عايز تتعلم جرافيك ديزاين أعرف افضل مصادر ومجاناً
أفضل مصادر لتعلم الجرافيك ديزاين من الصفر مجانا؟
في وسط الأزمات والزيادات اللي احنا بنشوفها انهارده والأسعار والغلاء اللي احنا عايشين فيه
أصبحت الناس كل يوم بتدور على مصادر جديدة للفلوس ومصادر الدخل الجديدة سواء الفلوس.
دي هتكون مصدر دخل جانبي بجارب الوظيفة بتاعتك أو مصدر دخل أساسي تعتمد عليه.
والحاجة اللي جاي نتكلم عنها النهارده تنفع الاتنين ينفع تشتغلها في الأوقات
اللي انت فاضي فيها بعد شغلك وينفع تعتمد عليها كوظيفة أساسية وتكسب منها فلوس وهي يا صديقي الجرافيك ديزاين .
وجاي في مقال انهارده عشان أكلمكم عن مصادر تقدر تتعلم منها جرافيك ديزاين
ولما جيت يا صديقي عشان أجمعلك المصادر دي وتعلمك النهارده.
حاولت اختار أفضل المصادر المجانية ويا دوب هو مصدر واحد بس لأنه مصدر مهم.
خليته هو المصدر الوحيد اللي بفلوس وكمان اخترته يكون فلوسه رخيصة يعني تقريبا أقل من مصروفك.
لكن يا صديقي أغلب المصادر اللي أكلمك عنها النهارده مجانية مية في المية وتقدر تعلمك يا صديقي.
من الصفر لو أنت ما تعرفش أي حاجة خالص عن الجرافيك ديزاين لغاية حرفيا الاحتراف وأنك تكسب منها فلوس.
لأني هعرفك انهارده علي مضاد تسمي عتاولة المجال ده
وكمان أنا كنت مركز أن المصادر اللي أكلمك عنها النهارده تكون بالعربي .
عشان لو أنت عندك مشكلة في الإنجليز يا صديقي ما تتأثرش كتير.
فأغلب المصادر النهارده هتكون بالعربي هتكون مجانية هتكون بتعلمك من الصفر
فلو عايز تعرف ايه هي المصادر دي يبقى لازم دلوقتي تصلي عن النبي وتقرأ المقال دا للنهاية .
السلام عليكم ورحمة الله وبركاته أهلا بكم .
أى هي المصادر اللي اقدر تعلم منها الجرافيك ديزاين من الصفر وتكون مجانية؟
أولاً:
هي قناة على اليوتيوب للمحترم الجميل جدا مصطفى مكرم الحلو الجميل مع مصطفى مكرم.
انك مش بس يا صديقى تتعلم جرافيك ديزاين .
يعني انت لو داخل عشان تتعلم جرافيك ديزاين هتلاقي عنده حاجات كتير .
عن الفوتوشوب والجرافيك ديزاين وازاي تبقى جرافيك ديزاين شاطر جدا.
لكن الحلو يا صديقة في القناة دي ان هي كاملة متكاملة في مجالات لها علاقة بمجال الجرافيك ديزاين.
زي مثلا انك تلاقي مصطفى مكرم بتكلم برضو عن التصوير.
فانت النهاردة ممكن تتعلم منه تصوير وتبدأ تصور وبالصور دي تعمل عليها شغل الجرافيك
اللي انت عايزه ويبقى كده الشغل 100% بتاعك.
يعني هو ببتكلم عن الجرافيك ديزاين عن الموشن عن التصوير بديك نصايح كمان .
في صناعة المحتوى لو عايز تبقى صانع محتوى بديك نصايح في الإضاءات.
بجد مصطفى مكرم القناة بتاعته كده كنزة حقيقي يعني حاجات كتير من اللي أنا تعلمتها في الفوتوشوب.
أو الجرافيك ديزاين كانت على ايد المحترم الجميل جدا مصطفى مكرم.
