خمس أعمال صالحه يصل ثوابها الى الميت
خمس أعمال صالحه يصل ثوابها الى الميت
خمس أعمال صالحة يصل ثوابها للميت بإذن الله السلام عليكم ورحمة الله وبركاته حبايب قلبي اهلا بكم كلنا
اكيد ميت لنا حبيب او قريب او صديق او حد نعرفه وكان نفسنا ان احنا نهدي للميت ده اشياء تصل ليه فهل
فيه حاجات في الشرع بتقول انه لو احنا عملنا اعمال
صالحة وهبنا ثوابها للميت تصله ؟ايوة فيه وتعالوا نتعرف عليها
خمس أعمال صالحه والعمل الاول
الدعاء والاستغفار ربنا سبحانه وتعالى قال والذين جاءوا من بعدهم يقولون ربنا اغفر لنا ولاخواننا الذين سبقونا
بالايمان ولا تجعل في قلوبنا غلا للذين امانوا ربنا انك
رؤوف رحيم يعني ربنا سبحانه وتعالى بيعلمنا ان ميتنا يصل اليه الدعاء والاستغفار.
وميتنا هنا هو حد احنا بنحبه ونحب ان نستغفر له ونطلب له المغفرة والعفو يعني مش لازم يكون من
قريبي يعني ولا من حبايبي ولا اعرفه حتى معرفة شخصية وبالعكس كل ما دعينا للناس ربنا سبحانه
وتعالى يسر لنا اللي يدعي لنا والدعاء والاستغفار للميت
بيبدأ من اول ما روحه تقبض قال صلى الله عليه وسلم اذا صليتم على الميت فاخلصوا له الدعاء.
يعنى الاول الصلاة اهو هنبدأ ندعيله ونستغفره ومن تمام الدعاء والاستغفار للميت كمان يبقى على القبر ومن
العادات اللي للأسف مش حلوة فينا ان احنا بننصرف
بسرعة من القبر ونسيب الميت مع انه ده احسن وقته افضل وقته اكتر وقته هو محتاج فيه الدعاء.
فاخواتي عند الوقوف على القبر نقف احنا بندعي للميت وقت طويل ما نمشيش بسرعة ولا حتى نقعد نبص
لبعض ونعزى بعض ونتكلم عن محاسن الميت وننسى الدعاء ليه وهو محتاج وقاعد مستنيه ومن تمام المحبة
والبر استمرار دعائك واستغفارك لميتك طول الوقت
فاوعى يفوت عليك يوم من غير ما تكون دعيت له واستغفرت ليه
طيب دا بينفعه ؟
اه طيب اسمع النبي صلى الله عليه وسلم قال ايه؟ قال
صلى الله عليه وسلم ان الرجل لترفع درجته في الجنة فيقول من هذا فيقال له باستغفار ولدك لك
الواحد يبقى قاعد في الجنة يلاقي درجته عماله تزيد بأعمال هو ما عملهاش فيقول له يارب رب منين دول ده
انا ميت ما بعملش حاجة فيقول له ان ابنك استغفر لك
فزدت درجات دي في الجنة فاوعى تنسى تستغفر وتدعو لميتك كل يوم
خمس أعمال صالحه والعمل التانى
العمل التاني اللي يصل للميت هو الصدقه ودي عليها اجماع علماء المسلمين في يوم من الايام جاء رجل للنبي
صلى الله عليه وسلم تقال ان ابي مات وترك مالا ولم
يوصى عنه هل اتصدق عنه? قال له صلى الله عليه وسلم نعم فهنا الدليل واضح وصريح.
الرجل جاي سأل النبي صلى الله عليه وسلم ابوي ما
اوصاش بحاجة للفقراء او المساكين اتصدق عنه? قال له
اه فيبقى اللي يقول لك انه الصدقه لا تصل للميت قل له
اه انا اسكت بس الله يبارك لك ولينا اتصدق عن ميتنا وبإذن الله الصدقة توصل له.
