كيفية أتقان مهارة التحدث بالانجليزية بسرعه .
كيفية أتقان مهارة التحدث بالانجليزية
كيفية أتقان مهارة التحدث بالانجليزية وتسرّع نموك في البزنس
احتراف اللغة الانجليزية أي حد عايز يطور نفسه في اللغة الانجليزية أنا بحترمه جداً
لان دا يساعدك تطور نفسك في حياتك العملية وتعلمه بشكل سريع جدا
في المقاب ده انا هقولك على خمس خطوات تعملهم عشان تتقن اللغة الانجليزية .
وفيه خطوة بمهمة هتسرع جدا من اتقانك للغة الانجليزية.
كيفية أتقان مهارة التحدث بالانجليزية الخطوه الأولى
عشان تتقن اللغة الانجليزية بكل بساطة هي لا تكترث او متأخدش في بالك.
يعني اتكلم في اي وقت وفي اي مكان وباي شكل حتى لو انت هتتلعثم في الكلام.
حتى لو انت هتقول الكلام بشكل غلط حتى لو خايف ان الناس تتريق على طريقة نطقك.
او ان كلامك لا سمح الله يكون طريقة نطقك غريبة غير طريقة الامريكان .
أنت عمرك ما هتتكلم زي الامريكان غير لو قعدت وسطهم وانت مش مطلوب اصلا تتكلم زي الامريكان.
لو بصيت اصلا لكل الجنسيات المختلفة اللي بتتكلم انجليزي ومش شرط تتكلم انجليزي كلغتها الام بيتكلموا الانجليزي عموما كلغة .
هتلاقي كل واحدة فيهم لها لكنة مميزة انجلترا لها لكنة.
ايرلندا لها لكنة .
حتى الصعيدة في مصر هتلاقي لهم لكنة معينة .
لو اللي قدامك فاهمك هتكون انت جدا فالسليم وده مش كلامي ده كلام المشرفين في امتحان خاص باللغة الانجليزية.
فطول ما هم فاهمينك انت كدا فالسليم.
لاكن لو مفهموش قولوا الجملة تاني .
لكن لو فضلت حابس نفسك في دائرة الخوف والقلق وهما هيقولوا عليك أي ج يبقى عمرك ما هتتقدم .
كيفية أتقان مهارة التحدث بالانجليزية الخطوة الثانية
هات كتاب بسيط كتاب في حاجة انت بتحبها حاجة مثلا في البيزنس في التسويق .
في التنمية البشرية في السيلز وأبتدي اقرأه بصوت عالي .
ومهم انك تقراه بصوت عالي لان ممكن تبقى فاكر نفسك عارف كلمة معينة.
بس لما تيجي تقراها بصوت عالي تطلق ضعيف فيها أو متعرفش تنطقها أصلاً .
وعشان كده لما تكون متردد في كلمة معينة ممكن تترجمها على جوجل وتسمع نطقها بس اعمل ده كل يوم.
ودا مش بس هتنمي لغتك الانجليزية لكن كمان هتطور قدراتك جدا .
كيفية أتقان مهارة التحدث بالانجليزية الخطوة الثالثة
عشان تتحدث الانجليزية بطلاقة لازم تتعلم كل يوم كلمة جديدة كل يوم كلمة واحدة بس جديدة واكتبهم كده في كشكول زي ما احنا كنا بنعمل وأحنا صغيرين في المدرسة.
خد الكلمة وحطها على جوجل ترجمها وحطها في الكشكول ويا سلام لو شفت ترجمتها بالانجليزي عشان تتمرن اكتر واكتر فيها.
فكل يوم لما تتعلم كلمة جديدة وانت عمرك ما سمعت عنها قبل كده كده بنهاية السنة هيكون عندك 365 كلمة جديدة انضافت للقاموس بتاعك.
طب لو انت متفوق وعايز تنجز وتعلمت كل يوم بدل الكلمة 3 كلمات كده أنت في السنة هتكون تعلمت فوق ال1000 كلمة جديدة.
انت عشان توصل لمستوى حلو جدا في اللغة الانجليزية انت لازم تبقى عايز تقريبا حوالي 3000 كلمة يعني انت في 3 سنين هيبقى مستواك حلو جدا في الانجليزية.
