تصميم لوجو وانواع اللوجوهات كم نوع ؟
تصميم لوجو
تصميم لوجو ومعلومات مهمه لازم لازم تعرفها
انواع الشعارات و امتي تستخدم كل نوع !
اهلا بكم ويرب تكونوا بخير موضوع المقال انهاردة مهم جدا واعتقد اغلبكم محتاج يعرفه عشان هيتسأل عليه كتير .
هنتكلم في المقال ده عن انواع الشعارات او اللجوهات.
طب انا لو عرفت انواع الشعارات ايه اللي هستفادوه؟
او هل لو عرفت انواع الشعارات هتسهل عليا عملية التصميم وإيجاد الأفكار ؟
بص يا سيدي احنا هنعرف انواع الشعارات واستخدامات كل نوع منهم .
وبالتالي لما تعرف أنواع الشعرات وكل نوع من الشعارات امتى تستخدمه هتعرف تتحاور مع العميل وتقنعه بالشعار المناسب للبراند بتاعه.
وغير كده العميل هيحس أن أنت فاهمه .
وبالتالي هيثق فيك بعد كده.
ولو عرفت أنواع الشعارات هتسهل عليك إيجاد الأفكار وعملية التصميم.
انت لو عرفت انواع الشعرات كويس وعرفت كل النوع بتستخدمه امتى فأنت كده سهلت على نفسك كتير خلاص .
تصميم لوجو
وهتكون كمان أنت حصرت افكارك في حتة معينة ونوع معين وبالتالي مش هتكون مشتت وبكده هتسهل علي نفسك وقت ومجهود وإيجاد الأفكار .
أنواع الشعارات :
أحنا عندنا سبع انواع للشعارات يلا بينا نتعرف عليهم ونعرف استخدامات كل نوع منهم .
اول نوع: من انواع الشعرات هو الأبستركت لوجو وده زي لوجو بيبسي وبيكون عبارة عن علامة مجرده بنستخدمها عشان نعبر عن مفهوم معين.
ومش لازم يكون الشكل او العلامة دي بتعبر على البراند بالمعنى الحرفي.
بكل بساطة بتكون عبارة عن علامة أو شكل بسيط عشان يثبت في عقول الناس وذهنهم يربط الشكل ده بالمنتج أو البراند الخاص بالشركة .
وميزة النوع ده من اللوجهات انه بسيط ومختصر جدا ولكن الميزة دي ممكن تكون عيب في بعض الحالات.
زي مثلا لو عميل لسه عامل مشروع وعاوز يعمل لوجو ومينفعش يكون ابستركت عشان انت لسه بادئ وعاوز تعرف الناس على المشروع او البراند بتاعك .
فبالتالي يفضل يكون اللوجو يحتوي على الاسم مش العلامة بس .
طب امتى هستخدم او أرشح اللوجو الابستركت للعميل.
مثلا لو العميل عنده مشروع أو براند والناس عارفاه بس هو عاوز يطور او يعدل في الهوية البصرية.
في الحالة دي بيكون الأبستركت لوجو أنسب خيار.
تصميم لوجو ومثال عليه
وأنسب مثال على كده شركة اديدس في البداية كان شكل اللوجو يحتوي على الاسم ولكن بعد البراند ما تعرف اللوجو بقا شكل بس بدون اسم .
النوع التاني: كده الموسكوت لوجو هو بيكون عبارة عن رسمة لشخصية معينة لها دلالة على البراند .
يعني ببساطة الشخصية المرسومة بيكون لها علاقة بالبراند او بالمعنى الحرفي او المُعنى .
والبراند يعني مثلا كنتاكي الرسمة لها رابط معنوى مع البراند.
لكن لوجو زي شركة Rabbit لها دلالة حرفية لانها متخذة من الأسم .
طب امتى استخدم اللوجو ده ؟
بنستخدم اللوجو ده لما يكون اسم البرند ليه دلالة عن شخصية معينة ان كان حيوان او إنسان او جماد او البراند ده ليه قصة معينة.
والقصة دي ليها شخصية مؤثرة فممكن نستخدمها وهكذا.
النوع الثالث: اللي هو الكمبينيشن لوجو والنوع ده بيكون عبارة عن الاسم مع الرسمة او الشكل .
زي مثلا بيرجر كينج او دوريتوس ومش لازم يكون الاسم متداخل مع الرسمة والنوع ده بنستخدمه لما يكون البراند لسه جديد ومش معروف للناس.
زي ما قولنا في لوجو اديداس كان في البداية كمبينيشن لوجو تم تغيره بعد البراند متعارف لإبستركت لوجو.
النوع الرابع: الأمبليم لوجو الشعارات دي في الغالب بتكون عبارة عن إطار يحتوي الإسم جواه لان الشعارات دي في الاغلب بتكون لحاجة بتدل على community والترابط.
زي مثلا شعارات أندية كرة القدم او الجامعيات الخيرية او جروبات الجامعة وهكذا .
تصميم لوجو:
النوع الخامس: الليتر لوجو والشعار هنا بيكون عبارة عن حرف او أكتر اختصار لأسم البراند زي مثلا فيسبوك اختصرناه في حرف الأف وده بنستخدمه لما يكون اسم البراند طويل.
النوع السادس: كده البكتوريا لوجو وهو عبارة عن شكل معروف او مألوف زي مثلا لوجو تويتر عبارة عن رسمة العصفورة ودي حاجة معروفة ومألوفة عند الناس.
طب كده انت هتقولي ايه الفرق بين الابستركت لوجو والبكتوريا لوجو ما الاتنين عبارة عن رسمة او شكل !
هقولك فيه فرق وهو ان البكتوريا لوجو هو عبارة عن رسمة او شكل معروف للناس زي مثلا آبل وتويتر وهكذا رسومات معروفة عند الناس.
ولكن الأبستركت بيكون عبارة عن شكل أو رسمة شكلها ملفت بس يعني لو سألت واحد وقلت له الرسمة دي عبارة عن ايه مش هيعرف بس هي شكلها حلو وملفتة للنظر.
وده الغرض من اللوجو .
النوع الأخير: وهو أفضلهم هو الورد لوجو زي مثلا لوجو Zara أو جوجل .
وزي برضو لوجهات الخط العربي واللوجوهات دي السهل الممتنع هتقولي ازاي ؟
اللوجوهات دي سهلة وبسيطة ومريحه للعين وفكرتها بسيطة.
بس صعب تقنع العميل بيها بالأخص لو العميل معندوش خلفية عن انواع الشعارات وطبيعة الشعارات .
وبكده عرفنا السبع أنواع للشعارات وطبيعة كل نوع .
والسلام عليكم ورحمه الله وبركاته
يمكنك أيضاً قراءة هذا المقال علي أوليكس اي تي:
تحليل البيانات وأزاي تقدر تجيب شغل منه
