إزاي تتعلم ماركتينج للمبتدئين بطريقة بسيطة؟
إزاي تتعلم ماركتينج للمبتدئين؟
إزاي تتعلم ماركتينج ؟
النهاردة هنجاوب سوا على سؤال أتسألته كتير قوي.
وكان لازم اعمل عنه مقال
ازاي ابدأ اتعلم ماركتينج ؟
كل الناس عايزين يتعلموا ماركتينج وبصراحة عندهم حق لان بقالوا سنين واحد من اكتر المجالات المطلوبة.
وهيفضل مطلوب لسنين كتير جاية وشكل كده كل الناس اللي عايزين يتعلموه.
مش عارفين يبدأوا منين لأن فيه لغبطه كتير وفيه آراء كتير.
ومعظم الناس فاكرينه عبارة عن بوستات وأعلانات على السوشيال ميديا لكنه في الحقيقة اكبر وأوسع من كده بكتير قوي.
لذلك قبل ما تبدأ تتعلم تسويق الكتروني لازم تغير المايندسيت ونظرتك ليه .
وتعرف ايه المهارات والمجالات المرتبطة بيه لأن فيه مجالات ومهارات كتير لازم تتعلمها او تعرف حاجة عن كل واحدة فيهم .
قبل ما تفكر تتخصص في اي حاجة منهم يعني يبقى عندك معرفة عامة وبعد كده تبدأ تحدد هتتخصص في ايه ؟
هندخل في الموضوع على طول من غير ما اطول عليكم وهتكلم باختصار وتبسيط شديد .
يعني اللي هو عشان يوصل لاي حد.
إزاي تتعلم ماركتينج أول حاجه ؟
هو الSEO او سيرش انجين اوبتمايزايشن السيرش انجين اوبتمايزايشن هو المسؤول عن تحسين وجودك على محركات البحث.
يعني بيساعدك تاخد ترتيب اعلى في نتائج البحث فمثلًا لو حد عمل بحث على كورس انجليزي.
والموقع بتاعك عليه محتوى خاص بالموضوع ده.
وطبعا المحتوى ده عليه كلمات خاصة بالبحث بتاع كورسات انجليزي فطبعا الموقع بتاعك هيظهر في البحث. وكل ما تحسن الكلمات كل موجودك يبقى احسن على محركات البحث.
طبعا الموضوع مش بالسهولة اللي قولتها دي الموضوع محتاج مذاكرة وتحليل وبحث كتير جدا.
عشان تقدر تختار الكلمات المظبوطة اللي تتحط في الموقع بتاعك.
فلما حد يعمل سيرش على كورسات انجليزي انت تظهر.
إزاي تتعلم ماركتينج تاني حاجة ؟
هو الـ SEM أو سيرش انجين ماركتينج وده حاجة زي ال SEO بس للإعلانات المدفوعة .
وبرضه بيستخدم ال SEO عشان يحسن الإعلان في حاجات كتير قوي فيه .
بس ده التعريف العام بتاعه او الفكرة العامة بتاعته.
إزاي تتعلم ماركتينج رقم تلاتة ؟
SMM او السوشيال ميديا ماركتينج وده طبعا واضحة من اسمها بتاعت ايه وهي خاصة بالتسويق على منصات التواصل الاجتماعي.
وده ميزاتها انها عندها القدرة على بناء قاعدة كبيرة من العملاء عندهم ولاء للشغل بتاعك او البيزنس بتاعك مهما كان .
فتقدر من خلالها تتواصل معهم وفي نفس الوقت تعلن عن منتجك او ترفع زيارات الموقع بتاعك .
إزاي تتعلم ماركتينج رابع حاجة ؟
content marketing او التسويق بالمحتوى وده تقدر تستخدم تقريبا فيه التلت حاجات اللي انا قولتهم قبل كده .
يعني تقدر تستخدم فيه ال SEO عن طريق تضمين كلمات خاصة بالموقع بتاعك جوه المحتوى ده.
وطبعا تقدر تستخدمه في الاعلان عن موقعك فده SEM وتقدر تشيره على السوشيال ميديا .
وده SMM السوشيال ميديا ماركتينج وحاجات تانية بقا .
زي الباك لينكس اللي انا هتكلم عليها بعدين وحقيقية لو ال content marketing اتعمل مظبوط هيفيد الموقع بتاعك جدا.
