الربح من الإنترنت من خلال موقع أوليكس أي تي
الربح من الانترنت
الربح من الإنترنت عن طريق موقع اوليكس اي تي.
١٠ طرق مختلفة لزيادة الدخل بواسطة اوليكس اي تي
مساء الخير عليكم انهاردة هنتكلم عن حاجة مهمة جدا وهي كيفية الربح من الانترنت عن طريق موقع اوليكس اي تي ؟
كيفية الربح من الانترنت عن طريق موقع اوليكس اي تي؟
طبعا في ناس كتير سألوني انهم عايزين يزودوا دخلهم وفي مواقع كتير جدا.
بتقدم خدمة أن أنت انت تبيع وتشتري منها زى موقع اوليكس اي تي .
انا النهاردة هقولكم على 10 طرق ازاي تقدر تعمل فلوس من موقع اوليكس اي تي خليك معايا طبعا .
الربح من الإنترنت وأول طريقة :
إن أنت تعمل فلوس من موقع اوليكس اي تي هو أن أنت تشتري حاجات لؤطة من الموقع نفسه.
من موقع اوليكس اي تي وتبيعها تاني بسعر أعلى .
بمعنى أن أنت هتخش على الويب سايت هتبص على الحاجات اللي سعرها يكون معقول
وتشوف هامش للربح هتشتريها وتبيعها مرة تانية.
طبعا انت لو اشتريت الحاجة غالية مش هتقدر تعمل فيها ربح
عشان كده لازم تكون بتشتري حاجة انت فاهم فيها وشايف ان سعرها فعلا مناسب .
وفيها مارجن او فيه هامش تقدر تحقق فيه ربح.
الربح من الإنترنت وتاني فكرة :
هي أن أنت تبيع حاجتك القديمة بمعنى أن أنت هتشوف ايه اللي عندك في البيت حاجات مركونه بقالها فترة
سواء لبس سواء موبايل سواء الكترونيك سواء انت هتغير موبايلك او هتغير لابتوب بتاعك.
او يكون حاجات قديمة أنت مش مستخدمها وتاخد صور
لها سواء بموبايلك طبعاً او بتأخد الصور وتحطها على اللابتوب او على كمبيوتر بتاعك
وتحاول ان انت تبيعها طبعا بسعر معقول
بحيث أن أنت تقدر تبيعها وتحقق مبالغ مالية من الحاجات اللي انت بتبيعها دي .
الربح من الإنترنت وتالت فكرة:
عشان تعمل فلوس من موقع اوليكس اي تي أنت تسأل صحابك او معارفك لو عندهم حاجات قديمة مش بيستخدموها.
ممكن يدهالك وأنت تبيعها وطبعًا تعمل فلوس او مبالغ مالية من الحاجات دي .
الربح من الإنترنت ورابع نقطة أو رابع فكرة :
إن أنت تحقق أرباح من الانترنت عن طريق موقع اوليكس اي تي
أن أنت لو طبعا صحابك او معارفك مش عايزين يدولك الحاجات دي ببلاش .
ممكن تعرض عليهم أن أنت تاخد الحاجات دي منهم وتبيعها بكوميشن بمعنى ان انت تبيع حاجتهم بعمولة .
هو ممكن يكون حاجات دي مركونه عندهم ومش بيستخدموها فانت ممكن تعرض عليهم أن أنت تبيعها لهم وتاخد مبلغ 10% 15% 20% طبعا حسب أنت وأتفاقك مع صديقك أو مع قريبك .
خامس فكرة لتحقيق الارباح والمبالغ المالية:
هو أن أنت تشتري حاجات من موقع علي اكسبرس هو الموقع في الصين بتقدر تشتري منه حاجات لؤط انت هتروح تشتري حاجات .
انت بتقدر تشتري الحاجات دي وتستوردها لمصر وبعد كده بتجرب تبيعها .
طبعا أنت ممكن في الأول تشتري حاجات تدبرية ولكن بعد التجربة و بعد اكتشافها مرة ورا مرة هتعرف المهم ثم الأهم.
وهتاخد صورة للمنتج أو حتى ممكن تستخدم نفس الصورة منها على الويب سايت اللي انت شريت منه وتحطها على موقع اوليكس اي تي وتبيعها .
طبعا أنت ممكن تلاقي ممكن يعني منتج واحد بس تبيع منه كميات كبيرة انت في الاول ممكن تشاري واحد او اثنين او تلاتة او خمس كميات من نفس المنتج.
بعد كده لو طبعا لقيت ان المنتج ده عليه إقبال ممكن تزود كمياتك وبنفس الوقت تقلل المخاطرة بتاعتك او تقلل الريسك بتاعتك .
الربح من الإنترنت وسادس فكرة :
ان انت طبعا تشتري من موقع فيسبوك ماركت بلايز ان انت تشوف ناس في المنطقة اللي انت فيها بيبيعوا حاجات .
