مسلسل نعمة الافوكاتو رمضان 2024 وكيف كان ؟
مسلسل نعمة الافوكاتو رمضان 2024 وكيف كان ؟
مسلسل نعمة الافوكاتو رمضان 2024 وكيف كان ؟.
السلام عليكم ورحمه الله هنتكلم عن مسلسل نعمة الافوكاتو من بطولة مع حفظ الالقاب للجميع مي عمر
احمد زاهر اروى جودة كمال ابورية سامي مغوري لبنى ونس عماد زيادة طارق النهري وولاء شريف وطبعا
المسلسل من اخراج المخرج الانجح في الدراما عبر اخر عشر سنين المخرج محمد سامي.
والمسلسل من تأليف محمد سامي وبيشاركوا برضو مهاب طارق اللي اشتركوا مع بعض في مسلسل جعفر العمدة
السنة اللي فاتت شفت المسلسل فقد ايه ايه اللي عاجبك في المسلسل? ها المسلسل عاجبك ولا لا? هل انت مستمتع بالمسلسل ولا لا كل ده هنتكلم عليه بس نبتدي باول حاجة .
مسلسل نعمة الافوكاتو وأولا
ما هى ايجابيات مسلسل نعمة الافوكاتو ؟
مسلسل نعمة الافوكاتو وهنبتدي بايجابيات المسلسل محمد سامي عنده خلطة سحرية عنده خلطة سحرية بيعرف يشد كل الناس
برغم انك انت عارف كل الاحداث اللي جايه انت خلاص عرفت شخصية نعمة الافوكاتور ان هي محامية ذكية
جدا وان هي طيبة جدا وجدعة جدا وشهمة جدا وتضحي بعمرها وتضحي بفلوس وتكدب كده عشان
الراجل يبقى راسه مرفوع كده وكل الكلام ده وفي الاخر يتغدر بيها وتتقتل وترجع للانتقام.
وانت عارف كده وتفضل مجزوب للمسلسل بطريقة غريبة
مسلسل نعمة الافوكاتو وثانيا .
نخش على الحلقة اللي بعد يعني فيه حاجة يا جماعة شداني انا عايز اتفرج على الحلقة انا عارف ايه اللي
هيحصل بس انا عايز اشوف عايز اشوف القصة او طريقة الانتقام هتعمل ازاي انت عارف اسلوب محمد
سامي الموسيقى العالية في الاحداث الافورة في مشاهد كتير ايه الحاجات اللي تحسها غير واقعية بالمرة من
ناحية الشهامة الزيادة من ناحية طريقة الانتقام اللي فيها طريقة هندية شوية ولكن متابعة وعشان كده انا
بقول يا جماعة فعلاً رجل ده فعلاً انجح مخرج في الدراما في اخر فترة من ناحية النجاح والشعبية ومن
ناحية اخرى بالنسبة لمي عمر في ناس كثيرةجداً شوفت بوستات اللي هيا يا جماعة دي كانت بتأفور جداً وبتعمل
حركات انا شايف ان ده افضل دور عملته كمن ناحية تمثيل تعبت هي فعلاً تعبت في الدور واجتهدت جداً في الدور ده
أحمد زاهر ودوره الفظيع في المسلسل ؟
ونيجي عن طبعاً الايجابيات التانية المهمة احمد زاهر ملك يعني هو بالنسبة لي هو من افضل الممثلين اللي
بيعملو دور الفيلم في الدراما الرمضانية من ساعة مسلسل للعدالة وجوه كثيرة بتاع الاسطورة يحيي
الفخراني وشوفوا عمل ايه في دنيا سمير غانم هو من
ساعتها الراجل ده يا جماعة شوفوا دور الفيلم بطريقة رائعة ومستفزة تفضل انت قاعد طول الوقت مستفز من
احمد زاهر بطريقة مزهله وبرضه تحت قيادة محمد سامي بيبقى يعني زي ما بقولك الشرير بيبقى شرير اوفر
بتلاقيه طماع بطريقة جشعة بتلاقيه بني ادم جشعة شوفوا طريقة كلامه وطريقة نظره تانية هو بيتكلم عن
الفلوس وان انا عم بقى ايه واكبرهم وازاي هو ده احمد
زاهر الفيلنج اللي انت بتكرهه جداً بسبب اداءه الشرير في رمضان.
