الميديا باير ما هي وظيفته ومتخصص سوشيال ميديا ؟
الميديا باير
الميديا باير وما هي ظيفته وايه الفرق بينه وبين متخصص السوشيال ميديا؟
يعني ايه ميديا باير؟ ويعني ايه سوشيال ميديا سبيشياليست؟ وايه الفرق بينهم؟
انا هجاوبك الاول الاجابة الاكاديمية اللي لو سألت اي حد على جروبات السوشيال ميديا.
او اي حد شغال في مجال التسويق الالكتروني هيديك الاجابة دي.
ولكن بعد كده انا هديك الاجابة الواقعية والمنطقية.
الإجابة الكلاسيكية بتقول ان الميديا باير هو الشخص المسؤول عن عمل الاعلانات الممولة على جميع منصات السوشيال ميديا .
بالاضافة لتحليل النتائج طبقا للنتائج اللي طلعت لك من الاعلانات الممولة .
يعني حضرتك كميديا باير انت مسؤول ان انت تعمل الاعلانات الممولة على فيسبوك، على انستجرام مثلا، على تيك توك، على سناب شات، على تويتر، على جوجل.
يعني وفي الاخر انت مهمتك أن أنت تعمل الاعلانات الممولة وانك انت تستهدف العملاء من الاعلانات الممولة.
وإن انت تحلل نتائج الاعلانات الممولة ده دور الميديا باير.
الميديا باير ووظائفه ؟
يعني ان هو الشخص اللي مسؤول عن الاستراتيجية الكاملة وهو اللي بيشغل من تحته الميديا باير وبيشغل من تحته كاتب المحتوى اللي بيكتب البوستات الأورجانيك .
مثلا على صفحة الفيسبوك وبيشغل من تحته الجرافيك ديزاينر او لو معاهم كمان موشن جرافيك ديزاينر بيعمل فيديوهات موشن جرافيك فهو اللي بيدير اللعبة دي.
طيب ده الكلام اللي بيتقال هل الكلام ده واقعي؟
انا اسف ان انا اقولك ان الكلام ده غير واقعي ومن الاخر بقى كده علشان خاطر الناس اللي بتاعت تكبر من المواضيع وبيتكلموا بشكل غير واقعي .
الكلام ده بيبقى واقعي في حالة واحدة بس لو حضرتك رايح تشتغل في شركة سوشيال ميديا او ميديا باينج او شغل شركة اعلانات او شركة تسويق كبيرة .
ومسكه اكونتات كتير وعندها حجم شغل كبير وشغلها جوه مصر وبرا مصر.
فبالتالي بتبدأ تقسم المهام على الموظفين
الميديا باير في الشركات الصغيره !
ولكن فعليًا في الشركات الصغيرة او الشركات المتوسطة.
او في شغل الفريلانس انا بالنسبالي بقول ان السوشيال ميديا specialist هو هو الميديا باير .
لانك انت اصلا عشان تبقى ميديا باير شاطر وعشان تعرف تعمل الاعلانات الممولة وعشان تعرف تحلل نتيجتها ما لازم تكون انت المدير الفني اللي حاطت الخطة الكاملة.
اما انت ازاي هتشغل اللعيبة وبناء على ايه هتعمل الاعلانات الممولة بتاعتك وانت اساسا مش حاطت الخطة اللي انت هتلعب بيها يا معلم .
ده انت اساسا البلايميكر انت اساس اللعبة انت اللي هتحرك اللعيبة انت كابتن الفريق انت اللي هتقول للمهاجم اطلع لي عشان اديك السرو باص.
ازاي بقا ؟
انا ميديا باير ابقى جزء زي زي اي واحد في الفرقة عادي.
انا من وجهة نظر الشخصية التي لقيمة لها الميديا باير هو هو هو المفروض اللي يدير اللعبة دي يعني هو اللي مفروض يكون معاه كاتب المحتوى اللي هكتب له البوستات الأورجانيك.
