طريقة عمل أعلان ممول للجروبات بالطريقة ؟
طريقة عمل أعلان ممول للجروبات
طريقة عمل أعلان ممول للجروبات بالطريقة 2024
في المقال بتاع النهاردة جايين نشرح مع بعض تحديث جديد حصل في مدير اعلانات الفيسبوك
وهو طريقة عمل اعلان ممول للجروب أو للمجموعات .
يعني لو حضرتك عندك مجموعة على الفيسبوك أو عندك جروب يعني على الفيسبوك
وعايز تعلن عن الجروب ده عشان تجيب عدد مشتركين فيه أو عدد أعضاء فيه اكتر.
فالفيسبوك دلوقتي عمل تحديث جديد خلاك تقدر تعمل اعلان للجروب بتاعك على الفيسبوك
ازاي الكلام ده بيتم وهو ده اللي احنا جايين نشرحه النهاردة .
يلا بينا نبدأ وتعال اقول لك ازاي تقدر تعمل اعلان ممول للجروب بتاعك على الفيسبوك.
طريقة عمل أعلان ممول للجروبات اول حاجة
هنروح نفتح مدير الاعلانات بتاعنا على الفيسبوك وهندوس على انشاء حملة
ومن ضمن الخيارات هنختار حملة التفاعل اللي هنلاقي من ضمنها اعلان عضوية المجموعات .
وده التحديث الجديد اللي حصل في عشرين اربعة وعشرين.
بعد كده نختار متابعة عشان ينقلنا بعد كده
لخطوات عمل الحملة هنقابل أول حاجه اسم للحملة
وليكن مثلا حملة مجموعة جديدة مثلا او أديها أي أسم،
الاسم بتاعك وبعد كده هننزل تحت وندوس على التالي.
طريقة عمل أعلان ممول للجروبات والخيارات الأخري
نيجي هنا بقى من ضمن الخيارات هنلاقي تحت خيار جديد باسمه مجموعة فيسبوك هنختار هنا خيار مجموعة فيسبوك.
وهننزل تحت ونبدأ نخش في مرحلة الميزانية
وزي ما كنا شرحنا قبل كده الفرق ما بين الميزانية اليومية والميزانية الحملة كاملة
ولكن خلينا هنا نختار الميزانية اليومية وهنا انا هنصحك ان الميزانية بتاعتك متقلش عن عشرة دولار في اليوم الواحد .
فممكن نحطها في اليوم وزي ما كنا شرحنا قبل كده
انك انت في حالة انك كنت ناوي تعمل الاعلان وتسيبه فترة طويلة
فبالتالي هنصحك انك انت تشتغل بنظام الميزانية اليومية ومتحطش تاريخ نهاية للحملة
أما لو أنت عايز تجرب اسبوع عشر أيام يبقى ساعتها اشتغل بنظام ميزانية الحملة كاملة.
وساعتها حط تاريخ نهاية للحملة بتاعتك وزي ما قلت لك برضو ان من ضمن التحديثات الجديدة اللي حصلت على الفيسبوك وهي فكرة جدولة الميزانية.
يعني انك انت تقدر تيجي في تاريخ معين وتقول للفيسبوك من اليوم الفلاني لليوم الفلاني ارفع الميزانية اليومية بتاعتي بقيمة خمسة جنية او عشرة او عشرين أياً كان .
والقصة دي ممكن نستخدمها لو انا على سبيل المثال مثلاً عامل الاعلان من يوم خمسة يناير وعايز اخلي الاعلان مثلاً يخلص على سبيل المثال يوم واحد وتلاتين يناير .
ولكن عايز اجي من يوم أربعة وعشرين يناير لحد يوم واحد تلاتين يناير الميزانية بدل ما أكون بصرف 300 جنيه في اليوم.
اخليه يصرف 300 وخمسين جنيه في اليوم.
وهاجب هنا حط الزيادة اللي انا عايز أصرفها فيقول لي كده هيبقى حد الانفاق بتاعك 300 وخمسين جنيه في اليوم.