مسلسل نعمة الافوكاتو وثالثا .
سلبيات المسلسل وما هى ؟
اما هنقول الى يضايق من المسلسل او ايه السلبيات اللي في المسلسل هقولك انا بالنسبة لي ومن وجهة نظر
الشخصية من اول الحلقة اللي هو خلاص هي عارفنا ان
نعمة رجعت او خلاص ان هي عايشة ومن ساعة حتة اللي هي القفلة بتاعة محمد سامي المشهورة بتاعة اللي
هو تستنى بفارغ الصبر على الحلقة القادمة اللي هو خلاص احمد زاهر واروى جودة انكشفوا تماماً قدام
النيابة واللي دخلت دافع عنهم هي الفنانة مي عمر وانها اظهرت لهم ان هي لسه عايشة ده كان اخر بالنسبة لي كان جامد جداً وبالنسبة لي من اول دي من الحلقة
الحلقات اللي بعديها جماعة فيها مط وتطويل بجد اللي هو انا مضايق فيه مسلسلين في رمضان مضايق منهم
جداً بسبب فكرة ان هم 15 حلقة وفيهم مط وتطويل انا فعلاً من بعد فكرة اللي هو خلاص يلا احنا دلوقتي
المفروض نخش على موضوع الانتقام والناس بقى منتظرة بفارغ الصبر النعمة هتعمل ايه بقى مع احمد زاهر
واروى جودة لا الموضوع طول جداً ومط جداً وتكرار كتير جداً لمشاهد نعمة وهي بتتكلم عن قد ايه اتغدرت
وقد ايه حبت وقد ايه والله لا يشوفوا ايام سودة وبتاع بعد كده نشوفها مع احمد زيادة احمد زيادة يقولها اه
بيفلرت وبحبك بعدها تقعد مع ابوها ويحكي له برضه نفس الكلام ويقوم ايه لا لازم تنتقمي وانا معلمك ايه
تكرار تكرار للمشاهد تكرار للمشاهد تكرار للمشاهد لحد بالنسبة لي الحلقة الاربعتاشر حتى نهاية الحلقة التلاتاشر
اللي هي لما هي كانت بتحرق الفلوس لا يا جماعة انتو وصلتوني الفوينت اللي هو انا خلاص مش فارق معايا لدرجة اللي هو انا يعني الحلقة مش متحمس لها قد مثلا
ما كنت متحمس للحلقات بتاعة الستة او الخمسة او السبعة او التامنة او لحد التامنة على ما اعتقد كل حلقات دي انا كنت منتظر لكن دلوقتي خلاص من كتر ما مطوا
مسلسل نعمة الافوكاتو ورابعا .
مشاهد فنتازيا زيادة ما هى ؟
ومن كتر ما الموضوع بقى اللي هو قلب يعني فنتازيا زيادة اللي هو انا قابل انا قابل اساسا وشاري من الاول
وعارف ان اه هيبقى فيه حاجات كتيرة افورة وكده ولكن بقى انه هنا ابتدي انها تقول لأحمد زهر انا بحبك ولازم ننتقم من أروى وانك انت لازم تقتل أروى وعشان
ارجعلك وانها تروح لأروة تقولها احنا لازم نبقى اصحاب ونتحد ده بقى اللي هو يا جماعة يعني انتوا عقيدين ايه؟
اه ما هو كله اه وزي ما دلوقتي ده ازاي اللي حصل في البرنس لما قاعد يوقع ما بينهم كلهم ولكن انا يعني انا كاحمد زهر ازاي اصدقك بعد اللي انتي عملتي ده يا انتي
حرقتي فلوسي وانا دفنتك وعملت كل ده لسه مفروض هيبقى فيه انتقام اكتر كمان ازاي اصدقها فيه سزاجة في الموضوع زيادة عن اللزوم وحاسس ان موضوع المطة
والتطويل ده كان ممكن يتعالج انك انت اول ست حلقات بسرعة بسرعة والاحداث بسرعة بسرعة وطرفتها لنعمة
وطرفتها لجوزها يعني الحلقة السادسة على ما اعتقد هي اتضربت على رأسها وماتت ايوه على ما اعتقد ان هي
ماتت مي عمر واللي هي قفلة لو انت ما كنتش شفت الاعلان اساساً ومش عارف ايه القصة ناس كتير كانت هتفضل تتساءل اكتر .