الحاجات دي طبعا ممكن يكون سعرها كويس وانت ممكن تستلقط منها حاجات وتحطها على موقع اوليكس اي تي مرة تانية .
هل الموضوع ده بيحصل ؟
اه طبعًا أنت ممكن تلاقي حاجات غالية أو ممكن تفاصل مع حد لمنتج معين وممكن تشتري منه وتحطه بسعر اعلى في اوليكس اي تي وتحقق ربحه.
سابع طريق او فكرة :
عشان تحقق أرباح من الانترنت عن طريق موقع اوليكس اي تي هي أن أنت تشتري الحاجات البيضة او المش سليمة المكسورة وتصلحها .
وبعد كده بعد ما تصلحها تبيعها مرة تانية على موقع اوليكس اي تي.
ممكن تديلي مثال ؟
اه أديلك مثال المثال ان انت لما مثلا تشتري موبايل يكون شاشته مكسورة تروح تأخده تصلحه أو طبعا انت ده لو انت بتعرف تصلح الشاشات.
لو أنت مبعرفش تصلح الشاشات ممكن تتعلم تصلح الشاشات الموضوع سهل جدا .
لما بعد كده بتاخد الموبايل تشتريه مكسور تغير الشاشة وتروح بايعه مرة تانية تحطه على موقع اوليكس اي تي وتبيعه بسعر اعلى وتحقق الربح .
أو طبعا الكلام ده ممكن ينطبق على مجالات تانية كتير منها لو أنت بتعرف تصلح الموبايل البوتجازات، كل الكلام ده ممكن تعمله.
تشتري حاجة بيضة تصلحها وبعد كده تعمل اعادة بيع لها مرة تانية على موقع اوليكس اي تي
الطريقة التامنة :
عشان تزود داخلك وتحقق ارباح من موقع اوليكس اي تي هي أن أنت مثلًا لو أنت عندك شاليه أو لو أنت عندك شقة مقفولة ممكن انت تحطها على الموقع وتأجرها.
طبعا لازم تتأكد أن المستأجر ده يكون طبعا راجل امين وتعمل عليه تشيك بحيث انه ميحصلكش مشاكل بعد كده.
الطريقة التاسعة :
لتحقيق الارباح والمكاسب عن طريق موقع اوليكس اي تي هي أن أنت لو أنت ليك في تربية الحيوانات أو أنت بتحب الحيوانات .
طبعا ممكن تحول الهواية دي لبيزنس أو تحولها لتجارة.
بمعنى أن أنت طبعا بتربي قطط او بتربي كلاب بتحب أنت تربي النوعيات اللي هي عليها طلب في السوق والكلام ده .
طبعا بتقدر تعرفه من الاعلانات نفسها بتشوف الحاجات اللي عليها طلب وتحاول انت تربي النوعية دي.
وبعد كده بتبيعها وطبعا انت لازم تكون متأكد ان انت يعني مخلي الحيوان في مناخ كويس ويكون طبعا عمله تطعيماته قبل ما تبيعه عشان ميحصلكش مشاكل بعد كده.
الربح من الإنترنت والنقطة الاخيرة :
النقطة دي بقا من غير ما يكون عندك برودكت تبيعه او تشتريه ممكن تعمل فلوس عن طريق اوليكس اي تي.
وده عن طريق أن أنت بتقدم خدمات بمعنى انت ممكن انت تكون متعلم انك تصلح موبايلات تقدر تصلح كومبيوترات تقدر تصلح بوتجازات، غسالات
أو حتى أن انت تكون متفوق في لغة معينة فهتقدر تدي دروس في اللغة دي أو أنت تقدر تدي دروس في البرمجة.
لو انت بتعرف برمجة كل الكلام ممكن تعمله بدون ما يكون عندك منتج تقدر تبيعه او تشتريه .
طبعا أنت لو بتدي الدروس وبعد ما تتعرف هتلاقي الناس بتقول لبعضها وأنت بقا عندك هتلاقي ان هم بيقولوا لبعضهم وهتلاقي ان انت عملت عملاء كتير جدا .
أنت بتدي كواليتي وبتدي جودة في الدروس اللي انت بتقدمها او في التصليح أو الخدمة اللي انت بتقدمها.
سواء كانت تصليح كومبيوتر او تصليح موبايل او تصليح اليكترونيكس او التصليح عمتًا.
وبكدا نكون وصلنا لنهاية المقال شكرا لكم اتمني أكون افدتكم ولو بمساعدة صغيرة
لتنزيل منتجك او خدمتك علي موقع أوليكس أي تي
يمكنك أيضاً تنزيل التطبيق لجعل الموضوع أكتر سهولة
يمكنك معرفة كيفية تنزيل أعلانات علي التطبيق من خلال قراءة هذا المقال:
تطبيق اوليكس اي تي كيفية إضافة إعلان