والجميل جدا في مصطفى مكرم ان هو دايما بيحاول يطور من نفسه.
يعني احنا لو النهاردة في 2016 هتلاقيه بتكلم عن فوتوشوب 2016.
اما لو مش هالزمن ووصلنا 2023 هتلاقيه بيكلمك عن فوتوشوب 2023
الذكاء الاصطناعي:
وكمان لما بدأت الدنيا تتطور اكتر وبدأ يظهر الذكاء الاصطناعي وانه هو ينافس بقا في مجال الجرافيك ديزاين.
شوفنا برضو مصطفى مكرم بيتكلم عن الذكاء الاصطناعي وازاي تستغل الذكاء الاصطناعي.
وده من الحاجات اللي انا احترمتها جدا في مصطفى مكرم وحفظ الألقاب .
انه فيه ناس كتير جات وقالت لا الذكاء الاصطناعي هيقعدونا في بيوتنا !
ده هينافس الجرافيك ديزاينر هيقعدهم في بيوتهم مش قادروا يشتغلهم !
وبقوا بيحاربوا الذكاء الاصطناعي في نفس الوقت ده شوفناه بسم الله ماشاء الله.
مكتسح في المجال ده وعمال يعلمنا ازاي تستغل الذكاء الاصطناعي.
في مجال مهم زي الجرافيك ديزاين يعني أنت لو أتفرجت على مصطفى مكرم.
بس اضمن لك ان انت هتحقق نتائج حلوة جدا جدا.
لدرجة ان انت ممكن ما تحتاجش الباقي المصادر.
اما باقي المصادر لو جمعتها مع بعض اكيد اكيد يا صديقي دي هتكون فايدة اكبر .
ثانياً:
وخليني اقول لك يا صديقي ان عمر عطلة كمان مش بس جرافيك ديزاينر.
كمان لو انت عايز تتعلم منتاج تقدر تتعلم من عمر عطلة .
وبالمناسبة عمر عطلة من الناس اللي انا تعلمت منها كتير جدا جدا.
فانا بكلمك يا صديقي عن ناس انا جربتهم بنفسي .
ووصلت لنتائج كويسة وقدرت اكسب منها فلوس الحمد لله.
فانت لو عايز تتعلم ديزاينر تقدر تتفرج على عمر عطلة.
عايز تتعلم منتاج تقدر تتفرج برضو على عمر عطلة يمكن انا لاحظت انه الفترة الاخيرة ما بقاش نشيط اوى على اليوتيوب.
لكن الفيديوهات اللي هو محملها قبل كده صديقي لو دخلت واتفرجت عليها فهي كافية جدا ووفية جدا وحقيقية .
فلو انت عايز تتعلم منه جرافيك ديزاين هتقدر ولو عايز تتعلم منه حاجات تانية.
اكتر من الجرافيك ديزاين برده هتلاقي على القناة بتاعته .
ثالثاً:
وتعالوا يلا صديقي نشوف المصدر اللي بعده مصدر لو تابعته بجد ويعني مشيت معاك دي خطوة بخطوة تقدر تمسك فلوس في وقت سريع وهنا يا صديقي بقولك فلوس يعني لازم تركز كويس جدا جدا .
وهي برده صديقي قناة على اليوتيوب وهي قناة نور ديزاين القناة دي يا صديقي كنز كبير جدا لأي حد عايز يتعلم جرافيك ديزاين .
بالذات لو عايز يتعلم بقى الشغل بتاع الجرافيك بتاع الإعلانات والحاجات اللي تنزل على الفيسبوك.
انك تلاقي مثلا تصميم عن إزازة حاجة ساقعة ومكتوب جنب كلام وتلاقي البرتقالة طالع منها إزازة الحاجة الساقعة والشغل ده .
والحاجات اللي تنزل في البوستات بتاعت الفيسبوك وإحنا بنقلد كل الحاجات ده صديقي جرافيك ديزاين.
