محاولات نبش قبر الرسول صلى الله عليه وسلم والنهاية
نبشوا قبر الرسول محمد 4 مرات وهذا ما حدث لهم .. سر غلق قبر النبى وبناء جدار من الفولاذ حوله
تعرف أن الروم نبشوا قبر النبي محمد صلى الله عليه وسلم وكانوا على بعد متر واحد بس من جثمانه الطاهر.
ورب العزة تدخل لإنقاذه بالزلزال العظيم
حد سأل نفسه قبل كده مين هو الفاسق اللي دبح ميت ألف حاج وتحدي ربنا ؟
وقال للحجاج مش انتوا جايين لمحمد خلوا محمد ينقذكوا .
تعرف أن سلطان مصر الحاكم بأمر الله بعت يجيب جثمان الرسول محمد صلى الله عليه وسلم علشان يخليه في القاهرة هنا .!
بص يا رفيع المقام أنا مبحبش تعقيد الأمور على الناس لأن أكتر حاجة تغضب رب العزة هي تعقيد الأمور على عباده.
أهلا بكم أنا جاي أقولك كم معلومة حلوة كده وسريعة فلو جنبك ابنك أو بنتك هاتهم علشان يستفادوا .
أولا:
بعد وفاة أشرف الخلق سيدنا محمد صلى الله عليه وسلم سنة 11 من الهجرة اندفن في بيت زوجته السيدة عائشة رضي الله عنها وأرضاها اللي هي دلوقتي الروضة الشريفة.
ومن ساعت ما اندفن سيدنا محمد صلى الله عليه وسلم وفي محاولات مريبة لسرق جثمانه الطاهر ونبش قبره .
أنا جاي أقولك على أغرب أربع حالات لنبش قبر الرسول عليه الصلاة والسلام .
وأغربهم كانت آخر محاولة وإزاي ادخل رب العزة في كل مرة علشان ينقذ جثمان نبيه محمد صلى الله عليه وسلم.
أول محاولة:
نفذها الحاكم بأمر الله اللي كان سلطان مصر وقتها.
الراجل ده يا رفيع المقام كان غريب الأطوار تحسه مختل عقليا كده.
كان من الآخر كده فرعون زمانه وعلشان يثبت حكمه في مصر.
استعان بشلة من الزنادقة أصحابه اللي قالوله على خطة السرق بجسد سيدنا النبي الطاهر علشان يجيبوه هنا القاهرة .
ويسرقوا كمان جسامين أبو بكر الصديق وعمر ابن خطاب رضي الله عنهم وأرضاهم.
الحادثة دي كانت سنة 400 هجريا وكانت مرعبة حرفيا الزنادقة أصحابه زينوا الفكرة الشيطانية دي في دماغه.
وقالوله إنت لو جبت جسامينهم هنا مصر كل الناس هيجوا هنا .
مش بس كده ده الخير هيبقى على قدم الواردين كمان والتجارة هتنتعش عندنا
الموضوع دا كبر في دماغ الحاكم بأمر الله !
بس هينفذها إزاي ؟
دا هيسرق جسمان سيدنا محمد صلى الله عليه وسلم يعني كل المسلمين اللي في العالم .
ممكن يشيلوا كده الحاكم بأمر الله من على كرسي ويرموه في البحر متكتف.
الموضوع مش هينفع معاه إنه يروح بجيش ويعمل حرب والقوانطة الكذابة دي.
هو فكر مع شلة الشياطين بتوعه إن الموضوع يمشي بالحب كده .
طيب إزاي يعني؟
يعني هيبعت وفد من المدينة المنورة ويتفاوض مع أهل المدينة هناك على إنه ياخد جثمان النبي محمد صلى الله عليه وسلم وأصحابه .
ويحطوهم في القاهرة هنا في مكان هيتعمل مخصوص لهم.
وبعت مع الوفد ده واحد من أهم رجالته وهو الشريف أبو الفتوح حاكم مكة.
وده كان من موالين لحكم الفاطمين في الوقت ده .
وكان مغلوب على أمره إنه ينفذ الأمر ده وإلا هيقطعوا راسه ومش هيسموا عليه أصلا.
دوا ناس اتحدوا إبليس نفسه في الإجرام .
الراجل خد شوية الحاشة اللي جايه من مصر وراح بيهم على أهل المدينة المنورة.
وقعدوا في مجلس كبير وأول ما قالوا الراجل هناخد جسد النبي محمد صلى الله عليه وسلم .
وهنا بقى قامت الدنيا وما قعدتش كان كل اللي في القاعده هيتقتل حرفياً .
بما فيهم حاكم مكة الموضوع ما خلصش لحد هنا.
مجرد التفكير في نبش قبر الرسول مش هيعدى كده وخلاص .
ربنا عز وجلل غضب وبعد عاصفة شالت الأرض باللي عليها ونزلتها تاني.
العاصفة دي من قوتها كانت هتقلع الجبال من مكانها دي كانت بتطير الخيول والأبل في السماء وترميهم في أماكن تانية بعيدة جدا .