يعني بزيادة خمسين جنيه في اليوم اعتبارا من يوم اربعة وعشرين ليوم واحد وتلاتين يناير.
وممكن تحط أكتر من فترة زمنية يعني ممكن مثلاً تخليها كل يوم خميس وجمعة وسبت مثلاً يعني على سبيل المثال.
فتقدر تحط اكتر من فترة زمنية معاك لحد خمسين فترة زمنية تقدر تحطهم في الحملة بتاعتك.
طريقة عمل أعلان ممول للجروبات والتكمله
المهم بعد كده هننطلق لمرحلة الاستهداف وزي ما شرحتها لك برضو قبل كده ان انت هنا هتيجي تحط المجموعة بتاعتك اللي أنت قاصد استهدافها طبعاً
انت طالما بتعمل انضمام للجروب يبقى الأفضل أن أنت يما لو كان الجروب خاص بسكان منطقة معينة يبقى هتحدد محافظة لو كان خاص باي حد يبقى هتبدأ تحدد الدولة اللي حضرتك فيها .
وبعد كده
هتيجي هنا على جمهور باستخدام هتبدأ تضيف جمهور اختياري او جمهور اقتراحي عشان تبدأ تفهم الفيسبوك مين الناس اللي ممكن تكون مهتمية انها تنضم للمجموعة بتاعتك.
هتبدأ تحدد الفئة العمرية والجنس وفي الإهتمامات زي ما قلت لك هتحط اهتمام او اثنين او ثلاثة وبعد كده هتنزل تحت وتدوس على التالي.
مرحلة الإعلان
وهتيجي هنا عند مرحلة الاعلان هتختار صفحة الفيسبوك اللي الاعلان هينتشر من خلالها لأن لازم عشان نعمل اعلان ممول لازم يبقى عندنا صفحة .
فخلينا مثلا نقول ان دي الصفحة بتاعتنا ولكن في الحالة دي حضرتك مش هينفع تختار منشور حالي على الصفحة انت هتبدأ تعمل الاعلان من مدير الاعلانات نفسه.
فممكن مثلا تختار صورة او فيديو وليكن مثلا الصورة دي طبعا الصورة بتاعتك لازم تبقى كاتب فيها ان احنا مثلا جروب بيتكلم في كذا او مجموعة بتتكلم في كذا انضم للجروب بتاعنا .
علشان تستفيد يعني لازم يبقى فيه صيغة اعلانية وصورة اعلانية تخلي العميل يبقى محتاج ان هو ينضم للجروب بتاعك .
وبعد كده هتكتب النص بتاع الاعلان بتاعك هنا وزي ما قلت لك الافضل ان انت تعمل اكتر من خيار نصي علشان خاطر انت مثلا تكتب هنا انضم للجروب بتاعنا واستفيد بكذا
وتيجي تكتب هنا نص اعلاني اخر والفيسبوك هيبدأ مرة يودي الاعلان بتاعك بالنص ده ومرة يودي الإعلان بتاعك بالنص ده ويشوف اي إعلان او اي نص جايب مع الناس اكتر
وبيحقق نتيجة اكتر ويبدأ يودي الاعلان بتاعك ليه وبعد كده هتنزل تحت نحدد المجموعة الاعلانية اللي حضرتك عايز تعملها الاعلان.
وليكن المجموعة دي أو المجموعة دي حسب المجموعة اللي حضرتك ادمن فيها عشان خاطر الاعلان في الاخر.
هتلاقيه ظهر بهذا الشكل النص بتاع الاعلان وصورة الاعلان وبعد كده انضم الى المجموعة لما العميل هيدوس عليها هيبدأ يعمل انضمام للمجموعة بتاعتك.
وطبعا في الاخر هتدوس على نشر.
وبكده تكون حضرتك عملت اعلان ممول بهدف زيادة اعضاء الجروب بتاعتك او المجموعة بتاعتك على الفيسبوك.
اتمنى تكون استفدت من المحاضرة بتاعت النهاردة.
وفي النهاية شكراً لكم والسلام عليكم ورحمه الله وبركاته
يمكنك أيضاً قراءة هذا المقال علي أوليكس اي تي