رابعا:
نور ديزاين هيعلمها لك لإن الحلو انه هو عنده قوام تشغيل من ضمنها قوام تشغيل بيعلمك فيها الجرافيك ديزاين عبارة ان هو يجيب لك التصميم عبارة عن ورقة فاضية وبيبدأ هو خطوة بخطوة بيركب الحاجات على بعض لغاية ما يوصل للتصميم النهائي .
وتلاقي يجيبلك في الفيديو يا صديقي كل الأدوات وكل الحاجات اللي هو استخدمها في الفيديو ده فانت تقدر تحملها وتفتح عندك الفوتوشوب وهو يفتح الفوتوشوب عنده ويبدأ هو يشتغل وانت تقلده .
تمشي معاه خطوة بخطوة والأدوات كده معاك لغاية صديقي ما توصل في النهاية ان انت تعمل تصميم شبه تصميم بتاعه او بتحط فيه تغيرات خفيفة بتغير فيه فبتكون دي بداية قوية جدا لأي حد عايز يتعلم جرافيك ديزاين.
لإنك يا صديقي لو سألت أي حد في المجال ده بنسبة كبيرة هيقولك ان هو في البداية بتاعته اول ما بدأ كده كان بيقلد يعني كان بيجيب تصميم ويبدأ يقلد التصميم ده عشان يطلع حاجة شبهه فانت صديقي لما تيجي تبدأ هتحتاج انك تقلد ناس.
فكويس انت بقى ماشي مع نور ديزاين خطوة بخطوة بتقلد الحاجات اللي هو بيعملها عشان يطلع تصميم شبه بتاعته لغاية يا صديقي ما تبقى خلاص واصل لدرجة ان انت تقدر تعمل التصميم الخاص بيك ما تقلدش حد.
خامسا:
المصدر اللي بعد كده صديقي هي مش قناة اليوتيوب هو بقى كتاب ارشحه لأي حد عايز يتعلم ان هو يصمم لوجوهات انك تعمل لوجودده بسيط انصحك بيه ويساعدك انك تكسب منه فلوس واسعار اللوجوهات مش عايزه اققولك عامل ايه يا صديقي.
هتعرف انها مش حاجة بسيطة زي ما انت فاكر وان الموضوع مش سهل زي ما انت فاكر برضه لو احنا يروح بنعمل اي شكل وبنبيعه لفلان .
الجرافيك ديزاين انك تعمل لوجو ده جزء من الجرافيك ديزاين وجزء مهم جدا وبيجيب فلوس كويسة جدا انا برشح لكم كتاب وكتاب مهم جدا والكتاب ده يا صديقي اسمه خمسين نصيحة من المحترفين لتصميم الشعرات.
يعني يا صديقي حتى لو انت ملكش في القراءة اضغط على نفسك شوية ودوس على نفسك شوية وقرأه وكل ما تحس صديقي بالتعب او ان انت زهد افتكر الفلوس وان انت بعد الكتاب ده هتبقى قادر انك تشتغل وتجيب فلوس .
فبلاش الكسل يبعدك عن هدفك .
سادساً:
اللي بعد كده يا صديقي ده حرفيا بقى انا جايبه لك من الصفر خالص وهو ان انت حد اصلا لا يجيد استخدام الفوتوشوب ولا برامج الجرافيك ديزاين خالص وهنا صديقي برشح لكم فيديو مهم جدا.
على قناة بشمهندس احمد ابو زيد اللي هي قناة دروس اونلاين فيديو يا صديقي بتكلم فيه عن ازاي تتعلم فوتوشوب في 90 دقيقة بس الفيديو ده مهم وعن طريقه هتقدر تتعلم كل اساسيات الفوتوشوب.