ومات كل اللي كانوا جايين ينبشوا قبر الرسول صلى الله عليه وسلم.
المحاولة الأولى فشلت آه بس الحاكم بأمر الله ميقسش.
الراجل راح وجرب تاني هوس الحكم عميق.
بس المحاولة تانية مش هيروح يتفاوض معاهم لإن المحاولة دي عملها فشلت.
المحاولة التانية:
هو هيجيب شياطين الإنس نفسهم لإن شياطين الجن ميقدروش على إنهم يعملوا كده.
وجايب أحقر من أنجبت الأرض وأداهم فلوس تكفيهم 300 سنة قدام يصرفوا منها متخلصش .
وكلفهم بالمهمة الخبيثة دي المهم إنه بعت ناس تاخد أوضة قريبة من قبر سيدنا النبي محمد صلى الله عليه وسلم ويحفروا سرداب تحت الأرض لحد ما يوصلوا للروضة الشريفة.
وفعلا حفروا أعماق كبيرة وقعدوا وقت كبير جدا شاغلين ليل نهار لحد ما خلاص كانوا على بعدة أمتار من جسد سيدنا محمد صلى الله عليه وسلم .
الموضوع خطير جدا بس بقصد الحظ إنه واحد من أهل المدينة سمع خبط قريب من قبر الرسول صلى الله عليه وسلم.
وراح جاري يخبط على بيوت أهل المدينة كلهم ويقولهظ قبر النبي هيتم نبشه.
الناس خرجت جري مفزوعين وبيدوروا في كل حتة على مكان الخبط .
لحد ما لقوا مكان الحفر وجابوا اللي كانوا بيحفروه وقطعوهم حتت ورموهم في الشوارع وكده انتهت المحاولة التانية بالفشل .
طيب الحاكم بأمر الله راح فين ؟
مات في ظروف غامضة ومحدش يعرف عنه حاجة.
المحاولة التالتة
ودي كانت أغرب محاولة لنبش القبر سنة 557 هجريا في عهد الملك العادل نور الدين زنكي الراجل ده فعلا يابخته عند رب العزة .
جاله سيدنا محمد صلى الله عليه وسلم في المنام لما كان قاعد في مصر بعدما صلى صلاة التهجد اللي بيصليها كل يوم ونام .
ظهر له سيدنا محمد صلى الله عليه وسلم هو بيشاورله على راجلين وبشرتهم شقراء وبيقوله أنقذني من هازين.
نور الدين زنكي صحي من النوم بعد الرؤية دي مفزوع وصلى ونام.
ولما نام شاف نفس الرؤية تاني أمر مفزع.
سيدنا محمد صلى الله عليه وسلم جايله بنفسه في المنام وبيقوله أنقذني من دول صحى من النوم مفزوع وتوضى وصلى ونام تاني .
ويجيله أشرف الخلق مرة تالتة.
وأول حاجة عملها أنه استدعى وزيره جمال الدين الموصلي وحكاله على كل اللي حصل.
الراجل سمع اللي قاله خليفة الراشد وجسمه أشعر وفجأة قاله إيه اللي مقعدك هنا يلا بينا على المدينة النبوية.
وما تقولش لحد على اللي حصل ده.
الملك العادل كان قاعد في مقر حكمه في القاهرة ومن الوقت ده لحد الصبح لما طلع كان بيجهز الشنطة عشان يسافر وخرج وفي طريقه للمدينة ومعاه موكب عظيم وهو رايح المدينة النبوية.
بالإضافة كمان أنه
خد معاه من مصر أموال لا حصر له هيوزعها على صدقة على أهل المدينة أهل المدينة عرفوا خبر أن الملك العادل جاي يزور الرسول صلى الله عليه وسلم.
فالكل تجمع في استقباله وأول مواصل طلب من أهل المدينة أن هما يكتبوا أسماء كل من يجوز عليهم صدقات فأهل المدينة كتبوا .
كل أهل المدينة وقف السلطان وسط المدينة من هنا ورا وكل أهل المدينة متجمعين قدام السلطان هو اللي بيوزع الصدقات بنفسه.
وبيدقق النظر في كل اللي بيدخلهم لحد آخر واحد من أهل المدينة.
ومظهرش الرجلين الاشقرين دول أمر عجيب ومحير سلطان جاله فكره كده أنه يسأل أهل المدينة ويقول لهم مفيش حد تاني ماخدش صدقة !
ردوا عليه وقالوا لا كلنا خدنا عقله كان هينفجر من التفكير.
فجأة ردوا عليه وقالوا له آه في رجلين من الناس الصالحة التقية بس دول أغنياء لا يستحقوا الصدقة.
جايينين من المغرب.
هنا السلطان انشرح صدره وقال لأهل المدينة هاتوهم دلوقتي حالا هنا الصدمة بقى !
السلطان أول ما شاف الرجلين دول لقاهم نفس الرجلين الشقر اللي شافهم في الرؤية ودول اللي شاور عليهم الرسول صلى الله عليه وسلم !
بس ما تسرعش .