خمس أعمال صالحه والعمل الثالث
اما بقى العمل التالت اللي يوصل ثوابه للميت هو الحج والعمرة فكرة اني احج واعتمر عن ميتي دي فكرة
جميلة جدا والصراحة في كل عمرة بروحها والاقي قد
ايه الناس مهتمة تعمل عمرة لابوها ولامها ولاخوها
ولاختها ومن توفى منهم حاجة في غاية روعة وبر عظيم
الدليل ؟
من السُنة النبي صلى الله عليه وسلم في حجة الوداع جاءت لهم امرأة من خطعم.
خطعم دي منطقة مكان اسمه كده يعني فقالت يا رسول
الله ان فريضة الله على عباده في الحج ادركت ابي
شيخا كبيرة لا يستطيع ان يستوي على الراحلة فهل يقضي عنه ان احج عنه? قال نعم
والعلماء قالو ؟
فالعلماء هنا قالوا اذن لان الحج والعمرة عن الحي الغير
مستطيع بالاولى عن الميت هي من العبادات التي يصل
ثوابها الى الميت باذن الله فلو ربنا سبحانه وتعالى مَن عليك بالحج او العمرة
لكن على شروط فما هى ؟
ان تكون انت شخصيا حجيت قبل كده او اعتمرت قبل كده ومش لازم في نفس السفرية يعني فرضا انا
اعتمرت السنة اللي فاتت وطالع عمره السنة دي فمش
لازم خلاص اعتمر عن نفسي الاول بكى اعتمر عن ميتي لا ممكن اعتمر عن ميتي على طول
انا مثلا حجيت السنة اللي فاتت وحابب احج عن ابي او
عن امي السنة دي ينفع اينفع. طيب اشارت انك تكون
حجيت اصلا او اعتمرت وربنا سبحانه وتعالى يتقبل منه وباذن الله ثواب يصل الى ميتنا.
خمس أعمال صالحه والعمل الرابع
اما بقى العمل الرابع وهو عمل في غاية الاهمية وركزوا معي كويس فيه هو قضاء ما عليه من حقوق لله او
للعباد زي ايه فهمني يعني لو عليه صيام لو عليه ندر لو عليه دين لو فيه حد هو يعني ما بينهم حقوق والحد ده
مش مسامحه ساعتها ولي هذا الميت اللي بيحبه اللي متعلق بيه يحاول يشيل عنه الحاجات دي
خمس أعمال صالحه يصل ثوابها الى الميت
يعني لو فرضنا ان واحد عليه صيام من رمضان هو كان صحيح سليم فطر لاي سبب وما الحقش انه عوض
الايام دي على سبيل المثال مثلا ام او اخته كان عليهم الحيض. ففطرت وربنا سبحانه وتعالى توفاها قبل ما
تقضي هذه الايام هو يعمل ايه? يصومها عنها قال صلى الله عليه وسلم من مات وعليه صيام صام عنه وليه مش
بس بقى الصيام احنا كمان نقضي عن ميتنا الدين النبي
صلى الله عليه وسلم مرة جات جنازة كده فسأل اهل
عليه من دين? فقالوا لا فالنبي صلى الله عليه وسلم صلى عليه جات جنازة تانية فقال هل عليه من دين?
فقالوا نعم فالنبي صلى الله عليه وسلم قال صلوا على ميتكم وما صلى شهو عليه فاحد الصحابة قام وقال يا
رسول الله خلاص ده دينه علي فالنبي صلى الله عليه وسلم قبل وصلى على الميت.
يبقى من الاعمال اللي في غاية الاهمية ان احنا نسد
الدين عن الميت وحد يتحمل عنه من اولها كده على
طول مات يقول خلاص دينه علي يا جماعة وعلى فكرة
مش لازم يكون حد من قريبه ممكن يبقى صديقه حبيبه حد معارفة.
