زكاة المال وأهم الأسئلة اللي تخصها وإجابتها
بطريقة مبسطة شرح زكاة المال وإجابة أهم الأسئلة ؟
إجابة أهم أسئلة عن زكاة المال.
فرض ربنا للأسف كتير من المسلمين ما بيعملهوش.
السلام عليكم ورحمة الله وبركاته اهلا بكم.
ناس كتير بتحب بتطلع زكاة مالها في رمضان.
وناس كتير فكرة نفسها بتطلع الزكاة وهي مش بتطلع الزكاة وهنفهم مع بعض ازاي.
فعشان كده كان مهم جدا اننا نتكلم عن زكاة المال ايه هي اشروطها ازاي نتطلعها بطريقة صح .
وقبل ما نبدأ خلونا نتكلم عن اهمية زكاة المال.
أهمية زكاة المال ؟
زكاة المال دي الركن الثالث من اركان الاسلام.
كلنا حافظناها من حضانة بُني الإسلام على خمس.
تالت واحدة وإعطاء الزكاة.
ربنا سبحانه وتعالى قال عن مانع الزكاة.
والذين يكنزون الذهب والفضة.
ولا ينفقونها في سبيل الله فبشرهم بعذابٍ أليم.
يعني ربنا سبحانه وتعالى بيقول عن مانع الزكاة انه سيعذب.
سيدنا ابو بكر الصديق بعت أحدى عشر جيش تحارب مانع الزكاة بعد وفاة النبي صلى الله عليه وسلم.
وسميت حرب المرتدين.
فتخيلوا اهمية الزكاة عملت ازاي فركزوا معايا عشان نعرف ازاي نطلع زكاة من مصر.
والسؤال الاولاني
امتى بتبدأ الزكاة ؟
الزكاة بتبدأ وتبقى فرض على المسلم لما يعدي حاجة اسمها النصاب.
طب يعني ايه النصاب النصاب قدره الفقهاء بخمسة وتمانين جرام ذهب عيار او على نصاب الفضة.
واللي هو ٥٩٥ جرام فضة عيار ٩٩٨ او عيار الف.
يعني ايه الكلام ده ؟
يعني اول ما فلوس حضرتك تيجي كده تشوف هي قد ايه مقارنة مع سعر الذهب تلاقيها عدت سعر خمسة وتمانين جرام ذهب عيار ربع وعشرين او عدت سعر خمسمية خمسة وتسعين جرام فضة عيار الف.
اول ما يحصل كده يبقى انت عديت النصاب.
ومن اللحظة دي تبدأ تحسب سنة والسنة بتبقى سنة هجرية.
بعد مرور السنة الهجرية تبقى انت كده عديت اول حول.
تشوف بقى اللي معاك ده لسه فوق النصاب اكتر منه اه هتطلع اتنين ونص في المية.
يعني كل مية جنيه عليهم اتنين جنيه ونص. كل الف جنيه عليهم خمسة وعشرين جنيه.
واقسم على اربعين يا سيدي.
ويبقى ده حق الفقير في مالك .
طيب وانا اختار نصاب الذهب ولا نصاب الفضة ؟
نص يا جماعة خلونا نتفق اتفاق.
لو انت كريم فربنا اكرم.
وفي زمن الفقر والحاجة والناس المحتاجة.
الكريم هيختار نصاب الفضة.
عشان ده هيبقى يعني قليل.
أحنا بنتكلم في 12 الف وحاجة 13 الف وحاجة في الحتة دي.
انما نصاب الذهب هيبقى عالي جدا واغلب الناس هتبقى برا النصاب فا يعني كتير مش هيطلع زكاة مال.
وان كان صحيح جدا انك تحسبها على نصاب الذهب ولو هي اقل من سعر عشرين ما تطلعش.
لكن الكريم ربنا اكرم
طيب تتحسب ازاي بالظبط؟
احنا اتفقنا اول ما انت كسرت النصاب بتعد سنة هجرية.
عدت السنة الهجرية.
بعمل ايه ؟
تبدأ تحسب كل الفلوس اللي عندك.
الفلوس اللي في البنك.
والفلوس اللي في جيبك.
وكمان الفلوس اللي في البيت.
الفلوس اللي ليك برا وضامن انها ترجع.
معنى كلامي دي يركز معايا يعني انت دلوقت في واحد مدين ليك بفلوس ورجل امين بتحسبهم معاك.
طيب لا لا ده هو نصب ومطل ومش هيرجع فلوسي.
في الحالة دي ما بتحسبهمش.
يبقى بتحسب كل اللي معاك وكل اللي ليك برا.
كده حسبنا اللي معانا هنشيل منهم الديون اللي علينا.
يعني انا مستلف من فلان كذا ومستلف من فلان كذا وعليا لفلان كذا.
فبالتالي.
دي مش فلوسي دي فلوسهم اصلا وانا هردها لهم. فبنعملها بالنقص.
فلما نقص اللي علينا هيطلع رقم.
الرقم ده زيادة هنبدأ نزكيه بأتنين ونصف في المية .
أو زي ما قولنا هنقسم على اربعين.
أظن سهله او مفهومه.
طيب الدهب نحسبه مع الفلوس دي ؟
ولا ما بنحسبوش مع الفلوس دي ؟
نص الدهب الفقهاء اختلفوا في الامر.
فيه منهم من قال انه الحلي اللي هي للزينة مش عليها زكاة.
اما اللي محوش فيها الفلوس يبقى عليها زكاة.
بس خلينا كده نبقى صرحة مع بعض.
هو مين فينا لو تزنق مش هيبيع يعني حتيتين الدهب اللي عنده.
فبالتالي تقريبا كلنا بنتعامل معهم على انهم دهب متحوش فيه فلوس.
فساعتها بنوزن الدهب اللي عندنا ونضربه في سعر الدهب في اليوم اللي فرضت علينا فيه الزكاة.
يعني على سبيل المثال !
انا بطلع زكاة يوم واحد رمضان فهضربها في سعر الدهب يوم واحد رمضان.
والسعر اللي هيطلع هضيفه على الفلوس بتاعتي اللي هي الليلية بتاعتي.
وأطلع على كل ده اتنين ونصف في المية.
هتقولي طب الدهب بتاع زوجتك هل تزكي برضه ؟
لا هي كده الزكاة عليها هي ولكن انت راجل كريم وحبيت انت تزكي عنها تطوعا زكي عنها مفيش مشكلة.
ولكن الاصل ان زكاة دهبها تلزم.
طب الشقة اللي انا ساكن فيها او العربية اللي انا بركب عليهم زكاة؟
الاجابة لا.
طب لو انا عندي شقة زيادة عن حاجتي او عربية زيادة عن حاجتي وانا بأجرهم وباكسب منهم فلوس عليهم زكاة ؟
الاجابة انه الزكاة مش على سعر الشقة او سعر العربية.
لكن الزكاة على الفلوس اللي جالي من ايجار الشقة او ايجار العربية.
واللي هي باجي في يوم الزكاة بتاعي زي ما اتفقنا مثلا انا بطلع يوم واحد رمضان هاخد الفلوس دي حطيتها على فلوسي كلها وبقى عارف انا معايا كام وطلع اتنين ونصف في النهاية.
يعني ما لهمش زكاة مخصوصة بيهم.
لا هي زكاة مالي ككل بيضاف لها الفلوس اللي بيطلع من ايجار الشقة او العربية.
طب خب بقا السؤال دا .
لو عندي بقى شقة انا شيلها للزمن او حتة ارض ايه للزمن برده ؟
مش عارف بقا يعني هنبني عليها .
ولا هديها لأبني الشقة دي يتجوز فيها .
ولا هنبيعها معرفش.
احنا شيلنا للزمن وخلاص.
لو كانت النية في الشقة دي او في الارض دي تجارة وهي دي النية انا تاجر ببيع واشتري.
يبقى كل ما هيجي الحول معدل زكاة بتاعي هشوف سعرهم السوقي كام وطلع من سعرهم السوقي ده تنين ونصف مية زكاة.
لكن لو انا شيلهم للزمن كده انا معرفش هعمل فيهم ايه ؟
دول ممكن اجوز فيهم ابني ممكن ابني عليهم شقة ولا عمارة ممكن ابيحهم الله اعلم لسه معرفش.
يبقى في الحالة دي هي معاها زكاة والمال هي معاها.
ولكن مجرد ما بعتها خلاص فهمنا اللعبة بقى.
هناخد الفلوس ونضفها للفلوس بتاعتنا.
ولو جمعات بقى الحول اللي هو اليوم اللي بيطلع فيه الزكاة هم بيطلع اتنين ونصف مية على كل مالي.
ايه يا كبير بس انا عارف انه مفروض كل قرش يخشلي يكون عدى عليه سنة عشان ازكي عليه.
انت بتقول لي هاجي احسب يوم الزكاة بتاعي كل الفلوس اللي دخلت لي واشوفها عدت النصاب ولا لأ ؟
طيب فلوس دي لسه دخلالي من أمبارح ولا من أول امبارح؟
دخلالي من شهر يا سيدي.
يعني معداش عليها السنة.
ايوة ما هو وهو ده الصح.
احنا يوم الحول لو الفلوس دي لسه دخلالي من ساعة قبل يوم الحول دخلة في الزكاة بتاعها.
ولو بقالها معايا كل يام الحول كله وخرجت قبل يوم الحول على طول فهي بره حساب زكاة.
مش بشوف كل قرش دخل يعني هنا دخل عشر جنيه عد عليهم سنة ولا لأ ؟
وبكرة دخل لي خمسين جنيه عد عليهم سنة ولا لأ ؟
لا بنثبت المعاد نشوف كل فلوس اللي عندهم.
سوى دخلالي قبلها بيوم او بساعة.
طيب ينفع طلع الزكاة بالتاريخ الميلادي ؟
يعني بلاش واحد رمضان نخليها واحد يناير.
فيه من العلماء من اجاز ده للضرورة.
انه على سبيل المثال .
بعض التجار ورجال الاعمال بتبقى فيه بقى السنة المالية وحسابات السنة المالية وحاجات كده بتصعب عليهم ان هما يطلعوها بالسنة الهجرية.
وساعاتها العلماء قالوا هتبقى النسبة اتنين وستة من عشرة في المية مش اتنين ونصف في المية.
ولكن الامر ده فيه خلاف.
وانا وانت مش صعب علينا نحسبها بالسنة الهجرية.
فبالتالي نخرج من الخلاف ونريح دماغنا ونثبت معايا في السنة الهجرية.
وهذا معدل الحول بتاعنا اللي هنطلع عليه كل سنة زكاة مالية.
طب أنا بطلع طول السنة كده وما بحسبهاش يعني.
بطلع لله ويمكن اكتر من عشرة في المية ولا ايه؟
طول اتنين ونصف في المية.
هقولك الله على عيني.
شوف اه وفيه ناس فاكرة كده انها بتطلع زكاة مالها واكتر.
لا دي مش حقيقة بقى.
زكاة المال لازم لها نية مخصوصة.
يعني لازم وانت بتطلع دي من جيبك بتقول دي من زكاة مالي نية جوه قلبك ان ده من زكاة المال.
مدخاتش النية بقت صدقة من الصدقات ومش زكاة مال.
الزكاة فرض ربنا سبحانه وتعالى علينا.
الصدقة هي نافلة نتقرب بيها لله عز وجل.
الزكاة لازم لها نية مخصوصة.
ما تقوليش انا بطلع كده وخلاص ما لا ده لازم تحسبها تحسبها كويس قوي.
يا ابني بقول لك عمود من عمدة الاسلام.
لازم تحسبها وتاخد نياتها.
طيب ينفع طلعها اول بأول ؟
كل ما يجيلي قرشين اققوم مطلع منهم اتنين ونص في الميه لله بنية الزكاة وخلاص.
دا بقا لخبط الدنيا كلها.
