عناصر المحتوى وأهم خمس عناصر بطريقه سهله
عناصر المحتوى
عناصر المحتوى وأهم خمس عناصر بطريقه سهله
كتابة المحتوى لو عايز تعرف الخلطة السررية لكتابة الكونتنت المقال دا هيفيدك جدا
عناصر المحتوى وأهم خمس عناصر بطريقه سهله
تخيل معايا انك رحت مطعم مشهور جدا المينيو بتاعته تحفة وواضح فيها الاسعار وكمان الخدمة كويسة جدا
وفيه اهتمام كبير بيك لكن اول ما جيه الاكل كان بارد جدا وطعمه مش حلو ممكن تروح المكان دا تاني؟ اكيد
لا بالرغم من المميزات الكتير اللي ذكرناها لكنه كان اسوأ مطعم ودا بالظبط اللي بيحصل لو اهملت مكونات
المحتوى بتاعت واعتمدت بس على فكرتك من غير ما تهتم بالاودينس بتوعك هما مستحيل يقرأو لك تاني فانا
جاى بقولك النهارده وعلشان تظبط الطبخة فيه خمس عناصر مهمين جدا من غيرهم المحتوى بتاعك هيفضل
مجرد فكرة جوا دماغك ومحدش هيقرأه ويلا بينا نعرف ايه هما الخمس عناصر
عناصر المحتوى وأول عنصر
اول عنصر العنوان لو قدامك فرصة تقابل حد مشهور جدا وعايز تشتغل معاه ايه الجملة اللي هتقولها له
علشان تقنعه بيك؟ اكيد هتختار جملة جذابة جدا وفيها المفيدة عنك نفس الكلام في الكونتنت العنوان هو اللي
بيخلي الجمهور ياخدوا قرار سواء هيقرأو الكونتنت بتاعك ولا لا وده كله بيتم خلال ثانية او ثانيتين من
وقت ما عينه تقع على العنوان بتاعك وعلشان كده لازم تبذل فيه جهد محترم علشان تضمن انه يتشاف او يتقرأ
خمس تركات تظبط لك العنوان
أول حاجه
العنوان لازم يكون ليه علاقة باهتمام الناس اللي هتقرأ
ماهي لو حاجة انا مش مهتم بيها هقرأها او هشوفها ليه
وده معناه انك لازم تحدد مين الجمهور بتوعك واهتمامتهم الاول
تانى حاجة
يكون محدد وواضح بدل ما تقول اهم الكورسات في 2021 قول اهم عشر كورسات في علم النفس 2021
ده كده هيخلي العنوان واضح اكتر وكمان هتكون بينت النوع فهيجذب اكبر فئة مهتمة بعلم النفس
ثالث حاجه
استخدم كلمات مميزة زي دليلك تجربتي رحلتي الكلمات
دي بتوحي للشخص اللي بيقرأ انك حد فاهم كويس وباحث عظيم وهتفيده
رابع حاجه
حدد فترة زمنية يعني وضح له هو امتى يقرأ المقال ده مثلا مثال عشر نصائح عليك معرفتها قبل دخول
الجامعة انت كده بتستهدف كل الى داخلين الجامعة وبتستعجلهم يقرأوا على طول لانه حاجة مهمة
خامس حاجة
اسأل سؤال وثير فضول الشخص بسؤالك اغلبنا دايماً ماشى ورا فضوله وعايز يعرف ليه استغل النقطة دي
واسأل سؤال يخليه يقرأ علشان يعرف الإجابة لو طبقت الخمس تركات دول او على الاقل كام واحدة منهم
اضمنلك ان العنوان بتاعك هيكون مميز وطبعاً لازم تجرب اكتر من عنوان وتعمل تيست شوف مين اللي
جاب ريتش اكبر ومين لا وده هيساعدك تتعرف على الجمهور بتوعك بشكل افضل
عناصر المحتوى وتانى عنصر
تاني عنصر معانا المقدمة عديت اول محطة وهي العنوان كمل جهدك في المقدمة لازم بعد ما تحط عنوان
مميز تكمل بمقدمة مميزة وليها علاقة بالعنوان ولا هتفقد ثقة الجمهور ويحس ان العنوان مفبرك خلي
المقدمة تعبر عن احتياج الشخص او سؤال بيدور عليه او مشكلة بتوجهه قل له هيستفيد ايه لما يقرأ حسسه
باهمية المحتوى بتاعتك استخدم كلمات زي افضل احسن اقوى اهم واي كلمات تثير فضوله وممكن تحكي
قصة بتتكلم عنه وهتبقى عبقري لو قدرت تخليه هو البطل وانتبه انتبه لعلامات الترقيم وانك تقسم الفقرة
لجمل قصيرة خليني ياخد نفسه هو بيقرأ مايحسش انه بيجري ويتعب
عناصر المحتوى وتالت عنصر
تالت عنصر معانا جسم المحتوى العنوان والمقدمة ما هما الا وسيلة جذابة لعرض المحتوى بتاعتك وبالتالي
لازم كل كلمة وعدت بيها الجمهور توفي بيها دلوقتي طالما قولت انك هترشح اقوى خمس كتب في علم
النفس يبقى لازم ترشح خمسة مش اقل ولا اكتر ولا ترشح كتب مش قوية جسم المحتوى بيعبر عنك وعن
افكارك بيوحي للشخص انك فاهم اللي بتقوله او لا
بيعرفه مدى اتقانك لشغلك وعلشان كده لازم تمشي على كذا خطوة
خطوات مهمه جدا لإتقان شغلك ؟
اول حاجة يكون المحتوى منظم ومرتب فيه تسلسل تاني حاجة متقسم لفقرات وتستخدم علامات الترقيم
بس مش بلا هدف تالت حاجة الجمل متربطة ومتحطش الجمل الزيادة او اللي ملهاش لازمة رابع حاجة عناوين
فرعية خامس حاجة معانا تستخدم امثلة توضح
الكونتنت بتاعك مظبوط سادس حاجة واخر حاجة
سيب مسافة بين كل فكرة والتانية متكتبش المحتوى مرة واحدة
عناصر المحتوى ورابع عنصر
رابع عنصر معانا الملخص اهم من الشغل تظبيت الشغل لازم تحرص انك تنهي الكونتنت بتاعك بطريقة كويسة زي ما بدأت وده من خلال انك تركز على رسالتك وافكارك تلخص اللي فات او قوله المكاسب اللي هتعود عليه لو طبق كلامك والخسائر اللي هتعود عليه لو ما طبقهوش
عناصر المحتوى وخامس عنصر
خامس حاجة السيتى ايه ودي اختصار لكول تو اكشن ودي بقى بتاعتك انت وانت اللي بتحددها اسأل نفسك
انا عامل المحتوى ده ليه هل عايز تفاعل ولا سبسكرايب في القناة ولا انه يضغط على لينك ولا ايه بالظبط ايه
كان هدفك قوله بشكل واضح ومباشر ده حقك اللي عامل المحتوى علشانه استخدم الافعال زي ادخل اضغط
اعمل سبسكرايب وكمان متنساش تقوله هو يستفيد ايه
صفحة olxit
أخيراً
ولو ركزت على الخمس عناصر دول فانت كده بتختصر على نفسك وقته جهد على الفاضي وتقدر بسهولة تحقق
هدفك وتوصل رسالتك وبرضه مفيش حاجة ثابتة لازم
تجرب وتشوف النتيجة بنفسك ولحد هنا نكون خلصنا
موضوعنا يارب تكونو استفدتو والسلام عليكم ورحمه الله وبركاته