كيفية أتقان مهارة التحدث بالانجليزية الخطوة الرابعة
لازم تنغمس بتعلم اللغة أنا شخصيًا انا من عشاق الانمي الياباني وقعدت فترة طويلة جدا اتفرج على الانمي بالترجمة اللغة العربية .
وقعدين لقيت انمي كده كنت هموت واشوفه اسمه ديث نوت كل الترجمة المتاحة ليه وقتها بالانجليزي اضطرت وقتها اشوف الانمي وقرأت الترجمة بتاعته بالانجليزي.
فلكوا ان تتخيلوا بقى ان انا وقتها بقيت منغمس في لغتين اللي هو انا عمال بسمع ياباني وبقرأ ترجمة بالانجليزي .
ووقتها الفرجة مكنتش تجربة سهلة إطلاقاً انت مفروض بتتفرج على حاجة عشان تستمتع لكن في الحقيقة انت كل شو عمال توقف الفيديو.
عشان تاخد كلمة انت مش عارفها تروح تترجمها بعد كده تلاقي لسه هتكمل الفيديو ثانية كمان تقوم موقف وتأخذ الكلمة وتروح تترجمها.
بس واحدة واحدة لقيتني مبوقفش الفيديو كتير زي الاول وبقيت بفهم من غير محتاج أن أنا أترجم حاجات كتير.
ولقيت نفسي بقيت كويس جدا في الانجليزي من غير ما أحتاج أني اتعلم الانجليزي بشكل ناشط او اروح اخد فيه كورسات او دورات .
او انت قاعد بتذاكر وقدامك قاموس كبير وعمال بتكتب وحد يسمعلك.
لا انا بتسلى بسمع اغنية بتفرج على أنيمي على فيلم على مسلسل بسمع اغاني وبيشوف الترجمة بالانجليزي .
بسمع الفيلم الاجنبي مثلا من غير ترجمة واحدة واحدة بيكون صعب بس عشان بعمل كده باستمرار ده بيطور حاصلتك اللغوية.
وبيخليك تتمرن حتى وانت بتتسلى.
كيفية أتقان مهارة التحدث بالانجليزية والخطوة الخامسة
عشان تتقن اللغة الانجليزية وأنك تبدأ تتعامل مع ناس تتكلم بالغة الانجليزية لو اشتغلت في السياحة لازم تتكلم مع السياح باللغة الانجليزية.
وممكن متكونش مرتاح في وقتها وفيه كلمات كتير متعرفهاش ومعندكش ثقة بالنفس.
بس وحدة وحدة بتبدأ تتعود علي نفس الكلام ونفس الطريقة .
دي كدا الخطوة الخامسة .
حليني بقا اققولك الخطوة الاخيرة نقطة زياده بما ان انت كملت كل ده.
الخطوة دي اسمها التعليم المكثف
يعني ايه تعليم مكثف ؟
مثال كده أنت عايز تروح الجيم وعايز تلعب بأي بوزن 10 كيلو بسهولة التعلم المكثف او التدريب المكثف في الحالة دي هو ان انت تروح وتتمرن ب12 ونص او ب15 كيلو.
فلما تتعود على 15 بالنسبة لك هيبقى العشرة سهلة جدا بروسلي كان بيعمل نفس الموضوع كان بيتمرن باوزان في رجليه.
فلما كان بيشيل الاوزان كان بيبقي أخف وأقوى وأسرع.
نفس الموضوع كمان في الانجليزي لو عايز تتعلم الانجليزي تعليم مكثف طبق الانجليزي في المجال اللي انت فيه.
على سبيل المثال مثلا السيلز الماركتينج البيزنس اللغة مش مجرد اللغة العادية لا انت موظفها كمان.
ويا سلام لو حاولت تتشتعل مع عملاء انترناشونال فانت هنا عارف انه لو مفهمكش انت هنا خسرت البيع خسرت فلوس.
ومش بقولك انها هتكون سهل انت هتخسر عملاء وهتخسر بيع وهتخسر فلوس بس هي دي اللي هتخليك تقول لا مش هعمل كده تاني .
مش همر بالتجربة دي تاني لما تعرف تعمل كل ده وترجع للانجليزي هتحسه سهل جدا .
يمكنك أيضاً قراءة هذا المقال علي موقع أوليكس أي تي
الكسل والضعف في المذاكرة كيفية التغلب عليهم ؟