وتفعيص ملوش لازمة وهتلاقي نفسك مع الوقت متلخبط وانا طلعت على اي مبلغ ومطلعتش على اي مبلغ
وبعد كده ممكن اصلا يحول عليك الحاول فتلاقي معك اقل من النصاب فكانش مفروض تطلع زكاة اصلا.
فالامر يبقى يعني محير كده ومش مظبوط ومش منظم.
نصيحة ليك !
يا عم هيريحك الحركة دي بسيطة خالص.
على جنب كده حط حصالة ولا خزنة ولا حاجة.
تحط فيها اتنين ونص في المياه من كل حاجة تجيلك.
وتيجي بعد الحاول تحسب وتشوف والله لو جوه الحصالة دي هي زكات مالية هتطلعهم اكتر هتطلعهم اقل هتطلعهم.
ولكن نحطات للدين يا جماعة مهمة اوي .
طيب ينفع تطلعها مقدما.؟
الاجابة اه ينفع.
لكن ما تطلعهاش مؤخرا معناه أي .!
على سبيل المثال انا بطلع زكاتي يوم واحد رمضان.
ينفع من اول بقا رمضان اللي قبله.
ابدأ واحدة واحدة كده اطلع فلوس اطلع فلوس اطلع فلوس وكل مرة تبقى نية ان دي زكاة فمقدما ماشي .
يعني قبلها ماشي.
انما مؤخرا لازم ييجي عليك يوم الحول تكون طلعت زكاتك كلها.
اوعى تأخر زكاة مالك .
طيب ينفع اطلعها لقريبي ؟
ا
لاجابة اه وتبقى زكاة وبر وصلة. ولكن لقريبك اللي مش بتلزمك نفقتهم.
يعني متقوليش انا هتطلعها لقريبي.
هتطلعها لمين ؟
للمرأة او هتطلعها لولادي او هتطلعها لابوية او لامي.
فيبقى مينفعش اطلعها لقريبي اللي تلزمني ان نفقتها.
لكن من العلماء من جاوز انه الاخ يطلعها الاخو او ان الزوجة الغنية تطلع زكاتها لزوجها الفقير.
طيب سؤال كمان ينفع أطلع حاجات عينية ؟
زي تلفزيون او ماكينة خياطة !
الاجابة لا زكاة المال تطلع مال الا في حالة واحدة.
انه الفقير يقولك انا وكلتك انك تشتريلي حاجات بتاعك.
هنا ممكن تديله حاجات عينية.
طيب حد هيقولي انا بقالي سنين معدي النصاب وما طلعتش الزكاة.
اعمل ايه ؟
رقم واحد تلزمك التوبة.
والتوبة تجب وما قبلها باذن الله ربنا سبحانه وتعالى يسامحك في حقه.
لكن لسه في حق تاني وهو حق الفقير.
فواجب عليك انك تقعد تشوف انت بقالك كام سنة ما طلعتش زكاة مالك.
وتحسب فلوسك في كل سنة من اللي انت ما طلعتش فيهم زكاة مالك.
وتطلع اتنين ونص في المية عن كل سنة.
هتقولى صعب قوي ده ده ده بقالي عشر سنين خمستاشر سنة.
الله يعينك.
طالما تأخرت في حق العباد واجب عليك ترد حق العباد عشان توبتك تقبل باذن الله.
والقعدة فاتقوا الله ما استطعوا.
يعني قدر امكانك احسبها وربنا سبحانه وتعالى يسامحك في الخطأ الغير مقصود.
ودايما يا جماعة حساب زكاة المال خلي دايما ايديكو زيادة.
لانك مهما كانت ايديك زيادة زيادة عند ربي اكثر واعظم وكثرة.
خير الله وطاقه.
ودي كانت الاجابات عن اهم اسئلة عن زكاة المال.
جزاكم الله خيرا.
السلام عليكم ورحمة الله وبركاته.
يمكنك أيضاً قراءة هذا علي أوليكس أي تي:
لماذا ميز الله تعالى شهر رمضان عن باقي الشهور ؟