وقال لهم انتم مين؟
رضوا عليه وقالوا احنا من بلاد المغرب جايين نحج بيت ربنا وقررنا اننا نقعد في حجرة جنب مقام سيدنا محمد صلى الله عليه وسلم.
محدش من أهل المدينة عارف حاجة السلطان لما شك في أمر الرجلين دول أهل المدينة قالوا له دول بيصوموا كتير وبيتصدقوا كتير علينا.
ودايما بيزوروا البقية وقبائل .
هنا بقى الملك العادل قام ومسك الرجلين بأيدي كده وقال لهم تعالوا معانا ودخل بيهم البيت.
وأهل المدينة في حيرة من أمرهم.
ايه اللي بيعمله الملك مع الناس الصالحة دي؟
السلطان دخل البيت وقاعد يلف حتة حتة ماسبش حتة في البيت مفتشهاش .
فجأة السلطان رفع الحصيرة اللي تحت رجليه ولقى الصدمة المرعبة.
لقى نفق محفور تحت الحصيرة دي آخر النفق ده هو الحجر الشريفة.
السلطان مسك الرجلين دول بيده قال لهم كلمتين بس اعترفوا أحسن لكم لإنهم شافوا في عينه جحيم العذاب!
اللي هيشوفوه بعد شوية وإعترفوا على طول .
وقالوله احنا من الروم وجايين نسرق جسد النبي محمد صلى الله عليه وسلم .
واخدين على الموضوع ده فلوس ملهاش آخر .
ودخلنا هنا مع فوقج الحجاج المغاربة.
كنا بنحفر كل يوم بالليل وكنا خلاص على بعد متر واحد بس من جسد الرسول صلى الله عليه وسلم
وكل التراب اللي كان بيطلع من النفق اللي حفرناه كنا بناخده في المحفاظة الجلدية بتاعتنا دي ونعمل أكننا بنزور البقيع وكنا بنرميه في القبور.
هناك ولما قربنا من الحجر الشريفة سمعنا صوت رعد كان هيضيع سمعنا تقريبا وبرق شديد جداً أكن الجبال بتدخل علينا .
ده اللي شفناه بالليل قبل ما توصل انت الصبح.
عمل اي فيهم السلطان ؟
الغضب والانتقام الشديد هيظهر دلوقتي من السلطان اللي جابهم وقطع رؤسهم قدام أهل المدينة قرر ان المكان المقدس ده مينفعش ان يتساب كده .
وأمر بحفر خندق عظيم حول المقام الشريف من الجوانب الأربعة .
وجاب مادة رصاص وسيحة وملى بيها الخندق عشان محدش يقدر يوصلهم .
تعالى بقى أقولك أنه كان في محاولة كمان !
المحاولة الرابعة:
أرناد ده واحد من الملوك الصليبيين سفّاح كبير جدا وعمل جرائم بشعة في المسلمين .
كان بيقتل الحجاج وياخد كل اللي معهم غنائم مش بس كده.
ده كان وهو بيقتل الحجاج كان ليه جملة مشهورة جدا بيقولها مش انتوا رايحين لمحمد طيب خلوا محمد ينقذكم !
صلاح الدين الايوبى وقتها اقسم انه يقتله بنفسه وبسيفه.
وسط اللي بحكهولك ده كله حصلت كارثة مرعبة فجأة المخابرات الاسلامية بعتت رسالة خطيرة جدا لصلاح الدين الايوبى!
بتقوله الحق ارناد واقف علي البحر الاحمر وناوي ينبش قبر سيدنا محمد صلى الله عليه وسلم .
صلاح الدين الايوبى انتفض من مكانه من قوة الخبر اللي سمعه.
على طول بعت رسالة سريعة لقائد القوات البحرية المصرية وقتها حسام الدين وقاله أطلع جري على البحر ومسبش حد منهم حي !
حسام الدين واحد من أهم القادة اللي التاريخ مدهوش حقه .
جاب المراكب وقوات التدخل السريع بتاعته استعان بشوية بحارة مغربية من المحاربين التقال وراح بيهم جري على البحر الاحمر !
وهناك ظهرت معركة عظيمة قضى فيها حسام الدين لقلق على كل قوات الصليبية اللي كانت موجودة هناك .
وقامت بعدها معركة من اعظم معارك التاريخ وهي موقعة حطين اللي اتأثر فيها ارناد وملوكه ورأس الليبيين كتير جدا.
صلاح الدين الايوبى فرض عنهم بجزية كبيرة جدا اتكفلوا يعني.
بس مش كلهم اللي تم الافراج عنهم.
راح صلاح الدين الايوبى رفع سيفه وقطع رأس ارناد وعلقها قدام الباقي.
اللي عايز اقوله لك نهاية الحلقة ان ربنا عز وجل هو الحامي لقبر نبيه الى يوم البعث فمتقلقش !
وبكدا يكون المقال بتاعنا خلص وشكرًا لحسن قرائتكم والسلام عليكم ورحمة الله وبركاته.
يمكنك قراءة هذا المقال علي أوليكس اي تي:
قصة عجيبة أولها الم وآخرها جبر بفضل الله