مسلسل نعمة الافوكاتو و خامسا .
حتة المطة والتطويل لو كنا مثلاً نعمة ماتت في الحلقة التاسعة واللي جيب بقى من بعد الحلقة التاسعة ده انتقام بطريقة سريعة وما شفناش تكرار كتير ده كان
المسلسل هيبقى في مرتبة اعلى واعلى واعلى بالنسبة لي ولكن في الاول وفي الاخر محمد سامي نجح ومسلسله نجح في اول خمستاشر يوم في النص الاول مسلسله
نجح كالعادة ومي عمر قدمت برضو اداء مختلف واداء جديد بالنسبة لها وبالنسبة برضو حاجة بس هزودها في اداء مي عمر فكرة الكوميديا دي برضو حطها في
السلبيات.يعني انا مش عارف حسيت ان في كوميديا كثيرة جداً جداً جداً بتطلع منها وغير موفقة تماماً بالنسبة لي في الكوميديا بالنسبة لي انا من وجهة نظري
الشخصية في ناس تانية ممكن يقولوا لا انا مي عمر وهي نعمة ولما كانت بتقول افيهات وكانت بتضحك مشاهد مثلاً وهي قاعدة مع عائلتها وعملت ضحكهم كلهم
وهم يقولوا احنا من غيرك يا نعمة كل الكلام ده ممكن يكون بيعجبهم المشاهد دي انا بالنسبة لي مشاهد دي غير موفقة تماماً .
مسلسل نعمة الافوكاتو و سادسا .
دور عماد زيادة و أروى جودة ؟
اما بالنسبة للفنان برضو وعماد زيادة عارف ان فيه ناس كثيرة جداً يقولوا الراجل ده يا جماعة على فكرة الراجل
شكله طيب جداً وغلبان ومحترم ولذيذ وجدع وكل الكلام ده على عيني وراسي هو شكله فعلاً طيب
ومحترم وكل حاجة ولكن كتمثيل تمثيل متواضع يا جماعة انا اسف ان انا بقول كده لان انا عارف الناس
كثيرة جداً بتحبه وناس كثيرة بتكتب له راجل ده مثال على عيني وراسي بس انا اسف انا رأيي انه اداءه
التمثيلي متواضع اما بالنسبة للفنان اروى جودة مش حاسس ان هي قدمت اداء مختلف او اداء جديد بالنسبة
لها او اللي هو حاجة نقول ايه ده اروى جودة غيرت جلدها تماماً ولكن انا شفته من بوست ان فيه حد تنمر
وقال ايه ده هي وشها ايه حاجة كده وهي ردت وقالت انها تعبانة وانها مريضة بالغدة الدراقية وكلام ده فربنا
يشفيها رب بتزعليش من اي كلام يتقلك من نوعية دي عادي وعادي صباح الفل وربنا يشفيك يا رب.
اما بالنسبة طبعاً للفنان الكبير كامل ابو راية انا مبسوط ان هو رجع اتمنى انه من خلال العمل ده يطلع في اعمال
كثيرة خلال الفترة الجاية ولكن برضو مش من يعني مش دور مميز جداً بالنسبة له نفس الكلام للفنان سامي
مغوري اللي انا بحبه جداً وبعشقه ما استغلناش الكوميديا بتاعته كنت اتمنى ان احنا نستغل الكوميديا
بتاعته ونستثمرها في سامي مغوري ولكن حتى لما استثمروها في بعض من المشاهد مكنتش سامي مغوري اللي بيضحكني.
ونيجي عند سؤال دلوقتي ايه اكتر عمل بتحبه لمحمد سامي عموماً كمسلسلات ترتبهم لي كده بالترتيب ؟
ويمكن الاطلاع على هذا المقال أيضا
بعد أول 9 حلقات من مسلسل الكبير اوي ما تقييمك له