لانه هو اللي عارف هو هيعمل الاعلانات الممولة ازاي بعد كده فهو اللي هيقول للراجل اللي هيشتغل له الأورجانيك بوستس وهيكتب له المحتوى بتاعت البوستات الأورجانيك.
او هيعمل له المحتوى بتاعت فيديو موشن اللي اساسا هيتمول لازم اصلا يكون شغال بدماغه الميديا باير لان في الاخر اللي بيتحاسب على الليلة دي كلها وبيشيل المشاريب هو الميديا باير .
العميل في الاخر لو عملت له كل حاجة حلوة والاعلانات الممولة مجابتش نتيجة
هيمسك في مين؟
الميديا باير لو التصميمات كلها جميلة وحلوة وممتازة وفي الاخر الاعلانات الممولة مجابتش نتيجة مين اللي هيتأذي الميديا باير.
فمن الاخر انا من وجهة نظر الشخصية التي لقيمة لها ان المفروض هو الميديا باير مش مجرد ان انا اقسم الوظيفتين علشان خاطر الميديا باير يبقى ماسك اللعبة.
والميديا باير بس مهمته انه يعمل الاعلانات الممولة في الاخر انا من وجهة نظري ده ميحصلش او فعلياً مبيحصلش الا في الشركات الكبيرة واللي عندها عدد اكاونتات كبير جدا .
واللي غالباً بتشتغل برا مصر وجوه مصر ودي شركات فعلاً عددها مش كبير عددها قليل جدا .
وغالباً الشركات اللي بتشتغل بالطريقة دي زي ما قلتلك من شوية انها بتعمل ده توفيراً للوقت مش اكتر ولا اقل.
لكن فعلياً طالما انت قررت ان انت تخش في مجال السوشيال ميديا او مجال التسويق الالكتروني.
وعايز تبقى مسوق الالكتروني فانت المسمى الوظيفة بتاعك الحقيقي او الفعلي هو ميديا باير او سوشيال ميديا specialist.
الميديا باير مصطلحه جاي منين ؟
الموضوع ببساطة شديدة ان المنصات الاعلانية زي الفيسبوك والانستجرام مثلاً على سبيل المثال ما بدأوا يطوروا في الحسابات الاعلانية بتاعتهم .
بدأ يحطلك كده سؤال وانت بتكاريت الحساب الاعلاني بشكل او باخر .
يعني يدولك خيار او سؤال أن هو يقولك هل حضرتك هتعمل الاعلانات دي لحسابك الشخصي ؟
لنفسك يعني للبزنس بتاعتك ؟
ولا انت ميديا باير ؟
يعني هتعمل الاعلانات الممولة لحساب الاخرين فاللي حصل انه حلو او بقى الناس بتاعتي التسويق بقى قالت نستغل الموضوع ده.
فقال لك نكبر من المواضيع فنخلي فيه حاجة اسمها social media specialist وحاجة اسمها ميديا باير.
والله الكلام ده كله اي كلام ليه بقا ؟
يعني اي اصلا social media specialist يبقي تحتيه ميديا باير وgraphic designer
وmotion graphic designer وcontent creator .
والميديا باير بس مهمته انه هو يعمل الاعلانات الممولة وملوش دعوة بقى الاعلانات الاورجانيك بتتكتب ازاي ؟
ولا الصور اللي أو التصاميم الجرافيك اللي المصمم بيعملها بتتعمل ازاي ولا طلعت كويسه أو لا ؟
طبيعي يعني تكون مهتمته يعمل إعلان ممول بس دا كلام !
هل طبيعي أن نتيجة الأعلان الممول تكون متوقفة بس علي الاستهداف أو علي متابعة الإعلان اكيد لا !
أساسها هو المحتوي اللي هعمل بيه الإعلان والتصميم بتاع الإعلان كلها حاجات مهمه عشان تقدر تعمل اعلان كويس يجيب نتائجه .
وفي النهاية شكراً لكم والسلام عليكم ورحمه الله وبركاته
يمكنك أيضاً قراءة هذا المقال علي أوليكس اي تي:
التقدم التكنولوجي وشغل من خلاله
