فيلم السرب هل كان على المستوى المتوقع ؟
منافشة فيلم السرب هل كان على المستوى المتوقع ؟
مقدمة
فيلم السرب هل كان على المستوى المتوقع؟ أهلا بيكم أول حاجة وقبل أي كلام شكرا للشركة المتحدة وشكرا
للشخص اللي خد القرار بإن القصة دي يا جماعة يتعملها فيلم سينمائي وزى ما كلنا عارفين يا جماعة القصة
تحكي عن الضربة الجوية اللي قام بها الجيش المصري
ضد معسكرات داعش في ديرنا في ليبيا بعد ما قاموا بالتخلص من 21 مصري بدم بارد
أولا
هبدأ بالحاجات الكويسة واللي عجبتني جدا في الفيلم دخلة الفيلم عجبتني جدا كانت قوية جدا طيارات ومطاردات الداخلة دي يا جماعة بتاعت الفيلم خلتني أتوقع أني احنا رايحين لمستوى قوي جدا في الفيلم هل الفيلم هيكمل يا جماعة على مستوى جامد جدا زي ما كنت متوقع هقولكم برضه
الممثلين وادوراهم المبهرة
الممثلين يا جماعة أغلب الممثلين إن لم يكن كلهم كلهم كانوا هايلين هخص بالذكر الناس اللي عجبتني بشكل
جامد أوي أحمد السقا كان قبل ما يمر بالمرحلة الصحية
اللي مر بيها كان فت جدا عمل دوره بشكل كويس جدا شريف منير كان هايل صبا مبارك صحفية ليبية خديجه
عبيد كانت أكتر من هايله محمد ممدوح كان أمير داعش في ليبيا أبو أسعد الدراع اليمين العقرب اللي هو محمد
نيلى كريم مش هقول دورها كان إيه بس اللي عايز أقوله
إن الثلاثة كانوا كويسين لكن ما كانوش مزهلين أوي عمرو عبد الجليل عم محمد الرئيس بتاع الأقباط في
ليبيا عمرو عبد الجليل عمل دوره بشكل حلو أوي أكتر
ضيف شرف عجبني أحمد حاتم كلهم كانوا كويسين كانوا
في مستواهم العادي لكن اللي لفت نظري بشكل حلو أوي
أحمد حاتم كل الشباب وإسلام جمال وميدو عادل كانوا
هايلين نفس القصة جماعة عشان أخلص موضوع
الممثلين مصطفى فهمي تحس إنه هو مدير مخابرات حربية بجد
ثانيا
طب إيه مبهر تاني المزيكا بتاعت عمر إسماعيل كانت حلوة وهايلة جدا الإصابات الميكياجة بتاعت كل
الممثلين كان حلو أوي من أكتر الحاجات اللي لفتت نظري
مشاهد الشنق والصلب اللي كانت في معسكرات داعاش
في ليبيا تحس إيه بتقبض قلبك بتحط جواك كراهية
بشكل كبير جدا ناحية الناس دي في أكتر من مشهد اتعمل بشكل كويس أوي مشاهد المنتج المتوازي ما بين
عملية الاختطاف يا جماعة وبين اللي بيحصل لآهالي الأقباط في مصر اتعمل بشكل حلو أوي مشهد الدبح في
نهاية الفيلم اتلعب بذكاء جامد أوي كان عالشعرة مش
عايز يديك مشاهد صعبة أوي وفي نفس الوقت قدر يوصلك الإحساس
ثالثا
طب دي كانت كل الحاجات المبهره وتعجب المشاهد طب إيه اللي معجبنيش في السرب أول حاجة جماعة
عشوائية المعارك عشوائية مشاهد ضرب الرصاص عندي
مشكلة في السينما وفي الضربة المصرية مشاهد ضرب الرصاص بتتعمل بعشوائية بص أي مشهد فيه حرب
رصاص أو معارك رصاص أو أي مشهد فيه معارك
بالأسلحة أول حاجة أول ضربة قاتلة للمشهد ده العشوائية بتاعت المشهد تحس إن المشهد ده كأنك
بتتفرج عليه في الشارع لا السينما لازم يبقى فيه اهتمام
بالتفاصيل في مشاهد المعارك وفي مشاهد ضرب
الرصاص وده محصلش إلا في الداخلة الأولانية بتاعت الفيلم نفس القصة فى اقتحام بيحصل بدبابات الجيش
كان موفر دبابات وطيارات للفيلم المعركه في المشهد
الأخراني مكانتش عجباني كانت معركة بالدبابات كانت اقتحام عشوائي
رابعا
احمد السقا في بعض المشهد بيدخل أماكن معينة بسهولة وبيخرج من أماكن معينة بسهولة ايه وضع التأمين في
معسكر زي معسكر من معسكرات داعش مفيش اهتمام بالتفاصيل في الدخول تم إزاي والخروج تم إزاي ودي
حتة ونقطه مفصلية جداً في النوعية دي من الأفلام
بالنسبه للاخراج ؟
