التسويق بالمحتوى أي هو وأزاي تبني جمهور من خلاله ؟
التسويق بالمحتوى
التسويق بالمحتوى وأزاى يبقى عندك قاعدة جماهيرية على السوشيال ميديا ؟
لو انت دكتور، صيدلي، محامي، محاسب، ميديا بايا، جرافيك ديزاينر، مبرمج او حتى بتبيع منتجات او بتسوق لخدمات .
وأيضاً
كنت شركة او شخص فاكيد التسويق بالمحتوى هو افضل حل ليك وهو المناسب ليك
عشان تسوق لمنتجاتك او لخدماتك بتكلفة تسوقية اقل بكتير من الاعلانات الممولة.
التسويق بالمحتوى أي هو ؟
هو ده اللي احنا جايين نتكلم عليه في المقال بتاع انهارده.
يلا بينا نبدأ وتعالى احكي لكم حكاية التسويق بالمحتوى.
التسويق زمان او اللي احنا بنقول عليه التسويق الاكاديمي او التسويق الكلاسيكي
او الطرق اللي احنا كنا بنستخدمها زمان في الاول.
وكانت اعلانات التلفزيون كانت بتبقى مكلفة جدا يعني من الاخر كده عشان حضرتك تعمل بيزنس لو معاكش فلوس تدفع بيها اعلانات في التلفزيون او اعلانات في الاوت دور .
أي هو الحل البديل ؟
فكان بيبقى الحل البديل بتاعك انك وجيب ناس تتكلم في التليفون وتعمل عملية التلي سيلز اللي كانت بتخنق عملاء كتير .
وهي كان اغلب العملاء بتقفل السكة في وشك.
وكان بيبقى الحل الثاني او الحل الآخر يعني أنك أنت وجيب شوية ناس توزع ورق في العربيات وتوزع ورق في الشوارع او ورق في المولات علشان خاطر تبدأ تعمل عملية تسويق لنفسك.
لو يعني معاك شوية فلوس حلوة كان ممكن تاخد برتيشا في مول وتبدأ تسوق لنفسك من خلال ممثل المبيعات او ممثل خدمة العملاء اللي بيوقف الناس ويقوله سمعت عن الجائزة النهاردة ويبدأ يشرح.
الطرق في التسويق كلها محترمة وكلها كويسة وكلها جميلة ولكن بعد ظهور السوشال ميديا الطرق دي من وجهة نظري بقت قديمة شوية.
ليه ؟
لأن بقا في حاجة اسمها السوشيال ميديا.
يعني المكان اللي انت تقدر تخش به بقوة في كل بيت مصري او ايا كان الدولة اللي انت بتسوق لها.
خلاص بقى كل واحد فينا ماسك في ايده حاجة أنت تقدر تظهر عليها ببلاش او حتى لو بفلوس هتبقى بفلوس مش كتير قوي.
يعني ايه الكلام ده ؟
أسهل طريقة او أفضل طريقة تعمل بيها ماركتنج لنفسك دلوقتي هي التسويق بالمحتوى.
التسويق بالمحتوى يعني أي ؟
التسويق بالمحتوى ببساطة شديدة جدا كده هو أنك أنت تطلع تعمل محتوى عن الحاجة اللي انت بتفهم فيها او الحاجة اللي انت بتسوق لها.
هتقولي ايه ده طب أزاي يعني أنا لو شركة أو لو فرد
ركز معايا بقا عشان كل حالة انا همسكهالك وهقولك ممكن تعمل فيها ايه.
على سبيل المثال لو حضرتك محامي، دكتور، صيدلى بتعمل اي شغلانة مبنية على فكرة يعني الوظيفة التي يقوم بها الشخص الواحد.
حتى لو كان معاك مساعدين زي الميديا باير على سبيل المثال زي المحامي الدكتور المهندس الكلام ده كله. فاسهل طريقه ليك انك تعمل نفسك.
طب اعمل ازاي ؟
هو انك انت تبدأ في صناعة المحتوى.
أستخدم في أنك أنت تعمل محتوى.
لما بتعمل محتوى بتعمل فيديوهات كتير سواء على الفيسبوك او على اليوتيوب او شورتس او ريلز على الانستجرام او فيديوهات على التيك توك.
فانت تدريجيا بتبدأ الناس تعرفك.
ولما الناس بتعرفك بتبدأ تبني ايه ؟
بتبدأ تبني قاعدة جماهيرية ان الناس عرفتك.
لما بتبني قاعدة الجماهيرية دي اوتوماتيك بيبدأ ينشأ منها مع الوقت قاعدة العملاء بتاعتك.
