نصائح لتعلم الانجليزي بسرعة وأفضل الطرق المجربة
نصائح لتعلم الانجليزي
كيف أتعلم اللغة الإنجليزية بسرعة؟ أفضل طريقة مجربة من ١٢ خطوة من أكبر قناة في العالم؟
الكلام اللي في المقال ده مش هتلاقيه في أي حتة تانية.
فرجاء أعيني انتباهك دقائق معدودة ومش هتندم هقولك على طريقة مكونة من 12 خطوة.
تمشي عليهم بالترتيب وتبقى فخور بنفسك في وقت قصير جدا .
إن شاء الله في المقال ده أنا بفترض افتراض مهم جدا
بفترض أنك شخص جاد في تعلم اللغة الإنجليزية وعايز توصل فيها لمستوى عالي جدا.
ولذلك هيبقى عندك صبر تقرأ المقال ده للآخر وفي المقابل بوعدك.
إن الدقائق اللي هتشوف فيها في المقال دا مش هتبقى دقائق ضايعة من وقتك مش هضايع وقتك على الفاضي.
نصائح لتعلم الانجليزي ازاي ؟
الأول خلينا نتفق أن نتعلم أي حاجة في الدنيا لها مبادئ وأصول نمشي عليها نفس الحال في الإنجليزي.
في مبادئ وأصول نمشي عليها وفي طريقة واحدة بس لتعلم اللغة الإنجليزية سمعتني صح.!
طريقة واحدة بس لتعلم اللغة الإنجليزية وعلى فكرة ده من حسن الحظ.
إنها طريقة واحدة بس لأن إنت لو جربتها ومشيت عليها نتيجتها مضمونة بإذن الله .
لو دورت قبل كده عاملت عن إزاي تتعلم إنجليزي هتلاقي الناس بتقولك كلام من نوعية ابدأ بالكلمات.
تعلم الكلمات أكثر شويه زود حصتك اللغوية من الكلمات والمفردات وبعد كده احفظ القواعد.
اعرف القواعد اربط الكلمات مع بعضها عن طريق القواعد لتكون جمل وهكذا.
وتبدأ تمشي معاك طبعا الكلام ده هيعلمك إنجليزي بس في المشمش.
نصائح لتعلم الانجليزي
وطريقة التعلم الصحيحه ؟
مش في الحقيقة في أرض الواقع تقعد تدح وتعافر وتضيع وقتك ومجهودك.
وفي الآخر تلاقي نفسك بعد فترة طويلة جدا عندك مشاكل كتير .
أول ده طبعا إذا كنت أنت شخص مجتهد وما استسلمتش حتلاقي بقى عندك بعد فترة كبيرة مشاكل .
من نوعية أنا عارف كلمات كتير جدا بس بنتاسهم مش بتثبت في المذاكرة .
أنا عارف كلمات كتير جدا وعارف جمل كتير جدا وحفظ قواعد كتير جدا .
بس مبفهمش الناس الأجانب لما بتتكلم أو مثلا بيقولوا اي.
فكر بالإنجليزي وانا مش قادر أفكر بالإنجليزي مش عارف أبطل تفكير بالعربي وغيره وغيره وغيره وغيره .
أنا ممكن أقعد اعدلك مشاكل كتير بس كده الصورة وضحت كل المشاكل دي وغيرها كتير سببها حاجة واحدة
بس أنت ماشي بطريقة مش هي الطريقة الصحيحة اللي المفروض تعلمك إنجليزي طيب حلو إيه بقى الطريقة الصحيحة؟
اللي المفروض تمشي عليها هقولك تركز معاي فيه 12 خطوة هتمشي فيهم بالترتيب اللي هقولك عليه ولازم تمشي بالترتيب!
وإلا مش هينفع ولأنك مش بغبغان فأنا مش متصور أنه أنا هقولك اكتب الطرق دي ورايا ويمشي عليها فممكن تقوم تقولي حاضر كده على طول من غير فهم وتبدأ تنفذ
أنت ليك عقل ومحتاج تفهم لأنك لو فهمت هتصدق ولو صدقت هتبقى عندك الرغبة والطاقة وهتوصل الطريقة اللي هقولك عليها دي مش جديدة عليك بالعكس ده هي الطريقة الوحيدة اللي أنت كويس فيها.
استنى على فكرة مش هقولك الكلام الفاتي إياه اللي مالي الدنيا عن نت أنا هقولك كلام علمي متجرب محدد بخطوات.
جاهز؟
ركز معاي أي بني أدم خلقه ربنا بيبدأ هو صغير يسمع اللغة في البيئة المحيطة بيه وبعد كده يبدأ يتعلم يقولها ويتكلمها.
