التعليقات علي الموقع وهل هي مهمه ؟
التعليقات علي الموقع
التعليقات علي الموقع وهل هي مهمه ؟
مقاش ينفع أن أحنا نستغنى او نهمش التعليقات معظم المواقع الالكترونية.
في الوقت الحالي يا جماعة مش بيفعلوا التعليقات في مواقعهم
بحجة انه بقى فيه تعليقات Spam وكلام من ده.
ولاكن انت تقدر تتحكم في الجزئية دي تقدر توافق أو ترفض ولكن التعليقات بشكل عام مهمة جداً للمواقع الالكترونية .
التعليقات علي الموقع ليه مهمة؟
لانها بتعزز الشفافية والمصداقية وده معيار جديد من جوجل بينص على انه الموقع بياخد تصنيف افضل في محرك البحث
وثقة اذا كان فيه التعليقات فعالة وموجودة بالفعل .
بعد كده بيحسن تجربة المستخدم وبيخلي الزوار ترجع تاني للموقع بتاعك
المعايير دي كلها مهمة جداً ومن ضمنهم اهم معيار وهو الترتيب في محرك البحث.
لانه انت لما تفعل التعليقات وتكون موجودة في الموقع بتاعك بتدي الثقة كبيرة لمحركات البحث في موقعك .
وكمان بنلاقي ناس كتيرة جداً جماعة مش مفعله التعليقات مش مهتمة بيها مش بترد عليها.
لاكن أحنا لو جينا بصينا عليها من الناحية العملية لو انت من الناس اللي بتسيب تعليقات في موقع معين
بتضطر غصباً عنك انك ترجع للموقع ده عشان تشوف صاحب الموقع رد عليك في تعليقك ولا لا.
فانت كده عملت زيارة تاني للموقع عملت تعليق في موقع معين بتضطر ان انا اروح ازوره تاني
علشان اشوف صاحب الموقع رد علي في التعليق ولا مردش.
اظن الفكرة بتاعة اللي بتخلي الزوار ترجع لك تاني دي خلاص احنا كده فسرناها .
التعليقات علي الموقع وتجربة المستخدم .
طيب تجربة المستخدم بقى الزوار اللي بيشوفوا تفاعل ونقاشات موجودة وفعالة
بيحسوا انهم جزء من المجتمع ده او جزء من الموقع ده.
ودا بيشجعهم على التفاعل يعني لما بيشوفوا تعليقات بيتشجعوا وتزيد ثقتهم في الموقع ومن دراستي لأهميتها.
أكبر عدد من الناس بيبصوا على التعليقات اكتر من اي حاجة وبتقرأ التعليقات من البداية للنهاية .
معنى كده ان المستخدم يهمه ان يشوف فيه تفاعل عشان هو كمان يتفاعل مع المحتوى ده .
ودي بتحسن تجربة المستخدم الشفافية والمصداقية بقى لازم أحنا قولنا ده معيار جديد واحنا عملنا عنه مقال قبل كده كامل بيتكلم عن ان جوجل خلاص حطت المعيار ده.
ومن ضمن المعيار ده انك يكون عندك تعليقات وتفاعل حقيقي على المحتوى بتاعك ده بيخلي الموقع بتاعك يظهر بمصداقية اكبر قدام الزوار .
التعليقات علي الموقع ازاي تفعلها ؟
ازاي بقى انت تفعلها وازاي تستفاد منها اصلا بكل بساطة انت كل منصة عندنا سواء بلوجر او ورد بريس بتقدر تتحكم في التعليقات في انك تمنع نشرها بشكل تلقائي وتراجعها قبل ما تنشرها ده كلام سليم
تقدر تتحكم فيه ده من خلال بلوجر وسهل جدا موجود في اختيارات واعدادات بلوجر وتقدر تعمل ده كمان من ورد بريس.
ازاي بقى تستفاد منهم ؟
التعليقات انت بتشجع الزوار على التفاعل من خلال انك بتحط اسئلة في نهاية المقالة وهم بيردوا عليها في التعليقات ده جزء من التفاعل.
كمان انك بترد بسرعة وتتفاعل مع التعليقات بيزود الثقة وبيظهر انك مهتمة بقراءة زوارك .
ودي من اهم الحاجات التفاعلية اللي موجودة ما بينك او حلقة وصل ما بينك وما بين الزائر اللي دخلك التعليق ده حلقة الوصل ما بينك وما بين الزائر.
بعد كده انت بتستفاد من التعليقات بتحسن المحتوى بتاعك يعني الزائر نفسه بيقترح عليك وبيطلب منك محتوى اللي هو عاوزه .
فانت بتاخد معلومات وبتاخد أفكار من التعليقات دي بتخليك تعمل محتوى جديد اظن الموضوع وصل والفكرة كلها واصلة يا جماعة.
التعليقات علي الموقع وأهميتها ؟
واهمية التعليقات فيها جزء ايه عاوز اتكلم عليها بقا صناع المحتوى مش بس مبيفعلوش التعليقات دا كمان لما كنا بنراجع مواقع التقنية الفترة اللي فاتت.
كان الناس برضو مش بتشغل الشريط الجانبي في المواقع الشريط الجانبي في الموقع مكنش بيكون فعال.
الشريط الجانبي ده عامل زي الشنطة اللي بتحط فيها العدة بتاعتك كلها .
وبتظهر كل المقالات الرائجة عندك في الموقع وبتظهر التصنيفات بتاعتك بتحط قدام الزائر او قدام عين الزائر موقعك على شكل مصغر في شريط.
أنت بقا ليه بتلغيه ؟
بكل بساطة اللي اكتشفتوا ان معظم صناع المحتوى الكتابي بيستخدموا او بيديروا مواقعهم من الهاتف المحمول فقط ومش بيبان قدامهم الشريط الجانبي ده.
فبيظهر على الكمبيوتر ده اللي انا خدت بالي منه وعرفت أن ده سبب من الأسباب.
يا اما في صانع المحتوى مثلا شرح الموضوع وقال بلاش في الشريط الجانبي الله اعلم .
لكن انا مظنش أنو نوصل للدرجة دي لازم نحكم عقلنا في الامور الشريط الجانبي دا مهم.
والتعليقات كمان مهمة جدا وأديك عرفت في المقال دا اهمية التعليقات .
كل الناس يا جماعة اللي قرأت المقال دغ أظن أن أحنا مش محتاجين نوضح اكتر من كده اهمية التعليقات في الموقع بتاعك بالنسبة للزائر وبالنسبة ليك.
اتمنى الخير وتوفيق للجميع وفي النهاية اشكركم والسلام عليكم ورحمة الله وبركاته
يمكنك قراءة هذا المقال علي موقع أوليكس أي تي
الكلمات المفتاحية واستراتيجيتها
