العمل الحر أي هو وما هي مجالاته ؟
العمل الحر .
العمل الحر:
في نهاية 2015 بدأت أشتغل Freelancer عارف أول شهر عملت كم دولار؟
صفر دولار بس اسمع
عارف ثاني شهر عملت كم؟
برضو صفر دولار بس ما تقلقش أنا مش بحبطك ولا حاجة لأن اللي حصل ده طبيعي والشهر الثالث حققت 150 دولار بحالهم.
والشهر اللي بعده 500 دولار وبعدها بقى متوسط دخلي من شغل الفريلانس 1500 دولار في الشهر.
وكده يعني من شغل كم ساعة بعد ما برجع من الوظيفة اللي كنت شغال فيها.
فلو أنت بحتار وتايهه ومش عارف تلاقي شغل بدوام ثابت.
والدنيا مخبطة معاك فالمقال ده ليك ولو أنت مش من غاويين النزول كل يوم والشغل التقليدي وبتحب الحرية فالمقال ده برضو ليك.
العمل الحر يعني إيه ؟
هقولك يعني محتاج منك لابتوب أو حتى سمارت فون وانترنت وشوية مهارات كده وانت قاعد مكانك.
ونبدأ الشغل التقيل ودي هتكون سلسلة هناخدك فيها في مجال الفريلانس من الصفر للاحتراف.
وهناخد كل يوم مجال من المجالات دي ونوضح كل تفاصيله عشان يبقى معاك خطة واضحة للبداية فيه من أول هو إيه ومحتاج مهارات إيه والشغل فيه إزاي.
العمل الحر ليه مجالات كتير واسعة وحياة كبيرة أوي وأكيد هتلاقي نفسك حاجة منهم لأنه كل واحد فينا عنده مجال معين بيبقى مهتم يعرف عنه دايما.
وبيديله من وقته ومتابع الدنيا فيه وأنا هنا أعرفك بمجالات سمعت عنها ومجالات هتتفاجئ بيها وممكن تعجبك.
بداية كده مثلًا لو بتسمع فيديو بيكون ده اتعمل إزاي اللي انت شايفه أكيد كان فيه فكرة وتحولت لي سكريبت مكتوب بعدين اتصور وبعدين حد عمل إديت للتصوير ده وحد نزله وهكذا .
كل ده ممكن يتم من خلال الفريلانس على فكرة يعني اللي كتب السكريبت بتاع الفيديو ده يعتبر فريلانسر واللي سجله ده برده فريلانسر .
واللي بيعدلو علي الفيديو بيكون برده فريلانسر.
وكمان اللوجو بتاع القناة اللي انت شايفه فريلانسر تقريبا الفريلانسر بقت موجوده في كل مكان في حياتنا.
فخلينا النهاردة ناخد نظرة عامة عن مجالات الفريلانس ونبقى نفصصهم واحد واحد في الفيديوهات القادمة ان شاء الله.
العمل الحر وأول مجال فيه ؟
وهو ال content writing يعني كتابة المحتوى هي المادة اللي هنحوّلها لفيديو والاسكريبت مثلاً أو حاجة زي كده أو هننزلها في post أو مقال أو حتى كتاب أو غيره.
وبما اننا لسه في حتة الكتابة فهنقول ضمنها وهي كتابة الاعلانات اللي بتجذبنا نشتري منتج معين ونقتنع بيه حتى لو مش محتاجين.
وساعات بسبب اللعب بالكلمات على العقل البشري.
وعندك برضو كتابة المقالات والكتابة الابداعية وكتابة السيناريو وغيرها .
العمل الحر والمجال التاني :
اللي هو graphic design وده الشخص اللي بيصمم البوسترس واللوجوس والبزنس كارس وكل ديزاينات تغليف الحاجات اللي حوالينا.
ويظبط الاعلانات وغيرها .
العمل الحر وثالث مجال فيه :
عندك الفيديو editing الشخص اللي بيضبط الفيديو عشان يخرج بالصورة الواو اللي بنشوفها.
عن طريق انه يعمل منتاج ويضبط الحركات والنقلات ويحط له intro مناسب في البداية وoutro مناسب في النهاية.
ويضيف عليه العناصر اللي تجذب العين ليه.
العمل الحر ورابع مجال فيه :
عندك الsocial media management تمسك pages وترد على العملاء وتتابع معاهم كل الاستفسارات والشكاوي بتاعتهم.
كأنك صاحب الpage فعلياً .
او انك انت تكون المسؤول قدامهم عندك السيلز وهي المبيعات عن طريق انك تجذب العملاء وتعرف مين اصلا العملاء المحتملين.
وتشتغل عليهم لحد ما تتم عملية الشراء وده بيحتاج شخص يكون عنده مهارات اقناع قوية واسلوب يجذب اللي قدامه.