وهتلاقيه برضو على قناة دروس اونلاين بتاعت بشمهندس احمد ابو زيد عمل فيديوهات كتير عن الفوتوشوب وازاي تعمل كده فيه شوية حركات لو تفرجت عليهم هتفيدك جدا وده بياخدك من الصفر ان انت حد مش عارف اصلا ايه العالم ده لحد عارف على اقل الاساسيات عشان تقدر تشتغل.
يعني ممكن اصلا تبدأ بالفيديو ده بعد كده تبدأ تروح قنوات الناس اللي انا كلمتك عنهم وتبدأ تطبق معهم.
سابعاً:
وأخر مصدر معنا بس هو مصدر مش مجاني.
هو مصدر بفلوس وهي منصة ينفع انا رشحت لك منصة ينفع لان عليها مجموعة من الكورسات الكويسة جدا جدا جدا اللي بتعلمك حاجات كويسة في الجرافيك ديزاين .
تقدر برضو تستثمرها بعد كده وتكسب منها فلوس ورشحت لكم منصة ينفع بالذات لان اسعارها كويسه مقارنة بناس تانين .
وعملنا فيديو كامل عن منصة ينفع انصحكم تروحوا تشوفوه لانها هتلاقي في الفيديو برومو كود لو استخدمته هتاخد السنة كلها بحوالي تقريبا كان 300 جنيه.
ثامناً:
خليني اقولك يا صديقي اقل امكانيات ممكن تبدأ بها جريفك ديزاين لو معاك لابتوب او كمبيوتر الرامة يا صديقي ينفع تبدأ رامات 4 جيجا .
بس صدقني ده هتبقى يعني صعب قوي فانصحكم انصحكم خليك في المتوسط وابدأ برامات 8 جيجا وياريت تكون DDR4 لو انت مش فاهم الكلام ده صديقي اكتبه في ورقة .
وكلم في اي حد مفهم في كمبيوترات وهو هيساعدك فيه بالنسبة للمعالجة صديقي ما تقلش خالص عن انت كور اي 5 وحتلك كده كارت شاشة يكون متوسط او فوق المتوسط .
عشان الجرافيك ديزاين والمونتاج والحاجات دي بتحتاج كارت الشاشة كويس مش هقولك خارق لكن عليك تبدأ بكارت شاشة كويس.
والهارد بتاعك يا صديقي اللي هي مساحة التخزين بتاعتك خلي الهارد ايام كارت مساحته خليه SSD ده هيساعدك ان انت يكون الاستخدام سلس اكتر وسريع اكتر.
زي ما قلتلك برضه لو مش فاهم ايه الكلام اللي انا بقوله لك ده وبالنسبة لك دي ألغاز حاول تكتبهم في ورقة واسأل فيهم اي حد او ارجع للمقال.
هيجي صاحبنا اللي يقول طب أنا مش معايا لابتوب ومش معاي كمبيوتر وعايز اشتغل جرافيك ديزاين بس بالموبايل بتاعي خلص كده الدنيا قفلت في وشي.!
عقولك لا يا صديقي هقولك اني فيه تطبيقات وبرامج بتشتغل على الموبايل عادي جدا بس الكلام فيها هيطول اوي يا صديقي.
وإن شاء الله هنعمل مقال كامل عن البرامج بتاعت المونتاج سواء للكمبيوتر او للموبايل.
وبس كده صديقي يكون مقالنا خلص انهارده وتمت بحمد الله اتمنى صديقي تكون انت كمان استفدت من المقال .
وربنا يعينك صديق ويفتح ليك كل الابواب المقفولة ونشوفك يا رب كده معاك جرافيك ديزاين حلوين وماشي الدنيا في وسط الغلا اللي احنا فيه اتمنى المقال يكون لطيف وخفيف وتكونوا استفدتم والسلام عليكم ورحمة الله وبركاته
يمكنك أيضاً قراءة هذا المقال علي أوليكس اي تي:
عايز تتعلم موشن جرافيك أعرف ازاي تبدأ وبعض النصائح؟