إزاي تتعلم ماركتينج خامس حاجة ؟
ال email marketing وده ايوة بالظبط كده التسويق بالبريد الالكتروني.
وهو عبارة عن حساب بريد الالكتروني في منها دعائية وفي منها بتضيف ايميل للمستخدم.
ودعائية برضه وممكن يتم تخصصها واستهدافها لمستخدمين معينين يعني تستهدف اهتمامتهم.
او اشتروا حاجات معينة قبل كده من موقع بتاعك فتبعتلهم حاجات شبهة.
او review عن منتج شبه اللي هم اشترواه قبل كده .
إزاي تتعلم ماركتينج سادس حاجة ؟
فيديو marketing وده عبارة عن فيديو اعلان او بيقدم معلومة او بيشجع الناس انها تاخد قرار معين بسيط جدا.
إزاي تتعلم ماركتينج سابع حاجة ؟
هنتكلم عنها هو back links والback links ده عشان افهمهولك هقولك مثال وكأنك أنت كاتب موضوع عن أمر ما فيه معلومات كتير قوي وغني جدا .
وفيه موقع تاني كبير اوي بيجيله مثلا مليون زيارة في اليوم برضو هيكتب موضوع عن الامر نفسه فهما بيعملوا بحث لقوا المقال بتاعك او الفيديو بتاعك رح مستشهد بيك .
ورح حط اللينك بتاعك كده انت ايه أتظبط مدى الحياة مليون زيارة يا معلم.
فكده الموقع ده اداك authority خلاك حلو في عينين جوجل يعني من الاخر كده خلاك حلو في عينين جوجل هو دي الفكرة بتاعتها انت تكسب authority من موقع كبير.
بس ده بييجي بإنشاء محتوى قيم ومفيد ومناسب للمواقع دي يعني هما لما بيجيوا يكتبوا موضوع بيعملوا بحث فبيلاقيك لقاك عندك حاجة زيادة فبيأخدك عنده فده السبيل اللي قدامك عشان تكسب backlinks .
طبعا فيه ناس بتتعاقد مع مواقع كبيرة وكلام ده بس انا بقول على الموضوع اللي هو المجاني اللي هو ببلاش بنقعد نكتب المحتوى الكويس الناس يشوفه تستشهد بيه وشكرا .
والتعاقد ده مش قصدي اللي هو السبام لا قصدي مثلا انت كاتب موضوع عن التصوير وفيه موقع كبير قوي بيتكلم عن التصوير.
فطلبت منهم يحطوا لينك للمقال بتاعك جوا مقال عندهم بيتكلم عن التصوير طبعا بتدفع لهم في الحالة دي .
بس انا بتكلم عن اللي انت تكسبه بمجهودك من غير ما تدفع.
اخر حاجة معانا :
هي الاناليتكس وده عشان تفهم وتشوف الأداء بتاع الموقع بتاعك فتحلله وتشوف ايه اللي شغال وتطوره وايه اللي مش شغاله وتحسنه .
ده غير انه بيديك معلومات وبيانات بخصوص المستخدم يعني دخل من اي بلد بيستخدم اي جهاز الجهاز ده شغال بنظام ايه دخل عمل ايه على الموقع كل حاجة كل حاجة.
بيديك قصة حياة المستخدم والجزء ده بالذات بيظهرلك اهمية البيانات في توجيه واستهداف المستخدم .
وانك لما تمتلكها وتعرف تحللها تقدر تتحكم وتوجه المستخدم زي ما انت عايز.
الأفلياشن :
وطبعا مش هنسى الافلياشن الافلياشن هو ان حد تاني بيبيع الخدمة بتاعتك وبياخد منك عمولة .
زي مثلا حد عنده يوتيوب فجبت لينك من امازون على كاميرا وقلتلكوا يا جماعة ده اللينك بتاع الكاميرا فأنت بتدخل وتشتريه من اللينك ده .
فأنا بأخد عمولة من امازون لانك اشتريت من اللينك ده ببساطة كده لما تبدأ تتعلم دجترين ماركتين ومن رأيي لازم تتعلم كل مجال فيهم مش لازم تتخصص فيهم بس اعرف أهم حاجه.
وبكدا نكون خلصنا مقالنا اتمنى للجميع الاستفادة.
يمكنك أيضاً قراءة هذا المقال علي موقع أوليكس أي تي:
طريقة عمل إعلان ممول على الفيسبوك
