شات جي بي تي فور الجديد وكل حاجه محتاج تعرفها عنه .
شات جي بي تي فور الجديد .
الناس هتكلم نفسها حرفيا بسبب النسخة الجديدة هتصنعلك شخصية حقيقة هتتكلم معاك في أي حاجة وممكن تفكرلك وتاخدلك قرارات كمان شركة Ai اعلنت من كام يوم عن النسخة الجديدة وهو شات جي بي تي فور الجديد
او اللي بيقدم المرة دي نموذج متطور وصادم جدا هيقدر يستقبل منك المعلومات ويتفاعل معاها بشكل لحظي.
يعني سواء المعلومات دي كانت كلام مكتوب او صوت او حتى صور وفيديوهات يعني ببساطة كده اللى هيتكلم معاك كأنه بني ادم بالظبط .
وكمان لو هتشغل خاصية الفيديو فهو هيبقى شايف المحيط اللي حواليك.
فبالتالي :
لو انت في اي موقف هيقدر يساعدك سواء بقى حاجة عايز تصلحها مكان عايز تروحه .
وده مش بس في المعلومات لإن النسخة الجديدة اتطورت بشكل يحس بمشاعر المستخدم
يعني لو شكلك متوتر او مضايق ممكن Ai يقدم لك حلول تساعدك زي تمرين التنفس او انه يحكي لك قصة تهديك.
ولو حكيت له مشاكلك النفسية ممكن يتعامل معك كثيرا.
بس يعني لو عايز ترجع لشخص فارقته ممكن تدخل عليه ويقولك هتعمل ايه.
الرئيس التنفيذي لشركة اوبن اي اي سام ألتمن نشر كلمة هير على موقع اكس من كاميو.
وهنا كان بيقصد الفيلم اللي استوحى منه ومع الوقت النظام بيتطور وبيقدر يفهم اكتر مشاعر الانسان .
وكل ده من صوته بس.
بالإضافة إلى:
سام صرح في لقاء قبل كده ان فيلم هير هو فيلمه المفضل وان الفيلم كان نبوئة من المخرج وتحققت دلوقتي.
رغم ان وقت عرضه محدش كان عنده رؤية كاملة ازاي الارتباط هيحصل بين البشر والذكاء الاصطناعي لكن الفكرة اللي صورها المخرج سباين جونز في فيلم هير بتتحول دلوقتي لواقع حقيقي.
لان النسخة الجديدة هتقدر تتكلم مع الانسان وتظبط اصواتها ونقل مشاعره .
يعني لو مثلا طلبت منه يحكي لك قصة قبل ما تنام هيتكلم بصوت واطي ولو قلت له انك محتاج نصيحة من صديق هتتحول نبرته لنبرة مرحة كأنه صاحبك بالظبط.
وكمان هيقدر يهديك لو لقى صوتك متوتر .
كمان النظام الجديد هيكون عنده قدرة على ترجمة اللغات بشكل فورى وهيقدر يتعامل مع 50 لغة مختلفة.
OpenAi بتقول ان النظام الجديد بيستجيب لصوت الانسان في 232 ميلي ثانية .
وده حسب الدراسات نفس المدة اللي بيحتاجها البشر في الكلام ما بينهم وبين بعض .
وأهم ميزة هيحققها لك النموذج الجديد هي نسخة الديسك توب وده هيساعدك تحل أي مشكلة تواجهك وقت الشهر.
كأنك بالظبط بتكلم موظف It وهنا هتقدر تتكلم مع النموذج من خلال سماعة وتوريه المشكلة اللي بتحصل معاك على الكمبيوتر أو تبعتها له في شكل سكرين شوت.
وهو يقولك هتصلح ازاي وتقدر كمان تاخد رأيه في أي فكرة جديدة تخص شغلك وتطلب منه يساعدك .
لو عندك إنترفيو أو أي بريزنتيشن يقدر يهديك ويديك نصائح تساعدك كمان .
مع كل تطور للذكاء الاصطناعي الرعب بيزيد والشركات دلوقتي بتتسابق على مين ياخد مكان البشر في حاجات أكتر.
فتفتكروا النسخة الجاية هتبقى مخبيه لينا اي !
يمكنك قراءة هذا المقال علي أوليكس اي تي:
