طريقة عمل سمبوسة مقرمشة وبدون ما تشرب زيت كمان
طريقة عمل سمبوسة
طريقة عمل سمبوسة مقرمشة و مش شاربة زيت
بتكات لأول مرة تشوفوها و أسهل طريقة لف بسرعة الصاروخ؟
السلام عليكم ورحمة الله وبركاته اهلا بكم
النهاردة هنعمل مع بعض سمبوسه اللي طبعا كلنا بنحبها هنعملها بكم حشوة .
مختلفة كده وهنعملها بطريقة وتكات جديدة مش هتشرب مننا زيت خالص طبعا.
اكيد المشكلة اللي بتقابلنا ان سمبوسه بتشرب مننا زيت مش هتشرب زيت خالص.
وهتكون مقرمشة منفوخة كده وشكلها جميل ولونها تحفة حاجة يعني كده هتشرفك على السفره إن شاء الله.
وهتعجب كل اللي هيدوقها ولو جربتها بالطريقة دي مش هتعمليها غير بدي وهتكون طريقتك المعتمدة ان شاء الله .
يلا بينا نسمي الله ونصلي على الرسول ونشوف الطريقة بتاعتنا.
طريقة عمل سمبوسة أولا:
بسم الله كده اول حاجة بسرعة هنبدأ بالحشوات بتاعتنا طاسة على النار حطيت فيها 3 معالق من الزيت .
ونزلت عليهم ببصلاية ونص كده كبار مفرومين ناعم او متقطعين ناعم.
وهقلبها في الزيت لحد ما تتعمل وتاخد لون اصفر خفيف جدا .
بعد كده هنزل بحوالي قرن فلفل كبير عايزها رومي حطي عايزها حام حطي دي حاجة حسب ذوقك وحسب طريقتك هنقلب الفلفل مع البصل لحد ما يتبل ويبقى لونه اصفر خفيف وبعد كده هنزل عليهم بنص كيلو من اللحمة المفرومة.
وطبعا كمية اللحمة بتتوقف على كمية سمبوسك هقلب اللحمة مع البصل والحاجة لحد ما تفلفل بالشكل اللي انتوا هتشوفوه و مبقاش فيها مية خالص.
طريقة عمل سمبوسة ثانيا:
هحط لها كمية من الثوم بسيطة جدا يعني فص ثوم او فصين ثوم بكتير قوي متقطعين واللي عايز يستغنى عن الثوم يستغنى بس هو بيدي ريحة حلوة قوي للتعصيجه.
انا دايما بحب بحط فص ثوم مع التعصيجه قلبت الثوم مع اللحمة والبصل وبعد كده هنبدأ نحط التوابل.
ونصف ملعقة صغيرة من الفلفل الاسود.
وكمان نصف ملعقة صغيرة من السبعة بهارات
نصف ملعقة صغيرة من البابريكا .
وهنملح اللحمة بتاعتنا بحوالي ملعقة الى ربع كده من الملح وهنقلب العصاج مع البهارات بتاعتنا لحد ما تتجانس كلها مع بعض .
وكده خلاص احنا جاهزنا العصاج بتاعتنا او حشوة اللحمة بتاعتنا تمام .
ما هي مكونات الحشوة التانية ؟
أولًا:
هعمل حشوة الفراخ برضو طاسه على النار
حطيت فيها 3 معالق من الزيت.
ونزلت عليهم برضو ببصلاية ونص كده مفرومين ناعم وهقلب البصلة في الزيت لحد ما تتبل.
وهنزل برضو بقرن فلفل وحسب رغبتك حامية او بارد دي حاجة ترجعلك.
هنقلبهم لحد ما تتبل مع بعض ويكون لونها أصفر خفيف بعد كده انا جيت صدر فراخ يعني الصدر من صدر الفراخ وقطعته صغير خالص.
يعني حاول ان تتقطعي صغير مش كبير علشان لما يجي نحشي بيه ما يبقاش يعني ميزهكيش في الحشوة بتاعت السمبوسه.
حاولي تقطعيها قطعة صغيرة هنقلب الفراخ بتاعتنا في الطاسة لحد ما تتشوح ولونها يبيض كده وشوية بشوية المية بتاعتها بتنشف وبتبدأ تفلفل وبتكون عاملة زي اللحمة .
زي ما كنا بنعملها كده بصوا شوية بشوية لونها بيبيض وبتفلفل كده وبتشوف مايتها بنستنى لما ميتها بتنشف خالص ما بيقاش فيها اي مية.
هي بتنزل مية وشوية بشوية بنقلب بتستوي وفي نفس الوقت ميتها بتنشف هنتبلها بقى.
ثانياً:
بنص معلقة من الكاري.
والمعالق اللي انا بستخدمها معالق الشاي الصغيرة.
وحطيت برضو طرف معلقة صغيرة كده من الثوم.
ونص معلقة صغيرة من الفلفل الاسود.
كمان نص معلقة صغيرة من السبعة بهارات.
معانا نص معلقة صغيرة من البابريكا .
وطبعا هنحط الملح بتاعنا في الاخر هنملحها يعني حاجة بسيطة كده كل واحدة بتعرف ملحها بيبقى ازاي وقت دي بياخد حوالي معلقة لربع كده من الملح.
كده خلصنا الحشوتين بتاعتنا الفراخ واللحمة.
طريقة عمل سمبوسة وما هي طريقة الحشو؟
أولا:
تعالوا بقى نحشي السامبوسك بطريقة سهلة وبسيطة جدا طبعا السامبوسك موجودة في كل محل وفي السوبر ماركت متوفرة.