وهنا ده اللي أحنا بنسميه التسويق بالمحتوى.
يعني أطلع أعمل محتوى عن أكتر حاجة أنا بفهم فيها فالناس تعرف أن أنا جامد فيها فالناس تبدأ تجيلي عشان تدفع لي فلوس مقابلها.
هتقولي طب ماشي أديني مثال كده عشان نفهم.
هقولك على سبيل المثال لو انت دكتور هتطلع تعمل نصايح في الطب.
فالناس تعرف انك انت دكتور شاطر وعندك امانة.
هتطلع تعمل فيديوهات تتكلم فيها عن متعملش كذا عشان ده مضر عن أضرار كذا عن نوافع كذا عن كل دا .
اشرب كذا بلاش نعمل كذا لما عضمنا يطقطق بلاش نعمل كذا يعني من الآخر بتقدم نصائح طبية.
وبالتالي أنت كل فيديو بتطلع فيه فأكيد بتعرف نفسك بتقول ان انا دكتور فلان الفلاني استشاري مش عارف ايه.
فبالتالي الناس لما تبدأ تثق فيك وتشوفك وتحبك وتبدأ الثقة تتبني فيك هيبدأوا يجولك من خلال المحتوى بتاعك.
وهتلاقي حد بيقولك طب لو انا عايز اكشف عندك اجي ازاي وتبدأ تبعتله بياناتك.
التسويق بالمحتوى واهميته ؟
لو محامي على سبيل المثال ودا موضوع انتشر جامد جدا في الفترة الاخيرة وخصوصا على التيك توك.
اطلع اعمل فيديوهات عن الحالات القضائية يعني ايه ؟
يعني مثلا اطلع فيديو قول تعرف أنك أنت مش من حق اي شرطي يوقفك ويسحب منك البطاقة إلا لو شك فيك او إلا لو كذا كذا كذا.
تعرف ايه عن قانون الطوارئ ؟
اطلع اتكلم مثلا عن قوانين الاسرة والطلاق والزواج وأيه اللي حق الزوجة .
ودايما تبدأ الكلام بتاعك بالخطف يعني ايه بالخطف ؟
يعني تعرف هل تعلم ؟
ابدأ شد الناس الناس هتبدأ تعرف أنك أنت تقيل في مكانك وأنك أنت جامد في القانون وأن أنت فاهم القانون كويس.
فلما يبقى عنده استشارات قانونية اول حد يفكر يلجأله هو انت وده طبعا بعد ما تبني قاعدة الجمهورية بتاعتك.
طبعا انت هتجبلي سؤال هنا وتقول طب انا دلوقتي عملت فيديوهات ولسه ما عنديش جمهور اعمل ايه ؟
ساعاتها هيبقى الزقه الاولانية بتاعتك بس بأعلان اللايكات .
إن أنت بس تعمل اعلان لايكات كده اعلان سواء على الفيسبوك او حتى على تيك توك تقول فيه أن أنا فلان الفلاني لو مهتمين بالكلام ده تعالوا تابعوني.
اول زقة بس كده مجرد بس اعلان يحركلك الدنيا شوية.
وده عموما بيبقى تكلفة قليلة ولكن حتى لو معملتش أعلانات في الأول لو فضلت مستمر وعملت كل يوم فيديو تأكد انك انت في خلال من ثلاث شهور لست شهور صفحتك دي هتروح في حتة تانية خالص .
ولكن
بشرط كل يوم فيديو وحاول تبسط الموضوع على نفسك ولكن اهتم جدا بجودة الصوت مش لازم يعني الصورة تبقى اجمد حاجة ولكن اهم حاجة الصوت يبقى واضح.
وانك انت تبقى واضح في الكاميرا والناس تعرف تفهم من طريقة كلامك الموضوع اللي بتتكلم فيه .
طب على سبيل المثال لو ببيع كوراسات اعمل كوراسات مجانية عشان لما هعمل اللي بفلوس الناس هتتثق فيها وهتيجي تشتريها مني.
لو جرافيك ديزاين أعمل فيديوهات صغيرة ازاي تعمل كذا
علي سبيل المثال قوله لو لسه بتعمل الطريقة دي على الفوتوشوب ففكك منها وتعال هوريكي الطريقة الجديدة.
ولو تعرف تركب كوميك المهم هيشد الناس اوي .
المهم علم الناس حركات بسيطة يقدروا يعملوها على الفوتوشوب.
فبالتالي يبدأ يجيلك جمهور يتابعك وبالتالي الجمهور ده بيبدأ يعرف انك حد تقيل أو في التصميم او في الجرافيك .
