الفريلانسر وأزاي تقدر تجيب شغل منه ؟
الفريلانسر وأزاي تقدر تجيب شغل منه ؟
لو أنت لسه داخل مجال الفريلانسر ممكن تكون بتفكر أنك بقالك فترة داخل المجال ولسه مجالكش اول شغل.
أنا أول شغل جالي في مجال الفريلانسر كان بعد الشهرين .
ودلوقتي أنا بلاحظ ان في شوية خطوات كده كانت ممكن تساعدني أن أنا اوصل لأول شغلانة ليا بوقت أقل.
هنتكلم بقى عن الخطوات دي في المقال ده.
السلام عليكم ورحمه الله وبركاته.
كتير من الفريلانسنج الجديدة اللي بتدخل المجال في الاول بيلاحظوا أن هما بينافسوا على مالكة المجال .
اللي اصلا عندهم تقيمات وشغل كتير وفجأة يحبطوا ويسيبوا المجال كله .
انا برضو مريت بالفترة دي في الأول لحد ما عرفت ازاي اكتب عرض شغل أو بروبوزل او بيدنج بالخطوات المظبوطة.
والخطوات اللي هنتكلم عنها هتمشي على اي موقع فريلانسنج سواء خمسات أو أي موقع فريلانسنج هتلاقي الخطوات دي بتجيب نتائج.
وأنا أوعدك لو مشيت على خطوات دي هيجيلك شغل على طول .
وخلي بالك كل خطوة هنتكلم عنها ممكن تكون الفارق ما بينك وما بين أول شغل يجيلك في مجال الفريلانسنج
بالنسبة لي اخر خطوة هي اللي نفعت وجابتلي أول شغل ليا في مجال الفريلانسنج .
الفريلانسر وأول نقطة:
متستخدمش أستنبه أو جمل او كلمة معينه او تمبليت وتقدم بيه على الوظائف وبعدين تستغرب العميل ليه مش بيرد عليه
ممكن تكون اخذ الجملة دي من اقوى فريلانسر ودايما بيقولك عمرها ما خيبت واي عميل بيتبعتله الاصتنبه دي بيرد عليه على طول.
الفكرة ان الأصتنبه دي ممكن تكون شغالة معاه ولكن مش هتشتغل مع اي حد تاني.
علشان الاصتنبه دي ماشية مع تقيماته وخبرته في المجال.
فإنك تاخد الاصتنبه دي وتبعتها وانت لسه جديد في مجال الفريلانسنج ده هيقلل فرصك أنك تاخد أول شغل ليك وهيبين للعميل انك مش عايز تشتغل معاه بل عايز تشتغل.
الفريلانسر والشغل وتاني حاجة:
أنك تعمل اكتر حاجة بتكرهها غالباً يعني انك تقرأ إعلان الشغل وتعرف العميل عايز ايه بالظبط .
كلنا بنكون مستعجلين واحنا بنقدم على اي شغل علشان نطلع من اول خمسة العميل يقدر يشوفهم في قائمة الفريلانسنج.
وفي اول ربع ساعة اصلا فيه خمسين واحد بيبعت ولكن معظم الوقت الخمسين دول بيكونوا باعتين أسطنبنا للبروبوزل والعميل مش بيركز معاه.
واللي حاطط الشغل دائماً بيختار واحد بس انه يشتغل معاه .
الواحد ده هو اكتر واحد بيكون مميز في عرض الشغل بتاعه مش الشخص اللي واضح انه هو حاطط العرض بتاعه في كل مكان وبيستخدم.أسطمبا واضح انه عايز يرميها على اكبر عدد ممكن .
لدرجة ان في عملاء بتحط كلمة مميزة في تفاصيل الشغل ويقولولك انك تنقلها في عرض الشغل بتاعك علشان يتأكدوا اصلا انك قريت تفاصيل الشغل.
فتخيل معايا أنت تميزت قد إيه في عين العميل لما مبعتش أسطمبا زي بقيت الفريلانسر وكلمت العميل مباشرة.
انا فاكر لما كنت بحاول الاقي فريلانسر يشتغل معايا وكنت بضحك على كمية الفريلانسر اللي بيعطيني سطمبا للشغل .
صدقوني الموضوع بيبان جدا وكمان النقطة دي هي دي اللي بنيت عليها بقية النقاط فركز فيها جدا .
وثالث حاجة:
هي انك تكتب حاجة في اول عرض الشغل تبين للعميل حاجتين اولًا انك قريت تفاصيل الشغل ثانياً انك متخصص في الحاجة اللي هو عايزها .
والحاجة اللي انت ممكن تقولها في عرض الشغل ممكن تختلف من شغل للثاني يعني مثلا ممكن تقول للعميل طبيعة الشغل معاك هتبقى عاملة ازاي .
او مثلا حاجات اللي انت ممكن تقدمها و كمان ممكن تسأله سؤال عن تفاصيل الشغل هو مكانش موضحها في الطلب.
بطريقة دي العميل هيحس أنك بتكلمه على طول وطبعاً عايز تاخد المشروع بتاعنا.
أفتكر ان في الأول في واحد قدم على شغلانة وكتبلي في الاول احنا مصريين فهنفهم بعض كلام ده صح طبعا.
ده اول واحد استبعدته عشان الموضوع مكانش اللي بيدعو بالشغل .
الفريلانسر ورابع حاجة:
انك تقولي للعميل في عرض الشغل الشغل نفسه هيأخد منك قد إيه .
معظم العملاء اللي بيكونوا عايزين يشتغلوا مع فريلانسرز اونلاين بيكونوا مستعجلين فدي حاجة كده ممكن تزودها في العرض بتاعك انك تقوله العميل ممكن اخلصلك الشغل بأسرع وقت ممكن.
علشان تلفت انتباهه وتاخد اول شغلانة .
خامس حاجة:
ودي من اهم الحاجات انكم تتكلموا عن الخبرات أو الشغل المشابه للي العميل عايزه طبعا وارد جدا انك متلاقيش شغل انت عملته مشابه للي العميل عايزه.
ساعات هتلاقي اقرب حاجة علشان تقنع العميل انك افضل واحد يعمل الشغل ده .
سادس خطوة:
ودي الخطوة اللي خلتني اوصل لأول شغل ليا في مجال الفريلانسنج هو انك تأندر فاليو بمعنى ان العميل مثلا حاطت الشغل بخمسين دولار.
لو العميل حاطت الشغل بخمسين دولار ممكن انت تعرض عليه أنك تعمل الشغل بتلاتين دولار علشان بس يديلك تقييم في الأول .
ولما يكون عندك تقييمات كتيرة ممكن تقيم شغلك بالسعر اللي انت عايزه.
ولكن في الاول كده لازم نسرق انتباه العميل بعرض الشغل بتاعنا.
ففي الخطوة دي متركزش قوي على الفلوس وركز على التقييم اللي هيجيب فلوس قدامك وكده خلصنا الخطوات اللي هتساعدكم أنكوا تكتبوا جمل ناجحه من اوله لأخره.
ولازلنا مستمرين في سلسلة الفريلانسنج اقرأوها .
يمكنك أيضاً قراءة هذا المقال علي أوليكس اي تي:
