اخر اخبار الفن ومواعيد بعض الافلام والمسلسلات
اخر اخبار الفن اخبار محليه وعالميه
مقدمه
موضوع النهارده عن أخبار محلية وأخبار عالمية ولما متبقاش فيه أخبار عالمية مهمة قوي فما بنذكرهاش
ولكن في الحلقة دي هنذكر بتاع حوالي خبارين أو ثلاث
أخبار عالميين غير طبعا الأخبار الأعمال الجديدة والأفلام الجديدة وكل الكلام ده
تعزيه واجبه
طبعا لازم ننعي ونعزي الوطن العربي كله في عمدة الدراما المصرية الأسطورة الكبيرة الفنان الكبير صلاح
السعداني وبإذن الله خلال الأسبوع ده هنعمل موضوع هنتكلم عن قد إيه الراجل ده مؤثر وقد إيه الراجل ده
تقيل جدا وقد إيه الراجل ده فعلا إحنا فقدنا يعني أسطورة كبيرة جدا في التمثيل
فبالمناسبة دي أنا بقول لك هم دلوقتي خلال الأسبوع ده بإذن الله نعمل موضوع ليه باسم الفنان الكبير صلاح
السعداني وفي نفس الوقت دي تبقى للجيل الجديد للجيل اللي يعني عارف صلاح السعداني مجرد إن هو
يعني أسطورة من أساطير الفن العربي فقط لغير وبيسمع عنه مشفلوش مثلا مسلسلات
الاعمال المؤثرة للفنان صلاح السعدنى
فيه ناس كتير جدا تسمع عن ليالى الحلمية بس مشفتش ليالى الحلمية فيه ناس كتير تسمع عن أربيسك بس
ماشفتش أربيسك وغير العملين الكبار ده اللي بتوعه فيلم يعني فيه أدوار كتير جدا للنجم الكبير صلاح
السعداني ربنا يرحمه محدش يسمع عنها أو ناس كتير جدا ما يسمعوش عنها من الجيل الجديد فأتمنى تبقى
تذكرة كده وترجع الناس إنهم يرجعوا يتفرجوا على العظمات دي لإنك إنت لو أنت مثلا ما شافتش ليالى
الحلمية حتى الآن اتفرج عليه دلوقتي في 2024 اتفرج يعني إيه مسلسل دراما دراما ومش هتقول إيه بقى القدمة لأ هتنبسط
أولا
المسلسل الكوميدى المنتظر البيت بيتى
أهلا بيكم في البداية كده نبتدي بالأخبار المحلية ونبتدي بالخبر المهم والأهم بالنسبة لناس كثيرة جدا من عاشقي
مسلسل البيت بيتي مسلسل البيت بيتي طبعا مسلسلات الكوميديا اللي لقت نجاح كبير جدا وعجبت ناس كثيرة
جدا وكان طبعا مسلسلات اللي بره سيزن رمضان ويحقق نجاح كبير جدا وطبعا مسلسل من بطولة مع حفظ الألقاب للجميع كريم محمود عبد العزيز ومصطفى خاطر
وميرنا جميل فاحنا كنا شايفين خلال الفترة اللي فاتت إن البوستر نزل وبوستر جديد نزل وحسينا إنه قريب إن المسلسل هينزل ولكن المفاجأة الكبرى إن المسلسل نزل
خلاص الأسبوع اللي جاي ده على طول يوم 25 أربعة يعني بإذن الله يوم 25 أربعة أو 24 أربعة عشان على طول شاد لما بتعلن على مسلسل كده يوم 25 أربعة
بينزل قبلها بيوم على الساعة 11 أو الساعة 12 بالليل
وممكن ينزل حلقتين مثلا زي ما إحنا متعودين على طول وهنشوف الجزء الجديد والمغامرات الجديدة
ما الجديد في الجزء الثانى من البيت بيتى ؟
وأتمنى من كل قلبي إن الجزء الثاني يبقى أعلى من الجزء الأول كمان لأن أنا بحب لما يتعامل جزء ثاني يبقى
أحلى من الجزء الأول وهيشاركهم في البطولة في الجزء ده طبعا فيه نجوم هيبقوا موجودين في الجزء الأول زي
محمود حافظ مثلا والنجوم اللي هيشاركهم في الجزء ده سليمان عيد ومحمد محمود عبد العزيز وأحمد بدير ومي
القاضي وزي ما أنتوا عارفين طبعا مسلسل من تأليف كريم سامي وأحمد عبد الوهاب ومن إخراج المخرج الكبير خالد
ثانيا
أما تاني خبر معانا هو المخرج طارق العريان بالنسبة لي ده هو أفضل مخرج بينفذ أكشن في مصر عموما وأفلامه
بالنسبة لي هي الأعلى والتوب أفلام أكشن اتعملت في تاريخ السينما المصرية بالنسبة ليا فأنا ببقى منتظر أعماله
بكل شغف صراحة فهو أعلن رسميا عن فيلمه الجديد ده غير طبعا ولاد رزق ثلاثة اللي هينزل خلاص بإذن الله
خلاص كده فاضل شهرين بالكتير وهيبقى نازل في العيد الكبير بإذن الله
الفيلم الجديد لطارق العريان نجوم الساحل فما هو ؟
وأعلن على فيلمه الجديد اللي إحنا هنتكلم عليه خبر جديد وهو بعنوان نجوم الساحل الفيلم اسمه نجوم
الساحل من بطولة مين؟ من بطولة مع حفظ الالقاب للجميع طبعا أحمد داش وويجز ولسه بيبتدي دلوقتي
الكاستنج عشان المفروض عايزين يلحقوا إن الفيلم ينزل في موسم الصيف عموما
المسلسل الرمضانى جودر
أما من الأخبار اللي عجبتني جدا لما أنا قرأتها عموما يعني مسلسل جودر من بطولة طبعا الفنان الكبير ياسر جلال مسلسل ده يعتبر من أفضل المسلسلات اللي نزلت
النص التاني وعجب ناس كتير جدا لما رجعوا يتفرجوا عليه بعد كلام الناس حسوا إنه فعلا مسلسل مسلي جدا
للأجواء الرمضانية وخاصة برضو زي ما أنا قلتلكوا إن مدة الحلقة مكانتش طويلة وطبعا إحنا شوفنا إن
المسلسل انتهى النص الأول بتاعه ويعني كنا مفروض في قمة الأحداث وعرفنا خلاص إنه هيبقى فيه 15 حلقة
كمان 15 حلقة كمان مش هينزلوا في رمضان يعني ده من الأخبار اللي أنا قرأتها إن المسلسل هيبقى رمضان وده
بالنسبة لي أنا ليه بقولك من الأخبار الجميلة لأني أنا حاسس إنه ممكن لما يبقى رمضان ممكن ينجح كمان
أكتر برغم إن أنا حاسس إن المسلسل ده أجواء رمضانية جدا ولكن ممكن يعملوا واحد وممكن يعملوا مثلا جزء
ثالث يبقى قصة مختلفة تماما عن جودر ممكن تبقى قصة جديدة تماما من شهر زاد بتحكيها لشهريار
ومايبقاش جودر يبقى حاجة تانية مثلا في موسم رمضان مثلا اللي جاي بإذن الله وأنا مبسوط جدا النوعية
من المسلسلات دي بقى تنجح وهتشوفوا بقى من بعد
التجربة دي هتلاقوا كتير جدا من نوعية المسلسلات دي هتتعامل خلال الفترة الجاية
ثالثا
مسلسل لدواعى السفر
أما برضه من المسلسلات اللي أنا منتظرها خلال الفترة الجاية مسلسل لدواعي السفر ومسلسل لدواعي السفر