وبعد كدا ؟
وبعد كده ننظر بقى في تركة الميت والله فيها اللي يسد الدين يبقى نسد الدين اولا وبعد كان وزع الترك طب
فرضنا ان هو ما سابش تركه مفيش حاجة تسد الدين
خلاص اللي يسده عنه ربنا يجزي خير وكلنا محتاجين اللي يساعدنا في وقت الموت
ومش بس الدين وكمان لو علي ندر سيدنا ابن عمر جات
له واحده قالت ان امها ندرت انها تصلي في مسجد قباء
وماتت قبل ان تصلي سيدنا ابن عمر قال لها فصلي عنها
يبقى لو علي ندر لا يغضب الله عز وجل ان في ناس
بتندر حاجات عجيبة ولاعزه بالله نقضي عنه الندر ومافيش مشكلة
ومن المهم قوى ؟
ومن المهم قوي بقى في اهمية كل اللي فاته دول ان احنا نروح للي مبينه ومابينهم حقوق وما سامحوهش
عليها نشوف بقى هو عمل ايه وازاي نرضيهم ونحاول
معاهم لغاية ما يرضوا عنه ويسامحوه وده يا جماعة من
تمام البر وديه الحاجات اللي تصل للميت ربنا سبحانه وتعالى يغفر له بيها باذن الله.
خمس أعمال صالحه والعمل الخامس
اما بقى خامس عمل يصل للميت باذن الله هو باقي الاعمال الصالحة من قراءة قرآن وذكر وصلاه نافلة
وصيام نافلة وان احنا نهب ثواب اللي احنا عملنا ده للميت او شيء من ثواب ده للميت فهل ده يصل للميت
في كثير من علماء المسلمين قالوا نعم يصل للميت باذن الله بصوا في حاجة حلوة اوي اصلا ان احنا كده كده
اعمالنا الصالحة كابناء في ميزان ابائنا وامهاتنا من غير ما ننوي حاجة
وده ليه بقي؟
لانه الى ربانى واللي اشتغل على شخصيتي واللي خلاني عندي شيء من الدين وعلمني وخذ بايدي هو
ابي او امى والنبي صلى الله عليه وسلم قال ان اطيب ما اكل الرجل من كسبه وان ولده من كسبه يعني انا من
كسب ابي وامي فبالتالي كل اعمالي في ميزان حسناتهم باذن الله.
الدليل ؟
طب نيجي بقى للدليل انه قراءة القرآن والذكر وصلاة النافلة وصيام النافلة ممكن يوصل للميت اسمع كلام
شيخ الاسلام ابن تميم قال رحمه الله تعالى وقد صح
عن النبي صلى الله عليه وسلم انه امر بالصدقه على
الميت وامر ان يصام عنه الصوم فالصدقه عن الموت من الاعمال الصالحة.
وكذلك ما جاءت به السنة في الصوم عنهم وبهذا وغيره احتج من قال من العلماء انه يجوز اهداء ثواب العبادات
المالية والبدنية الى اموات المسلمين كما هو مذهب احمد وابي حنيفة وطائفة من اصحاب مالك والشافعي
فاذا اهدى لميت ثواب صيام او صلاة او قراءة جازة
يعني يا جماعة الرأي ده رأي قوي مش ضعيف ان احنا
لو اهبنا للميت ثواب قراءة القرآن او الذكر او صلاة
النافلة او صيام النافلة باذن الله يصلوا الثواب.
أخيراً
يعني ما عندناش حج ويا سلام على الاسلام اللي بيعلمنا انه البر والصلة مستمرة حتى بعد الموت مش الناس اللي
بتقطع صلة ارحمها وتقطع ابوها وامها ويقاطع خالته
وعمته ويقاطع صديقه وحبيبه والناس اللي بتقاطع
بعض في حياتها والاسلام بيقول لهم ده بعد الموت الصلة مستمرة.
فخلونا نشتغل ونهب الى اموتنا هدايا وثواب يصلهم
باذن الله وربنا سبحانه وتعالى بعد طول عمر وحسن
عمل يسهل لنا احنا اللي يقف معانا في موتنا ويهب الينا ثواب ما عملناهوش والسلام عليكم ورحمه الله وبركاته
ويمكنك الاطلاع على هذا المقال أيضا
خمس معلومات للثباث على الصلاه مدى الحياه
