الغريبة الدايبه بكل تكاتها بالمقادير المظبوطه بجد
الغريبة الدايبه على أصولها في 10دقايق
السلام عليكم ورحمة الله وبركاته
الغريبة بتلات مكونات بس مقادير مظبوطة 100% هنعمل مع بعض أحلى غريبة
ناعمة كده وبدوب في البق وكمان هقولكم التسوية الصح المضبوطة اللي تخليها لا تفرش ولا تشقق
درجة الحرارة المضبوطة بنحطها في أنهي رف
ايه الغلطات اللي ممكن نغلطها تخلي الغريبة بتاعتنا ما تنجحش معانا الغريبة سهلة جدا
ومقاديرها سهلة جدا لكن لها تكات كده في التسوية بتاعتها لو أخذنا بالنا منها هنعمل أحلى غريبة
يلا بينا نسمي الله ونصلى على الرسول
بسم الله أول حاجة هنبدأ بيها
قناة Olxit
أولا.
معايا كباية من السمنة البلدي وطبعا لازم تكون بدرجة حرارة التلاجة
يعني أنا عيرت السمنة الأول وهي سيحة وبعد كده حطها في التلاجة لما أخذت درجة الحرارة دي يعني بنحطها في التلاجة كده
لحد ما تبقى واخدى نفس درجة الحراره علشان الغريبة بتاعتنا يكون طعمها حلو
بصوا أنا بنزلها السمنة يعني هي مش مجمدة لكن واخدا درجة حرارة البرودة بتاعت التلاجة
معيرنا كلها هتبقى بكباية واحدة يعني الكباية اللي تعير بيها السمنة هي اللي تعير بيها الدقيق
هي اللي تعير بيها السكر الكباية بتاعت السمنة اللي أنا حطتها أحط معاها نصف كباية من السكر
ثانياً.
يبقى احنا متفقين مع بعض الكباية اللي هتعير بيها السمنة هي نفس الكباية اللي هتعير بيها
السكر هيبقى نصف كباية من السكر مقادير سهلة وبسيطة جدا ومنتهى السهول
ومعاهم كيس من الفانيليا أي نوع فانيليا بتحبيه اشتغلي بيه وبعد كده هنبدأ بمضرب البيض
لو عندك مضرب بيض لو ما عندكش مضر مضرب البيض السلك
ثالثاً.
بس هو هيأخذ منك مجهود وقت شوي في الأول نعملة نضيف السكر
فبنبدأ في الاول بس كده نعجنهم كده مع بعض وبعد كده بنبدأ نشغل المضرب
ونضرب لحد ما السكر والسمنة يهيشوا ويبيضوا خالص علشان الغريبة بتاعتنا يكون لونها أبيض وحلو كده
لازم نضرب السكر والسمنة لحد ما يوصلوا بالشكل الابيض كريمي نفس الكباية العياريه بيها السمنة وعيرتي بيها السكر هعاير بيها الدقيق
هحط منهم كبايتين اي كباية عندك هتشتغل بيها هيكون معيارها مضبوط
رابعاً.
يعني قد كبايتي أكبر من كبايتي المهم انت تستخدمي معيار واحد في كل الحاجات
اللي هتشتغلي بيها يبقى انا حطيت كباية ودي الكباية التاني
وطبعا ما تكبسش الكباية بتعبيها زي ما انا عبيتها بالمعلقة كده دي الكباية التاني اهي
وفي اضافة كده بنحطها للغريبة معلقة كبيرة من الحليب البودر ممكن نحط معلقتين بتخليها طعمها كن كده عجنها بلبن
لكن طبعا احنا ما ينفعش نعجن بلبن علشان المقادير بتاعتنا ما ينفعش نحنا نعجنها بسوايل لان هي عبارة عن سمنة وسكر ودقيق بس
فمعلقة الحليب البودر او معلقتين الحليب البودر بيديها طعم خرافه كده نزلت بكبايتين الدقيق كلهم مرة واحدة
ونتاكد ان احنا نزلنا كل المعيار اللي معانا يعني بصوا مش بخلي فيا بس انا
لازم انزل المعيار كله وبنبدأ نعجن بيدينا كده وبنعجنها كويس جدا طبعا احنا ما معاناش سوايل
خامساً.
