جوجل جيميني أي هو ومميزاته !
جوجل جيميني أي هو ومميزاته!
جوجل جيميني:
لو لسه معرفتش جوجل عملت ايه.
تعالى أققولك بسرعة انت عارف ان جوجل غيرت أسم خدمة الذكاء الاصطناعي بتاعها Bard.
اللي هو جوجل Bard للنموذج اللي الخدمة كانت قائمة عليها أو معتمدة عليها.
اللي هو جيميناي طب يعني ايه الكلام ده ؟
يعني الخدمة والنموذج اللي الخدمة بتعتمد عليها بقوا واحد ألا وهو جيميني مين جيمينى ده بقا ؟
جوجل جيميني أي هو ؟
جوجل جمينى ده حكاي هو مستقبل الذكاء الاصطناعي اللي هيغطي على كل حاجة موجودة ليها علاقة بالذكاء الاصطناعي.
يعني هو خلاص كده هياخد اللقطة وهقولك ليه؟
جوجل جيمينى ده يا سيدي بيتفرع منه تلت نماذج صغيرة جوه الخدمة الكبيرة دي وهما.
جوجل جيميني وفروعه ؟
واحد: جيميني نانو وده للمهام البسيطة خالصة اللي مفيهاش أي تعقيد .
رقم اثنين: عندنا جيميني برو وده للمهام متوسطة التعقيد.
بعد كده بقى
رقم ثلاثة: عندنا جيميني ألترا التوب بتاعهم وده الكارت الكسبان بتاعنا.
أعتقد إنك كدا استشفيت إن جيميني نانو ده حاجة كده شبه إن هو مش مفيد بس منقدرش نقول ده
لإن أكيد فيه ناس بتستخدمه خصوصاً في الأجهزة الصغيرة الأجهزة المحمولة الهاتف المحمولة.
بس خدمة جيميني اللي حلت محل بارد بتعتمد على حاجتين جيميني برو وده مجاني مش بيحتاج مقابل مادي لاستخدامه.
وبتعتمد برضه على جيميناي ألترا وده بقى بمقابل مادي يعني ليه أشتراك شهري وده اللي بتسميه جوجل دلوقتي جيميني أدفانست.
خليني أقولك بقى إن شركة جوجل بشكل مباشر بتنافس شات جي بي تي .
مش كده وبس دي عشان تتقدم على كل أدوات الذكاء الاصطناعي الموجودة عملة أبليكيشن تقدر تنزله على الموبايل .
مش مجرد صفحة ويب بتدخلها من المتصفح بتاعك طب هتقولي إيه الفرق ما بين المجاني والمدفوع ؟
جوجل جيميني المجاني والمدفوع والفرق بينهم ؟
اللي هو المجاني الجيميني برو والمدفوع اللي هو جيميني أدفانست .
هقول لك إن المجاني هينفذلك مهام عادي بس مش مهام صعبة معقدة.
يعني هيقدم لك خدمات بس مش خدمات تقيلة أوي .
زي البرمجة أو إنه يديك خطة تفصيلية للمشروع.
لكن في المقابل لما بتشترك في جيميناي أدفانست فإنت بتحصل على مميزات ما كنتش تتخيلها .
غير إنه كمان لما بتشترك في جيميني أدفانست بتاخد 2 تيرا بايت تخزين جوجل درايف.
وكمان بتقدر تستخدم خدمات جوجل ميت المتطورة من تسجيل الميتينج وأدخال لحد 100 شخص في الميتينج ومدة الميتينج بتوصل لـ 24 ساعة.
وكمان إنك تعمل لايف يوتيوب من داخل الميتينج نفسه.
وبرضو خلينا نقول إن جيميني أصلاً مصمم عشان يعالج ويفهم كل المدخلات سواء كانت نصوص أكواد صوت صورة فيديو يعني حرفياً كل حاجة موجودة في الحياة.
كمان هو مش بيقدملك حلول وأشياء خيالية لا ده بيقدم لك حلول إبداعية وحجج منطقية.