من بطولة المطرب والممثل دلوقتي خلاص أمير عيد أمير عيد مسلسل ريفو من مسلسلات اللي أنا حبيتها جدا
وبحسها حالة خاصة جدا فعشان كده من ضمن الحاجات اللي محمساني أكتر وأكتر برضه إن مخرج عمل مسلسل
لدواعي السفر هو اللي كان مؤلف مسلسل ريفو اللي هو المؤلف والمخرج حاليا محمد ناير فهو هيبقى مؤلف
ومخرج عمل لدواعي السفر محمد ناير وهيشارك في البطولة مع أمير عيد الممثل الشاب أحمد غزي اللي
عجبني دوره جدا في فيلم الحريفة وأيضا الفنان الكبير كامل الباشا وأيضا الفنانة نادين
فيلم جديد لاحمد حلمى ومنى ذكى
أما للأخبار أنا يعني أتمنى أن ده يبقى حقيقة وأتمنى أن ده يحصل لأن إحنا منتظرين الحوار ده بقى لنا أكتر من
عشرين سنة مثلا حاجة زي كده وهو أن الفنان أحمد حلمي طلع في راديو أو طلع في لقاء في دبي وقال إن
يعني خلال الفترة الجاية هو بيحضر فيلم بلاك كوميدي تراجدي هو ومنى ذكي وهينزل في راس سنة هل ده هو
هو نفس الفيلم اللي قبل كده قاله في بودكاست مع عمر أديب بيك تايم لما قال أنا بفكر في فكرة أنا ومنى ذكي
نعملها بقالي أكتر من يعني من ساعة ما تجوزنا وكل شوية نقول نعمله وبعد كده يحصل حاجة وبتاع هل هو
هو نفس الفيلم ولا فيلم تاني مختلف ولا هو هو نفس الفيلم برضو اللي هي بتاعة آخر الأخبار لما تكلمت عن إن
هم هيعملوا فيلم جديد مع بعض فالله أعلم وأتمنى أن ده
يحصل وأتمنى أن إحنا نشوفهم على راس سنة فيلم جديد تراجدي بلاك كوميدي
رابعا
أما من الأخبار يعني الرسمية الرسمي فيلم السر هينزل يوم 1 مايو رسمياً الشركة المنتجة أعلنت رسمياً خلاص
وكل النجوم نزلوا على صفحاتهم والبوستر الرسمي نزل فيلم هينزل يوم 1 خمسة إحنا عملنا الإعلان إمتى؟ من
3 سنين فهنشوف بإذن الله هينزل يوم 1 خمسة ولا إيه
يعني كان بس أعتقد إنه خلاص بقى الموضوع بقى رسمي تمام يعني
مسلسل اللعبه 5 متى سيعرض ؟
أما برضه من الأخبار المحمسة إنه مسلسل اللعبة ده برضه على حسب ما أنا قريت الأخبار خلال الفترة الى
فاتت مسلسل لعبة الجزء 5 سيتم تصويره في شهر 7 بإذن الله كده ممكن الجزء 5 ممكن تلاقيه موجود برضه
على آخر السنة مثلا على أول السنة الجديدة بكتير قوي ممكن لاقي اللعبة الجزء 5 نزل ده لو على حسب الأخبار
اللي أنا قريتها إنهم هيبتدوا تصوير بإذن الله في شهر 7
والأخبار زي ما بقولك بتأكد إن هما هيبتدوا تصوير في شهر سبعة بإذن الله
خامسا
اخبار عن الفنان امير المصرى فما هى ؟
أما بعد دلوقتي نخش على يعني إيه خبر يعني عالمي على محلي وبعد كده نكمل الأخبار العالمية اللي مش
كتيرة يعني يعني إحنا خلاص دلوقتي قربنا على ختام
الموضوع ولكن خبر مهم جدا الفنان أمير المصري يعني
حاسس يا جماعة إن إحنا مش مدينو حقه الراجل ده بقى يشتغل بره ومكسر الدنيا بره وعامل شغل حلو جدا
وبياخد جوايز كتيرة بره وهو دلوقتي بيعمل فيلم بريطاني تمام هيقوم فيه بدور الملاكم البريطاني اليمني العالمي ناسيم حميد فدي حاجة حلوة جدا ومين هيشاركه بالبطولة جيمس بوند وهيفضل طول عمره
بالنسبة لي هو جيمس بوند هو بيرس بروسنان بيرس بروسنان هيشارك ببطولة مع أمير المصري اللي هيقوم
بدور الملاكم العالمي ناسيم حميد والفيلم ده اسمه جايند من ضمن منتجين العمل مين سلفستر سالون فاحنا
بنتكلم يا جماعة ليه طيب الخبر ده مش معروف أوي كده مع إن الخبر ده نزل بقاله أكتر من أسبوعين أو حاجة
زي كده فربنا يوفقه بمزيد من النجاح والتفوق ويا رب خلال الفترة الجاية دي نشوف برضه نجوم كتير بتروح
للعالمية وبيكسر ده المصريين يا جماعة لما بيروحوا بره
بيكسروا الدنيا والله وفيه أمثلة كتيرة جدا على كده فأتمناله النجاح ويا رب تاخدوا الأوسكار
الخبر العالمى ؟
الخبر العالمي بقى اللي معانا اللي جاي دلوقتي هو فيلم مايكل مايكل مين؟ مايكل باشا جاكسون مايكل جاكسون
طبعا تعرفين مفيش طفل اتولد في أول التسعينات وأوخر التميينات وأول التميينات ماتأثرش بالشخصية
دي تأثر بي جدا لأنه كان بالنسبة لنا إيه الاستعراض ده وإيه ده وإيه الجمدان ده ويعتبر هو أنجح أنا بالنسبة لنا
هو أنجح يعني أرتست في التاريخ الكوكب الأرض ده بالنسبة لي فطبعا الراجل زي ده أنا منتظر له من زمان
فيلم يعني يتعامل عن قصة حياته يعني هو لا يقل عن ألفيس بريسلي نفس الشهرة ونفس الحجم ده أكيد
وأخيرا اتحقق الحلم ده بأنه هو هيتعامل فيلم ده من إخراج المخرج أنطوان فوكوا والفيلم ده المفروض هينزل
يوم 18 إبريل سنة 2025 وهيشارك في البطولة ميلز تيلر واحد من ممثلين البوتنشل جدا في هولويود طب
ميلز تيلر هو اللي هيقوم بدور مايكل جاكسن لا
من سيقوم بدور مايكل جاكسون ؟
اللي هيقوم بدور مايكل جاكسن هو جعفر جاكسن انت بتهزر ده يعني وقت هزار دلوقتي لا والله العظيم ما بهزر
هو اسمه جعفر جاكسن وده ابن أخو مايكل جاكسن اسمه جعفر واعتقد انهم جايبينه عشان الهيئة الجثمانية بتاعته
بس هل ياترا بقى قد هو المسؤولية الكبيرة انه هو يقدم بدور كبير واسطوري زي ده خاصة ان الفيلم هيتشاف
كتير يعني الناس كتير جدا هتشوفه هنشوف بقى بإذن الله لو عشنا وكان لنا عمر كمان سنتين بإذن الله وقبل ما
نهي الخبر ده برضو الفيلم انتاجه ضخم جدا الفيلم هيبقى تكلفة انتاجه 155 مليون دولار
وأتمنى في نهاية حلقة بتاع أفلام أتمنى طبعا قولولي ايه
يعني سؤال الموضوع ايه أكتر خبر انت متحمسله أو أكتر خبر عجبك ؟
ويمكنك الاطلاع على هذا المقال أيضا
مراجعه فيلم عيد الفطر فاصل من اللحظات اللذيذه