فنعجن برحتنا لان مش هتعضم منا ولا اي حاجة المهم ان احنا نشرب الدقيق في السمنة كويس
بتتأكد ازاي ان الغريبة بتاعتك مظبوطة لما تكوري حته في اديكى وتشوفيها هتلاقيها مش مشققة ولا اي حاجة
وزمان انتوا شايفين العجينة طرية جدا وملسا جدا اهم حاجة ان احنا لما نحط الدقيق نعجنه كويس مع السمنة والسكر
ونشربهم في بعض كويس وقبل ما نشكلها لازم نحطها مش اقل من نص ساعة في التلاجة
يعني بنعجنها وبعد كده تحطيها في التلاجة نص ساعة تاخد درجة حرارة التلاجة كده وبعد كده نبدأ نشكلها
هنا الصنية انا مش دهنها حاجة خالص مش مدهونة بنبدأ ناخد بقى قطعة قطعة وعلى حسب حجم الغريبة
اللي انت عايزاها انا بحب اعملها صغنانة كده انت لو عايزا تعمليها اكبر من كده مفيش مشكلة
اصغر من كده مفيش مشكلة براحتكم انا هنا اللون البني ده اخدت حتة من العجينة وحطت عليها شوية صغيرين كده من الكاكاو
سادساً.
وعجنتهم وبدأت اخد منهم كور صغنانة كده وبقيت احطها على وش الغريب وهنا ده اللولي
او الملبس المفضل موجود عند العطار وموجود عند محلات مستلزمات الحلواني رخيص ومش غالي وفي منه كمان الوانات
بيكون شكله احلى من كده كمان بكتير يعني بيبقى في منه احمر اخضر اصفر لو جبتي بالالوان ممكن يديكي شكل احلى
من المفضض ده كمان بنبدأ كده نحط كل غريبة عليها واحدة كده بعد ما خلاص شكلت الغريبة بتاعتي وزينتها
سابعاً.
ممكن تحطي طبعا لوز ممكن تحطي بندق ممكن تحطي واحدة فسدق اهم حاجة
في التسوية بقى ونخلي بالنا مع بعض كويس جدا الغريبة لازم قبل التسوية احطها في التلاجة ساعة يعني مش بعد ما شكلها اروح مدخلها
الفرن على طول لا لازم احطها ساعة في التلاجة في الاول ده نمرة واحد
في خطوات التسوية نمرة تنين بشغل الفرن خمس دقيق بس مش اكتر بتشغل الفرن يسخن خمس دقيق بس
بتولعي من تحت ما بنشغلش الشوية بنولع من تحت بس على درجة حرارة ١٥٠ اوعى تزويدي عن مية وخمسين
ثامناً.
الناس اللي ما عندهاش درجة حرارة في الفرن يعملوها على اهدى حاجة في الفرن خلاص الغريبة بتاعتنا لو دخلت على درجة
حرارة عالية بتشقق وبتنشق وبتفرش يبقى التسوية خطوة مهمة جدا جدا جدا وهنأكد عليها درجة الحرارة هتكون
مية وخمسين مش اكتر من مية وخمسين وكمان مش هنشغل الفرن اكتر من خمس دقيق بس
قبل ما نحط الغريبة في الفرن عشان درجة الحرارة لو سخنت قوي الغريبة هتفرش مننا
وهتشقق دا حاجة من الحاجات اللي بتخلي الغريبة تشقق مننا وتفرش مننا
وكمان بنشغل الفرن من تحت بس الغريبة بتطلع على لونها يعني يدوبك بتاخد لون خفيف قوي قوي
من تحت وبيبقى من فوق شكلها اكدناها متسويش يعني انتي بتطلعيها بتحس انها لونها ابيض ما بنشغلش الشوية نهائي
تاسعاً.
عليها يعني ما بنحمرهاش مدة التسويه بتاعتها بتاخد من عشر دقائق لخمستاشر دقيق على حسب نوع الفرن بتاعتك
وهنا الغريبة بتاعتي بعد ما خرجت من الفرن لونها من تحت عامل لون بسيط اصفر اهم حاجه ان احنا ما نحركهاش وهي سخنة
من مكانها خالص لحد ما تبرد تماما لونها فاتح خالص يدوبك بس بتاخد لون خفيف احمر من تحت
شكلها عامل ازاي حلوة جدا و سهل وبسيط ومقادير بتاعتنا سهلة وبسيطة
والسلام عليكم ورحمة الله وبركاته
يمكنك قراءة هذا المقال أيضا
جميل جدا شكرا