جوجل جيميني ومميزاته ؟
أول حاجة: هو يقدر يترجملك كل حاجة ممكن تحتاج ترجمة سواء كانت نصوص أو تطبيقات أو ملفات أو فيديوهات أو حتى مواقع كاملة أي حاجة محتاجة ترجمة.
وده طبعاً مش موجود في شات جي بي تي يعني شا جي بي تي أخروا بتسألوا ويرد عليك والموضوع مقتصر على النصوص العامة بشكل عام يعني.
رقم اتنين: هو ممكن يقدم لك أي نوع من أنواع المحتوى سواء كان إبداعي زي القصص أو تسويقي زي الإعلانات أو تقني زي كتابات التعليمات بتاعت الأجهزة .
رقم ثلاثة: جيميني كمان ممكن يقدم لك إجابة لأي سؤال يقف قدامك بكل دقة وكمان بيقدم لك معلومات محددة ومجمعة من كذا مصدر .
يعني بيقدم لك الخلاصة وبدون تطويل وفي نفس الوقت المعلومات أغلبها صحيحة ودقيقة.
أربعة: كمان جيميني بيلخصلك أي محتوى سواء كان مقال نص كتاب أبليكيشن أي شيء انت عايزه.
خمسة: من مميزاته برضو انه بيصححلك الأخطاء اللي ممكن تحتوي عليها المدخلات بتاعتك وبيحسنلك أسلوب الكتابة بتاعتك لو فيها ضعف أو حاجة زي كده .
بلإضافة إلي :
رقم ستة: لو عندك معلومات وشاكك فيها هو بيتأكدلك من صحة المعلومات دي.
رقم سبعة: مش بس كده ده كمان انت تقدر تدخل له أي تسجيل صوتي ويدهولك نص مكتوب بالإضافة لميزته في تصحيح الأخطاء .
فكده انت هتستلم شغل عشره على عشره.
رقم تمانية: خد الكبيرة دي بقا انت كمان تقدر تدخله كلام مكتوب وهو يخرجهولك ملف صوتي سواء كان بصوت بشري أو آلي أو غيره.
رقم تسعة: كمان هو بيقدم لك أي شيء ليه علاقة بالبرمجة سواء كانت تصميمات برمجية أو كتابات برمجية باللغات مختلفة.
زي كتابة التعليمات البرمجية أو الوثائق أو التطبيقات.
عشرة: بيقوم كمان بمهمة تحليل البيانات أين كان نوعها وبيخرج منها المعلومات وكمان بيقدم لك تقارير.
إحدى عشر: كمان جيميني بيقدر يعمل المكالمات حسب معالج شركة جوجل .
اثنى عشر: وكمان تقدر من خلاله تتحكم في أجهزة البيت وانت قاعد في مكانك .
ثلاثة عشر: غير كده فجيميني يقدر يعملك محتوى مشوق لأي شيء انت عايزه يعملك بريزنتيشن يعملك تصميم فيديو كل شيء ممكن تتخيله .
يعني انت ممكن من خلال جيميني توفر على نفسك تفكير كتير ووقت بالهبل .
يعني أنت بس هتدخل محتوى ما وتستنى بقى الشكل النهائي للحاجة دي .
وعلى الفكرة شركة جوجل سايبه فرصة للتجربة المجانية لمدة شهرين.
جوجل جيميني وأشتراكه :
بعد كده بتشترك باشتراك قيمته 19 دولار 99 سنتي اللي هو 20 دولار يعني في الشهر.
كمان اللغات الخاصة بيه مقتصرة لحد الآن على الانجليزي بس يعني بس في نية للتسوع في اللغات اللي هتبقي موجودة يعني ان شاء الله .
يعني كمان جيميني متاح لحد الآن في 150 دولة حول العالم.
متخيل احنا وصلنا فين !
تفتكر الذكاء الاصطناعي ممكن يلقي وجودنا ويستحوذ على كل حاجة ويخلي الحاجة للإنسان ضعيفة ولا هيفضل العنصر البشري ليه لمسته ورونقه على كل حاجة شوف انت وقولي .
سلام
يمكنك أيضاً قراءة هذا المقال علي موقع أوليكس أي تي:
تعلم سيو من الصفر بطريقة بسيطة
