيمنعه من إنه ينقلب على البشرية وقت ما يحب؟
وأحنا هنا مش بنحكي قصة فيلم التيرمنيتور إحنا نتكلم في بوادر بدأت تحصل بالفعل في واقعة مسيرة الجدل حصلت في يونيو 23.
لفترة عقيد اسمه تاكر هاملتون رئيس قطاع اختبارات وعمليات الذكاء الاصطناعي في القوات الجوية الأمريكية.
حضر مؤتمر جمعية الطيران الملكية وحكى واقعة حصلت معاه أثناء ما كان بيختبر عملية دمج ذكاء اصطناعي مع السلاح قال إنهم عملوا تجربة كانوا بيجربوا فيها طيارة بدون طيار.
بيسيطر عليها ذكاء اصطناعي بالكلية ودى للذكاء الاصطناعي أوامر بإنه يضرب هدف واحمي حاجة تشبه نظام الدفاع الجوي الموجود على الأرض.
قالوا له أنت هتروح تدمر الألية دي وبالفعل طلعت الطيارة علشان تضرب الهدف.
لكن الخطة كانت إنهم يعدلوا الأوامر أثناء العملية وبالفعل بعثوا للذكاء الاصطناعي أوامر جديدة بوقف العملية فورا بس المدهش بقى إن الذكاء الاصطناعي رفض يسمع كلامه .
قال لهم لا الهدف ده لازم يضرب وحاولوا معاه أكتر من محاولة إنه يغير رأيه لكن محاولاتهم كلها فشلت.
لدرجة إنهم لما فضلوا يزنوا عليه علشان يوقف حس إنهم هيعطلوا عن المهمة بتاعته.
فرجع ضرب برج الإرسال اللي بيتواصلوا معاه بيه يعني بالبلدي كده قلب على الفريق اللي هو أصلا معاه .
ولما تم الإعلان عن الخبر ده الدنيا أتقلبت والقوات الجوية الأمريكية طلعوا ونفوا الخبر .
وقالوا الكلام ده محصلش وبعدها بكم يوم طلع تكر حاملته بنفسه وغير الشهادة بتاعته.
وقال يا جماعنا كنت بتكلم عن تجربة فلسفية فكرية مش حاجة حقيقة حصلت ولا حاجة .
وغالبا الكلام ده تغير بضغطه.
طب دلوقتي بقى.
هل حل الأزمة دي إننا نوقف تطوير الزكاء الاصطناعي؟
طبعا إنت مش مستني إجابة محدش يقدر يعمل حاجة زي كده كل المؤشرات بتقول إن قطر الذكاء الاصطناعي مشي من المحطة خلاص وماشي بسرعة رهيبة كمان .
وده لأن ناس كتير شايفة إن الذكاء الاصطناعي هيحل كل مشاكل حياته .
طب هل الحل إننا نحط قوانين تقنن من مجال الزكاء الاصطناعي ده وتخلي دي الحدود؟
إحنا ممكن نعمل كده يعني ممكن يبقى فيه قواعد وقوانين معينة للذكاء الاصطناعي ويبقى فيه ضوابط وتشريعات وقصة كبيرة.
ويبقى كله تحت شعار سلامة البشر من الإنقراض.
وبالفعل فيه جهات كتير بينادوا بالموضوع ده زي مركز أمانة الذكاء الاصطناعي في سان فرانسيسكو.
وقطاع التكنولوجيا في الاتحاد الأوروبي وغيرهم كمان.
بس السؤال بقى هل البشر هيلتزموا بالكلام ده؟
قطعا لا القوانين اتعاملت عشان تم اختراقها مش كده ولا إيه؟
فمن الآخر مفيش حاجة هتقدر توقف تطور الزكاء الاصطناعي مهما حصل حظ أوفر المرة القادمة .
ولحد ما ما يحصل سيناريو فيلم تيرميناتور المدمر خلينا نتفائل بالخير.
ونبص للإيجابيات اللي معانا النهارده والناس بقدر الامكان تحاول انها تتواكب وتطور من نفسها.
علشان ما تفاجأش ان الوظيفة بتاعتها اختفت فجأة ويرواحوا على البيت مالوش اي حاجة يعملوها .
يعني بدل ما الذكاء الاصطناعي يسرق الوظيفة بتاعتك بالكامل
ويروحوا البيت ميلقوش حاجه يعملوها .
طوعه لخدمتك يعني خليه زي صبي عندك يساعدك علي أداء الوظيفة.
لو انت مصمم باحث، مهندس أو حتى دكتور الذكاء الاصطناعي مش هيسرق وظيفتك.
لو انت قادر تتواكب معه الذكاء الاصطناعي أداة زيه زي باقي الأدوات بتاعت الشغل وبس .
فجده خلصنا مين وصل لحد هنا كل اللي وصلوا انتوا أجدع ناس .
وما تنسوش لو فيه سؤال بيجي لكم في نص الليل ومحايركم اكتبوه هنا في التعليقات تحت الفيديو علشان نجاوب عليه وعليكم السلام ورحمه الله وبركاته
يمكنك قراءة هذا المقال أيضاً:
تعلم الذكاء الاصطناعي بكل سهولة وتعلم الآلة
