الكوبي رايتنج وأزاي تقدر تتعلمه وتكتب إعلان !
الكوبي رايتنج وأزاي تقدر تتعلمه وتكتب إعلان !
الكوبي رايتنج :
من عشر مجالات Copywriting فخلينا نسميها كتابة السوشيال ميديا .
لأنها دي الأشهر لأن كل الشركات في العالم تقريباً عندها صفحة او حساب .
ودا لأن كل مؤثر حقيقي عنده صفحة أو حساب
ولأن غالبية الكوكب عنده برده صفحة أو حساب
وأهم من كل دا أن أي حد عنده حساب بيكتب علي بروفايله.
فهو بيمارس content writing أو Copywriting من غير ما يحس.
وده مش معناه الكوبى رايتنج سهل لكن اللي عايز اقوله ان الكوبى رايتنج في حياتنا في كل حاجة حوالينا.
وعشان تبقى كوبي رايتنج حقيقي على السوشيال ميديا او كوبي رايتر في العموم .
النهاردة هنتكلم عن السوشيال ميديا طبعا
محتاج شوية خطوات تحسن بيها اسلوب الكتابة والعرض والنهاردة هنتكلم عن حاجة منهم.
وهي ازاي تكتب اعلان للسوشيال ميديا !
الكوبي رايتنج وأزاي تكتب إعلان ؟
الترافيك او عمليات الشراء بتحصل عن طريق 3 مصادر الاورجانيك وده غير المدفوع اللي جايه من صفحتك أو من موقع تاني.
Word of mouse و اتنين الريفيرول وده اللي جايه من الافيليشن مثلا.
تلاتة المدفوع وده لما الشركات بتعمل اعلانات مدفوعة او حتى حملات اعلانية كاملة.
فيها ايميل ماركتينج واعلانات في المواقع وبوستات ممولة وفيديوهات على السوشيال ميديا.
كل الباكيدج يعني فكر كده ايه السبب الاول اللي بيخليك تفتكر اعلان وتنسى التاني .
الكوبي او محتوى الإعلان ازاي مكتوب وايه الرسالة اللي بيوصلهالك لذلك لو الرسالة دي مش واضحة او مكتوبة بطريقة مش مناسبة ليك بتنسى او بتتجاهلوا كلياً .
الكوبي رايتنج وأول عنصر في الاعلان :
وهو أول سطر في الاعلان واللي بيخليك تبتسم من جواك تهتم أو تتصدم أو يخليك تسأل نفسك سؤال فتروح للسطر اللي بعده.
لذلك السطر ده مهم اوي ولازم تاخد وقتك في كتابته واهم حاجة فيه ان يكون اقل من 120 حرف .
يعني مجموعة الحروف في الجملة دي تكون اقل من 120 وده مهمة صعبة وعايزة تدريب كتير .
لذلك وحاجة سريعة كده حاول تعمل حساب على تويتر فيه ناس كتير طبعا تقولك انا مبعرفش استخدمه زيه زي فيسبوك بالظبط بس ميزتو انه هيعودك تكتب محتوى قصير ومحكوم بعدد الحروف .
الكوبي رايتنج والجزء الثاني من الاعلان :
هو المجمل اللي في النص بقى وده اللي فيه الفكرة أو الرسالة اللي عايز توصلها للي بيقرأها واللي بيبقى فيها تفاصيل السطر الأول أو بتجاوب التساؤل اللي جه في دماغك لما قريته .
بس خلي بالك مهمة كل سطر في المحتوى انه يخليك تقرأ اكتر واكتر وممكن يفتح تساؤل ثاني وثالث يتجاوب عليه في كل سطر.
والمحتوى بيتحكم فيه شوية حاجات.
أولها واهمها نوع الـ Audience اللي أنت بتكلمه وده لازم يتحدد قبل ما تكتب الاعلان.
يعني هل بتكلم حد ميعرفش الموضوع خالص ولا حد عنده المشكلة بس بيدور على حل ولا حد عنده المشكلة وعارف الحل بس المشكلة أنه محتار بين مزودي الحلول.
ولا اللي يعرف كل ده بما فيهم الحل اللي عندك وعايز تقنعه يشتري !
ولا اللي كل ما سبق ومش محتاج تقنعه اللي هو بص الزرار أهو دوس عليه .
وده بقى هو Targeting or Retargeting .
الكوبي رايتنج والنوع الأول:
النوع الاول لازم تعرفه بالمشكلة وتحسسه باهميتها.
والتاني بتعرفه ان عندك الحل وتخليه يكون عنده ثقه في كدا !
التالت لازم تعرفه اللي أنت مميز عن الحلول التانيه.
والرابع بقا بتقوله احنا عشرة ولو أشتريت دلوقتي هعمل معاك واجب.
والخامس بتقوله انت عارفني مش هتضحك عليك يعني دوس هنا وهتتبسط .
الكوبي رايتنج و تالت جزء في الاعلان :
واللي هو بعد المحتوى هو ال-CTA او ال-Call to Action
او الدعوة لإجراء اللي هو انت خلصت كل اللي عندك وبتقوله اشتري او أدخل على الموقع او سجل .
وده من رأيي ماينفعش يبقى مباشر لكن لازم يخلق تساؤل جديد يشجع اللي بيقرأ عشان يدوس على اللينك.
وافضل-CTA هو اللي بيوفر معلومات أكتر أو تجربة مجانية.
رابع عنصر هو جزء التصميم الصورة بتاعة الإعلان مش اي لون عليه صورة وكلمتين يبقى كوبي لسه محتاج شويه حاجات
وده أنت ممكن تكون مسؤول عن جزء منه هو التكست اللي عليه او كله لو هتصممه بنفسك وغالبية الشركات الكبيرة المحترمة بتصمم الصورة بنفسها.
لان بتبقى aligned مع الماسج والالوان بتاعتها وكل حاجة.
فخلينا نتكلم على النص اللي على الصورة لازم تراعي فيها شوية حاجات.
اولهم نسبة الكتابة للصورة وهتلاقي خلي التكست قصيرخ قصيره قوي وفيها-CTA .
الجزء الاخير اللي بعض الصورة هو اللينك عارف انت لما بتحط post على فيسبوك فيه لينك فبيظهر لك عنوان اللينك ووصف الصفحة.
لازم تخلي عينك على اللي بيظهر ده وتتأكد ان التكست اللي بتظهر بتقول كلام جديد عن اللي انت كتبته في الhook والbody والCTA .
والصورة يعني ميبقاش كلام مكرر ولو لقيت الكلام مكرر يبقى لازم تكلم العميل اللي انت شغال معاه وتعرفه بالموضوع ده عشان يغيره الـtitle بتاع الصفحة وشوية حاجات كده
يمكنك أيضاً قراءة هذا المقال علي أوليكس اي تي:
التسويف وزيادة الإنتاجية نصائح مهمه جدا