التسويق بالمحتوى وفايدته ؟
فبالتالي لو حد عنده تصميمات او منتجات أو أي حاجة عايز يعمل لها تصميم أو تصميمات على سوشيال ميديا هيكلمك عشان تعمله كدا .
او لو حتى أنت نزلت كورس بتتكلم فيه عن الجرافيك اكيد الناس هتشتري منه.
طب ده لو فرد أنا بقا لو شركة !
التسويق بالمحتوى
انا شركة عقارات مثلا سهلة وبسيطة خلي تيلي سيلز عندك او الناس اللي ينفع تتكلم قدام الكاميرا عندك تعمل فيديوهات مراجعة عن المشاريع بتاعتك.
أتكلم عن المشاريع بس مش في صيغة سيلز لان فكرة التسويق بالمحتوى هو انك انت تدي الناس المعلومات مجانية مش بشكل بيعي.
او مش بشكل مباشر ان انت بتبيع لهم بس بشكل خدعه شويه .
يعني كأنك انك بتخدم عليهم وبتديهم نصايح ومعلومات وهم مع الوقت هيبدأوا يستنتجوا انت بتعمل ايه .
فلو أنت مثلا على سبيل المثال شركة عقارات اطلع أعمل مراجعة عن المشاريع العقارية اللي حضرتك بتبيعها او المشاريع العقارية اللي تقدر تسوق لها.
لو انت مثلا على سبيل المثال بتبيع منتجات اطلع أعمل مراجعة عن المنتجات ده.
اكتر ناس بتتشهر على السوشيال ميديا هم الانفلونسر اللي بيعملوا مراجعة للمنتجات اللي هو يجيب لك منتج كده على سبيل المثال الانفلونسر بيقعد يقولك اذا كان المنتج ده جامد ولا مش جامد.
الحاجات دي بتنتشر اصلا على السوشيال ميديا وهو ده اللي اسمه التسويق بالمحتوى.
انا مصور فوتغرافي على سبيل المثال هطلع عامل فيديوهات بعلم فيه الناس تركات عن التصوير .
على سبيل المثال
لو أنت بقا بتبيع منتج برده لو عندك منتجات كتيرع هات المنتجات بتاعتك وامسك منتج منتج واعمل مراجعة. المنتجات خلصت امسك منتجين وقارن بينهم.
المنتجين خلصوا امسك منتج وقول عيوبه ومميزاته.
من الاخر هو ده فكرة التسويق بالمحتوى.
بدل ما أدفع فلوس في اعلانات مباشرة بقول فيها أن أنا واحد بعمل كذا تعالوا اشتروا مني.
انا مش هدفع فلوس انا هسوق بالمحتوى.
انا هعمل محتوى وأبين الحاجة اللي انا جامد فيها فالناس تعرفني فتيجي برضو تشتري مني.
وهو ده ببساطة كده فكرة التسويق بالمحتوى.
التسويق بالمحتوى
أخر حاجة عايز اقولهالك أن التسويق بالمحتوى مش لازم بس يكون بالفيديوهات.
يعني دايماً بتتعامل مع المنصة على اساس الخوارزميات بتاعة المنصة نفسها.
يعني مثلاً على سبيل المثال على منصة الانستجرام ممكن تعمل تسويق بالمحتوى عن طريق الصور وممكن تعمل تسويق بالمحتوى عن طريق على التيك توك.
طبعاً التسويق والمحتوى بتاعك هيبقى بالريلز على الفيسبوك هيبقى بالطريقتين الفيديو الطويل والفيديو الشورت .
وفي نفس الوقت على اليوتيوب طبعاً الشورت فيديوز والفيديوهات الطويلة في الاخر مهم أنك أنت تكون عارف ازاي تتعامل مع المنصة اللي أنت هتستخدم فيها التسويق بالمحتوى.
عشان كل منصة وليها طريقة ولكن في الاخر كل الطرق تؤدي الى روما.
وكل الطرق هتؤدي أنك أنت تعمل تسويق بالمحتوى بالطريقة اللي تريحك وبالطريقة اللي انت حابيبها وكل الطرق دي هتوصلك انك انت يبقى عندك العميل بتاعك.
او اللي يعرفك او أنك انت يبقى عندك قاعدة جماهرية وأنا دائما بفضل التسويق بالمحتوى افضل طريقة تسوق بها بالمحتوى هي الفيديوز سواء كانت ريلز أو الفيديوهات الطويلة.
وهو ده كده ببساطة معنى كلمة التسويق بالمحتوى والسلام عليكم ورحمة الله وبركاته.
يمكنك أيضاً قراءة هذا المقال علي موقع أوليكس أي تي