وهنا معانا جبنة موزاريلا هحشي بيها وحشوة الفراخ وحشوة اللحمة ومعايا معلقة من الدقيق حطيت عليها معلقة من المية وقلبتها علشان اعمل السامغة كده اللي هلزق بيها السامبوسك بتاعتنا.
بصوا بقى الطريقة السهلة اللي هنعملها بصوا ركزوا معايا كده بتني الطرف الاولاني.
وبعد كده بتنيها مرة والتانية بتبقى معايا زي الأرطاص كده او زي المسلس المفتوح.
بتكون سهلة معايا عشان تحش فيها الحشوات اللي انت عايزها واهو بعد ما حطيت الحشوة بتاعي بابدأ بقى اتنيها كده.
هي بتمشي مع الورقة كل ما باتني تانية بتعملي الطرف من اطراف المثلث.
بصوا بتبقى سهلة جدا اهو باجيب بقى جزء من الخليط اللي هو السامغة اللي انا عملته بالدقيق او عجنتي الدقيق وبألحمها كده بصوا بقت تمام خالص.
بصوا في بداية بقى تقفلي كل ما بتتنيها مرة بتعمل معاكي اهو شكل المثلث وبعدين بتجيب العجينة وتلزقيها بتقفل معاكي ومش هتفتح في الزيت خالص وتبقى زي الفرن .
ثانياً:
وومكن نعمل واحده بالجبنة بنفس الطريقة اهو باتني الطرف على الطرف وبعد كده بعملها مثلث وارجع اتنيها مرة كمان بتعمل معايا ارطاص كده او او مثلث.
ونبدأ بقى ونحط الجبنة او الحشوة ممكن تحط مع الجبنة زتون بقدونس الحشوات دي بقى حاجة تبع ذوقك وتبع ما انتي عايز نبدأ نتنيها ونقفلها .
وممكن على فكرة نقفلها من غير الدقيق هعرفك واحدة دلوقتي وانا بقفلها ممكن تدخليها جوه بعضها كده لحد ما تخلصي الكمية.
بصوا اهو بتفتحي كده اخر جزء انتي تتنيها واتدخلي الطرف اخر طرف معاكي جوها كده اهو بس من غير الدقيق ومن غير العجينة اللي احنا عملناها ولا اي حاجة خالص.
وبقت مقفلة زي الفل هنا بعد ما خلصت الكمية اللي معايا كلها وتقفلت كلها .
تعالوا بقى ما اقولكم على الطريقة بتاعتي اللي بتخليها مقرمشة وهاشة وجميلة وزي الفل .
ثالثاً:
هنا معايا كباية الا ربع من الفيجيتار.
عليها كباية لربع من الدقيق الابيض بتاعنا وبقلبهم مع بعض.
طبعا انتي لو مش متوفرة عندك الفيجيتار اللي هو في الأكياس بتحطي بقصمات.
بس بتتبلي بقى بتحطي له شوية بهارات علشان يبقى طعمه حلو .
بجيب بيضة وبضربها كده بشوية فلفل اسود علشان ظفارت البيض وما تخافوش الظفارة بتاعة البيض ما بتبنش خالص خالص لاننا حطينا عليها فلفل اسود.
بتنزلي السامبوسة بتاعتك جوه البيض كده وبعد كده تطلعيها وتحطيها في الدقيق والفيجيتار او الدقيق والبصمات على حسب ما انتي عايزة زي كأنك بتعملي البانيه أو بتبلي البانيه
وزي ما قلتلكم تاني بكرر الناس اللي ما عندهاش فيجيتار او مش متوفرة عندهم ممكن يحطوا البقصمات وبس .
بتبلوا الدقيق والبقصمات بتاعتهم بشوية فلفل وشوية ملح وشوية اي بهارات من بتاعت الفرخ اللي هما متعودين عليها.
قلبتها كده بعد ما طلعتها من البيض وحطتها في الدقيق بقلبها كده زي ما انتوا عارفين وزي ما بنعمل البانيه وزي ما بنعمل الحاجات دي .
بنقلبها كويس لحد ما تتملي كلها دقيق والبقصمات الطريقة دي والحركة دي بتخليها في منتهى الجمال.
اللي هيجربها بصراحة حاجة يعني تحفة بتخليها متشربش الزيت خالص ومقرمشة ومنفوشة.
وحاجة يعني شكلها بصراحة يشرف وبتتقلب سرعة ما بتاخدش وقت.
ومتشربش الزيت خالص زي ما بقولكم .
طريقة عمل سمبوسة رابعا:
بنبدأ نقلبها على كل جنب شوية لحد ما تاخد اللون الدهب الجميل اللي احنا عايزينه بس بتتحمر بسرعة وشكلها تحفة.
دلوقتي بعد ما خدت اللون الدهب اللي احنا عايزينه بسم ما شاء الله ما فتحتش في الزيت ولا اي حاجة خالص.
وفي نفس الوقت مليانة كده ومنفوشة وشكلها تحفة ومقرمشة جدا جدا جدا .
بصوا شكلها وكده خلاص بعد ما خلصنا شكلها حلوة قوي مقرمشة جدا لونها دهبي حلوة قوي وطعمها جميل.
طعمها مختلف الطريقة دي حلوة قوي انصحكم كلكم تجربوها لو جربتوها هتنسوا الطريقة اللي انتو بتعودين عليها.
وبالهنا والشفا على قلبكوا كلكوا احلي سمبوسه لاحلى ناس ..
يمكنك قراءة هذا المقال أيضا