وبعد كده يبدأ يتعلم واحدة واحدة يقراها وآخر حاجة ينهي بيها الخطوة الأخيرة أنه يبدأ يكتبها وهو ده الترتيب اللي لازم تمشي عليه وغير كده مش هينفع ومش هتوصل .
وأكيد انت جربت ومتقلقش مش هسيبها لك كده عايمه هححددها لك بخطوات وهرسم لك الطريق للآخر وهو ده الترتيب اللي لازم تمشي عليه وغير كده مش هينفع.
وده عكس الترتيب اللي عملوه معاها في المدارس ولذلك محدش بيخرج من المدارس فاهم إنجليزي ده لو ما خرجش أصلا من المدارس متعقد من إنجليزي.
وده أكبر دليل على أن الطريقة التانية دي بلح ولو أنت تبعتها يبقى بتضيع وقتك وجهدك على الفاضي حرام عليك .
تعالي بقولك على الـ 12 خطوة بالتحديد جهز ورقه وقلم عشان تكتب وركز معاي وفي الآخر بعد الـ 12 خطوة هقولك على نصيحة مهمة جدا وتحذير مهمة جدا .
لو ما خدتش بالك منه هتقع في نص الطريق تعالي نقولك الخطوات الأول وبعد كده إيه التحذير
نصائح لتعلم الانجليزي أولا:
أول خطوة لازم تعملها إنك تسمع جمل كتير ما تسمعش كلمات إسمع جمل ولذلك في الكورس اللي بديهولك على زي أمريكا.
الإنجليزي بتلاقيه دايماً بيديلك جمل في سياقهم عمره ما بيديلك كلمة منفصلة ويقولك أحفظ دي جمل ابدأ بجمل أي حد يقولك حاجة تانية ما تسمعوش ابدأ بجمل على طول كده جمل.!
أي حد يقولك أحفظ الكلمات الأكثر شيوعاً الأكثر بلحاً أهم ألف كلمة في اللغة الإنجليزية لكلام ده ما تصدقش ما تحفظش كلمات أحفظ جمل على طول .
أي حد يقولك حاجة تانية ما تصدقش ارميه ورا ضهرك مش هتوصلك لحاجة وأكيد انت فاهم .
نصائح لتعلم الانجليزي ثانياً:
رقم اثنين اسمع جمل ونوع يعني بقى اسمع جمل ونوع يعني انت في الأول سمعت جملة وادربت عليها زي
She likes to play the piano
مثلاً معناها هي بتحب تلعب البيانو.
بعد كده تعالى بقى نوع فيها خلي البيانو.
خلي جيتار، خلي طبلة.
بدل هي خلي هو خلي احنا خلي هما بدل يلعب خلي ينام خلي يقرأ خلي يذاكر نوع في الجملة وألعب فيها وخد راحتك بقا .
نصائح لتعلم الانجليزي ثالثاً:
رقم ثلاثة هتكون برضو سماعة زي التحدث ازاي هتدور على محادثات قصيرة مشروحة.
وتبدأ تتمرن عليها تسمع وتحاول تطبق المحادثة من دماغك .
وتمثل انك طرف فيها وتتدرب على النطق الناس.
في ناس شغالة في كورس المحادثة بدأوا الحمدلله يحسوا بالفرق وبدأوا يأخدوا بالهم ان مستواهم بدأ يعلى
نصائح لتعلم الانجليزي رابعاً:
رابع خطوة بعد كده المرة دي هنجيب محادثات اطول ويكون الشرح فيها اقل ونحاول نحفظ المحادثة عن ظهر قلبه ونقولها كلها غيبا .
وبعدين نتدرب على النطق ونركز جدا في النطق.
نصائح لتعلم الانجليزي خامساً:
خامس خطوة نبدأ ندخل على القراءة هنبدأ نتعلم قصص قصيرة بلهجة صحيحة مع التدرب على المفردات الجديدة في سياق القصة.
بعد فهم القصة تحاول تقرأها مع نفسك كتير وتحاول تفتكر احداثها في دماغك.
وانت قاعد وحدك .
استنى استنى استنى مش ملاكظ حاجة قلنا واحد واثنين وثلاثة واربعة وخمسة وما جيبناش سيرة القواعد !
لحد الان مفيش جراما هي دي رقم ستة ركز معاي في رقم ستة.
نصائح لتعلم الانجليزي سادساً:
هتبدأ تاخد مركز في الكلمة دي فكرة عن القواعد اوعى تتعمق في الخطوة رقم ستة اوعى تتعمق القواعد خد فكرة عن القواعد من حيث الاستخدام والفرق بين الازمنة وكده بس من غير تعمق فكرة بس اولية كده .
عشان تفهم ليه الكلمة دي أتقالت في الزمن ده وليه ما تنفعش في الزمن الثاني.
بس اوعى الموضوع يشدك وتتعمق عشان ما تقفش ما تضربش نفسك بالنار في رجلك.
وانت مش واخد بالك بعد كده .
نصائح لتعلم الانجليزي سابعاً:
الخطوة رقم سبعة انك هتبدأ تدخل مرحلة الكتابة هتبدأ تكتب عن الحاجات اللي تهمك انت وياريت لو قدرت تكتب ملخص صغير كده للاحداث بتاعت يومك.
مشى ازاي زي مذكرة يومية كده تمشي عليها.
ويتلتزم بيها ويا سلام لو لقيت حد بقى بعد كده يرجعلك الكلام ده هو تقولك انت غلطت في دي ليه وغلطت في دي ليه وكذلك.
فتقوم تتعلم من اخطائك انت هتثبت في دماغك بطريقة ما تتخيلهاش بعد كده.
ثامناً:
الثامن خطوة هتبدأ تتفرج على افلام وبرامج اجنبية من غير ترجمة زى ان انت هتحاول تأكد بعض القواعد اللي بقيت ان انت عارف انها مهمة لك بشكل افضل في دماغك.
صدقني لو انت ماشي على الخطوات السبعة اللي قبل كده بالترتيب هتيجي الخطوة تمانية هتحس ان انت متفاجئ ان انت فاهم معظم الكلام من غير ترجمة وغير مساعدة.
انت بقيت فاهم هتبقى فخور بنفسك جدا بعد كده.
تاسعًا:
الخطوة رقم تسعة هتتكلم مع حد اجنبي او مع مدرسك اذا كان وقته يسمح الخطوة دي هتنقل الانجليزي بتاعك جامد جدا وهتخلي التحدث عندك اسرع واحسن بكتير.
ولو تعذر الكلام او لو تعذر ان انت تلاقي حد تتكلم معاه او تثق فيه يبقى البديل الشات الاجنبي .
عاشراً:
بعد كده عشر خطوة هتبدأ تخش مرحلة ان انت تكتب اكتر وبشكل عمق من الاول ومواضيع متنوعة.
ويا سلام لو قريت مقالة وبعد ما خلصتها وانتقل فيها وحاولت تعمل لها ملخص من دماغك لأحداثها بشكل مطول .
أحدى عشر :
خطوة رقم 11 ما تنساش اللهجة والنطق ركز عليهم من اول الخطوة الاولى السماع لحد دلوقتي اللهجة مهمة جدا واحفظ.
اثني عشر:
الخطوة رقم 12 والاخيرة مبروك انت المدرس انت بقيتش محتاج مدرس انت بقيت تقدر تصلح عيوب نفسك.
وعندك الكفاءة والقدرة ان انت تعرف نقاط ضعفك ايه وعندك ما يؤهلك ان انت تصلحها وتقدر بكل سهولة تدفع نفسك للامام.
كده الـ 12 خطوة اللي وعدتك بيهم .
فضل التحذير خلي بالك!
احنا كبناء ادمين عندنا عيب جامد جدا ما نقدرش نغيره العيب ده ان احنا بنستعجل خلق الانسان ومن عجل بنستعجل اول ما نبقى دخلين على حاجة.
بنبقى عايزين نعرف هنخلصها امتى كده لو لقيت نفسك بتعمل كده وقف على طول وراجع نفسك اوعى تسمح لنفسك ان انت تفكر امتى هخلص الخطوة دي وانقل على لبعدها.
وامتى هيبقى مستوايا زي فلانة او امتى هقدر اتكلم بالطريقة دي اوعى تعمل كده .
خليك في الخطوة اللي انت فيها وحاول تستمتع بيها وصدقني اول ما تبقى جاهز تنقل على الخطوة اللي بعدها مش هتحتاج حد يقولك.
انت هتعرف ان انت جاهز بس يا سيدي ما طولش عليك بقى لو طلعت بأي معلومة من المقال دا ياريت ما تبخلش بيها على اصدقائك.
شير للمقال دي على فيسبوك وتويتر وساعد ناس تانية بتحاول تتعلم انجليزي انها تعرف الطريقة الصح .
شكرا لقرأئتكم والسلام عليكم ورحمة الله وبركاته.
يمكنك أيضاً قراءة هذا المقال علي أوليكس اي تي:
عايز تتعلم جرافيك ديزاين أعرف افضل مصادر ومجاناً