نفس القصة بالنسبة للإخراج يعني مثلاً يا في الجزء الأخراني من الفيلم لما بنروح للضربة الجوية دي أهم
نقطة في الفيلم أهم لحظة في الفيلم شايفين يا جماعة
فاكرين توب جان توم كروز بص المعركة الجوية كانت
بتتعمل إزاي آه في الفيلم هنا مفيش معاركة جوية مابين
طيارات عدو وطيارات مصرية بس عايز أقولك حاجة أي
معاركة جوية لازم لها اكسريبت معين أنت ما تعملتش مع
الضربة الجوية بشكل جميل جداً هي اتعاملت بشكل كويس لكن كنت عايز تفاصيل أكتر من كده كانت لازم
تتعمل بشكل أقوى من كده بتفاصيل أقوى من كده بحكاية أقوى من كده أنت حضرتلها إزاي حضرتلها على
الورق إزاي اتدربتلها إزاي طيب وهما طالعين رايحين
يضربو حط عقبات ممكن تكون مفيش عقبات في الحقيقة لكن حط انت
التفاصيل لم يكن فيه اهتمام بالتفاصيل بشكل كافي أنت موصلتنيش لنقطة شد الانتباه الكافية ادتني إثارة لكن
مدتنيش إثارة متوقعة فأنا كان عندي مشاكل في النص في كتابة الحكاية كتابة الفيلم كتابة ورسم الضربة
الجوية وكان عندي مشاكل في التعامل معاها إخراجيا
خامسا
حاجة تانية يا جماعة والحاجة الغريبة في القصة الحقيقية لما تقرأ عن الضربة هتعرف ان فيه حصل عملية
انزال جو العناصر فرقة التلات تسعات التلات تسعات عملت ملحمة عسكرية جبارة قتلوا أكتر من 64 واحد
غير الناس اللي اسروهم عملوا ملحمة جبارة مكنش فيه
أي حاجة معها بالنسبة لعملية التلات تسعات في الفيلم
ودي كانت حاجة غريبة جدا جدا جدا لو انت كنت عملت بارت في الفيلم لفرقة التلات تسعات كنت هجيب جون
جامد أمن خاصة انها قصة حقيقية وحصلت على الأرض
طيب ايه نقطة الضعف ؟
طب ايه نقطة الضعف اللي كانت قاتلة بالنسبة لي وانا بحس انها قصرت على مستوى الفيلم النص انت عندك
قصة حقيقية حاجة ما حصلتش من أكتر من 40 أو 50
سنة ان الجيش المصري بيعمل ضربة جوية حقيقية وقوية عندك فكرة ممكن تطلع منها شغل من ذهب شغل
من ألماظ انا اظن ان التعامل مع القصة تم بشكل سطحي حسيتها اللي انا بشوفه في الفيلم شوفته في مسلسلات
وافلام كثير قبل كده تم التعامل مع شخصيات محمد ممدوح امير داعش والعقرب محمد دياب ونيلي كريم تم
التعامل مع الشخصيات دي بالذات بشكل سطحي جدا
حسيت ان مفيش جديد ممكن يكون السبب ان الفيلم ده
على فكرة اتعامل من كذا سنة كنت اتمنى ان هذه النوعية من الافلام هذه الافلام المهمة هذه اللحظات
السينمية المهمة مفروض تدى قصة دي لمؤلف عنده خبره
عمر عبد الحليم مؤلف كويس عمر عبد الحليم مستقبله ككاتب هيكون كويس جدا ولكن يا جماعة مثل هذه
الافلام مفروض تروح لكاتب عنده خبره مؤلف ثقيل مؤلف يا جماعة يعرف يعمل لك مش حتة سينمية حتة
ألماظ بشكل تاني اتفرج على الممر من اللي كتب القصة
السينمية شريف عرفه يا جماعة لما تتفرج على السرب تتفرج على الممر هتحس ان فيه فرق كبير جدا ما بين
الفلمين اه القصتين مختلفتين اه الحكايتين مختلفتين
ولكن لا في اللغة السينمائية في الكتابة السينمائية في
الحكاية السينمائية الممر كان اعلى بكتير جدا جدا
وأخيرا
رغم كل اللي قولته انا بقوله ان الفيلم يستحق المشاهدة الفيلم تجربة كويسة تقييمي للفيلم 6.5 من 10 حتى
مش هديله 7 لان انا كانت توقعاتي لفيلم السرب اقوى من كده بكتير تقييمي للفيلم تقييم سينمائي ولكن انا
مبسوط جدا بمثل هذه الافلام مبسوط جدا بان هذه
الحكايات وهذه القصص بتعمل لها افلام سينمائية ان دي حاجة مشرفة جدا السلام عليكم في الكومنتات يا جماعة
الناس اللي شايفت الفيلم قولولي ايه هو رأيكم في الفيلم
وهل بتتفقوا معايا ولا لا بتتفقوا معايا في ايه وبتختلفوا معايا في ايه
ويمكنك الاطلاع على هذا المقال أيضا
بعد أول حلقتين من مسلسل البيت بيتى 2 ما رأيك ؟
