طريقة عمل الكنافة السادة بدون مكسرات بطريقة صحيحة
طريقه عمل الكنافة السادة
بدون مكسرات وبطريقه الحلواني وتحدي.
السلام عليكم وصفة انهارده ان شاء الله الكنافة السادة بطريقة بسيطة جدا.
وجميلة جدا وسهلة وما بتاخدش وقت خالص في التحضير.
كمان طعمها في منتهى الجمال وكمان هنحضرها على طريقة الحلواني .
طريقة عمل الكافة السادة المقادير:
أولًا:
اول حاجه هنحضرها السيروب بتاع الكنافة او الشربات الكنافة
بتحتاج سيروب تقيل وبارد فلازم نحضره اول حاجة علشان نسيبه يبرد تماما
هحتاج كوبايتين من السكر عليهم كوباية ونص من المية ونص عصرة لمونة
وارفعهم على درجة حرارة عالية من خمس لسبع دقايق
وبعد كده هنزل عليهم بربع معلقة صغيرة من الفانيليا
وبكده السيروب ( الشربات) يكون جاهز هركنه بقا على جنبه واسيبه يبرد تماما
ثانياً:
تحضير الكنافة علشان تشتري الكنافة متجيبيش الكنافة الطازة لازم تجيبي الكنافة اللي قبلها بيوم تكون ناشفة شوية.
لاكن لو جبتيها طازة بتسيبيها في الفريزر لمدة ساعتين او ثلاثة لحد ما تنشف خالص.
وتبدأي تفركيها وتنعميها خالص يا اما لو مستعجلة هجيبي الكبة
لو عندك كبة بتاعة البصل واللحمة هتفرميها فيها
لحد ما تعمل معاكي قطع صغيرة خالص مفرومة ناعمه تماما
وبعدين او نص كيلو ننزل بنص كباية صغيرة من السكر البدرة وكوباية من السمنة
هتكون دسمة شوية علشان السمنة زيادة بس في الاخر الطعم هيكون حلو قوي
بعد ما غلفنا الكنافة كويس جدا بالسمنة هنجيب صانية بتاعة البسبوسة دي اكبر صينية في صواني البسبوسة تمام
غلفتها كويس بالسمنة وغلفت الحروف بتاع الصانية علشان لما اجي اقلبها الكنافة متمسكش في حروف الصانية
طبعا هنعملها سادة مش هحط حشوة ولا اي حاجة
وننزل بالنص كيلو كله ونبدأ نضغط عليها بأيدينا وبعد كده هجيب صانية اصغر من الصانية دي وهبدأ اضغط الصانيتين اللي اتنين فوق بعض كده عشان تفرد الكنافة اكتر
ثالثاً:
لحد ما يعمل لي وش ناعم ومتساوي بالشكل ده وبعد كده هتدخل الفرن على درجة حرارة 180 في الراف الوسطاني
وهكون مشغلة من تحت بس اول ما تاخد اللون من تحت هبدأ اطفي واشغل الشواية
طيب هعرف ازاي أنها أحمرت من تحت او اخدت اللون الدهبي؟
اول ما تاخد اللون الدهبي من الجوانب يبقى هي كده خلاص تمام جدا
اخدت اللون اللي انا محتاجه خلاص قلبتها بقى فغطى حلة على الجنب التاني وهتطلع شكلها روعة.
رابعاً:
هجيب بقى السيرب (الشربات )احنا كنت محضرينه بكوباية ونص من المية على كوبياتين من السكر وهي اخدت مني الكوبية ونص من السيرب.
وهتشوفوا بقى السيرب عامل ازاي هيكون حلو جدا وتقيل جدا جدا وصدقيني لو عملت السيرب بالطريقة دي مش هيسكر منك خالص
ولو عملت الكنافة برضو بالطريقة دي هتكوني استاذة فيها فعلا وتتحدى بيها اي حد لان طريقتها سهلة جدا جدا
ومأخدتش وقت خالص والنتيجة زي ما انتوا شايفين وأخدت اللون الدهبي من فوق ومن تحت ومن الجوانب وشربت السيرب أو الشربات يعني شربت السيرب بسرعة
طريقة عمل الكنافة السادة
وأهم حاجه لازم تكون الكنافة سخنة والسيرب يكون بارد علشان تشربه بسرعة بالشكل اللي احنا عايزينه
وطبعا انا عملتها سادة فانتي ليكي مطلق الحرية تقدر يتحشيها مكسرات او تحط فيها اشطاء او مانجا او اي حاجة تخطر على بالك اعمليها.
وبالطريقة دي بس الفرق في الحشوة اللي هتحطيها في النص بس دلوقتي بقى بخرطها معاكم شايفين بقى الخارطة عملت زي حاجة مقرمشة جدا جدا
طريقة عمل الكنافة
وحلوة قوي ناس كتير بتحب الخارطة الرقيقة الحلوة دي في ناس بتحبها سميكة شوية فانتوا راحتكوا طبعا وبس كده وأتمني يكون المقال مفيد وكل اللي مطلوب منك تعمليه وتدوقي أحلي طعم كنافة ساده بطريقة الحلواني وأنتي وشطارتك وبالهنا والشفا على قلبك ..
يمكنك قراءه هذا أيضا علي اوليكس اي تي:
ازاي نحول الطماطم لزجاجة كاتشب