العمل الحر والجزء الرابع فيه:
عندك الdigital marketing انا مثلا بدأت شركة فاكيد هحتاج حد يسوقلي شغلي ويكون بيفهم في المجال اللي انا شغال فيه.
ويعرف يعمل لي حملة اعلانية ويجيب لي عملاء ويعلم المبيعات شركتي او يزود الbrand awareness اللي هي معرفة الناس بيها عندك.
الbusiness consulting انك انت مثلا تكون عندك خبرة في الادارة وفي مجال ادارة الاعمال فيكلم حد من شركة معينة يطلب منك استشارة.
عن ازاي يحسنوا خطتهم ويزودوا مبيعاتهم وهل استراتيجيتهم به تنفع ولا غلط وممكن تتظبط ازاي وهكذا .
العمل الحر والمجال الخامس:
عندك الSEO specialist يعني تحسين محركات البحث اني اخلي موقعي يظهر في اول حاجة للناس اللي بتبحث عنها .
في اللي ليه علاقة بمجالي يعني مثلا لو الناس بتبحث عن عنوان حاجة معينة ليه علاقة بمجال شركتي او موقعي اخلي المقالات تكون مكتوبة بطريقة معينة تتضمن الكلمات المفتاحية اللي الناس بتدور بيها.
عشان يظهر موقعي في أولى نتائج البحث عشان الSEO specialist شايف شغله صح وعارف هو بيعمل ايه .
والمجال ده بقى عايز منك فهم للخوريزميات بتاعة محركات البحث والكلام ده.
العمل الحر والمجال السادس:
عندك مجال الفوتوجرافير الذي لا غنى عنه لتوثيق كل حاجة حوالينا وكل حدث قدامنا وإن الحاجات ديه تخرج للنور .
وتتشاف مرة والتانية والتالتة وده بيحتاج حد فاهم في التصوير وانواع الكاميرات وتعديل الصور والاضاءة وغيره .
العمل الحر والمجال السابع:
عندك الproject management انك تدير الخطة انك تدير مشروع من بدايته لنهايته من اول وضع الخطة والميزانية اللي هيحتاجها وهيمشي ازاي .
وهيحتاج كام عامل وهيتنفذ ازاي لحد مايتنفذ فعلا.
ويبدأ يظهر النتائج ويجني ثماره .
العمل الحر والمجال الثامن:
عندك الـ Translation وهي الترجمة وكانت شغلانه لناس كتير بس توقفوا بسبب المنافسة الشديدة من اللي اخذوا كورس انجليزي وقرروا يشتغلوا فريلانسر باستخدام جوجل ترانسليت.
وطبعا جاي بعدها تقنيات ذكاء الصناعي اللي عملت احلال لوظائف كتير في مجال الترجمة.
فمش عارف انصحك بيها ولا لا عندك.
العمل الحر والمجال التاسع:
الاليستريشن اللي هو الرسم وخاصة الرسم الرقمي زي رسم تصميم الشخصيات الكرتونية اغلبية النوت ورك واصل الكتب.
وده محتاج يكون حد عنده فن وذوق والجانب الملون ده يعني.
العمل الحر والمجال العاشر:
عندك الداتا انتري ودي انا بسميها شغلانة اللي ملوش شغلانه انك تدخل البيانات في جداول سواء بيانات عملاء او موظفين في شركات او مستندات او غيرها .
يعني فالموضوع بيبقى سهل جدا واي حد هو عنده ICDL يعمله يعني.
المجال الاحدى عشر :
عندك اللايف كوتينج وده انك تساعد غيرك يفهم نفسه ويحدد اهدافه ويكتشف مهاراته بس ارجوك لو هتشتغلها يبقى انت تكون فعلا دارس.
العلم حقيقي اللي يأهلك لكده مش نضحك عن الناس ونقولهم انت تقدر انت جامد بلاش ارجوك.
المجال الاثنى عشر:
عندك الsoftware development انك تنشئ تطبيقات البرمجيات سواء على الموبايل او الكمبيوتر او الويب وده بيتطلب انك تكون فاهم لغات البرمجة.
زي الجابا والبايثون وغيرها.
المجال الثالث عشر:
عندك الonline tutoring انا بعمل online tutoring التدريس online سواء بقى مواد علمية او مهارات معينة.
زي soft skills او تحفيظ القرآن او حتى الدروس الخصوصية عندك الvoice over التعليق الصوتي.
سواء بقى اعلانات كتب صوتية افلام وثائقية دبلاج او شخصيات كرتونية وغيرها انا معرفش اعمل شخصيات كرتونية i’m not that funny على فكرة .
المجال الرابع عشر:
عندك 3D modeling and animation زي انك تعمل مشهد اقتراضي ثلاثي الابعاد بالانيميشن للعبة معينة او اعلان او فيلم او تصميم منتج معين .
يعني تصميم المنتجات نفسها ممكن يتعمل بال3D او حتى مبنى معين للناس اللي هم المهندسين وكده.
عندك الresearch analysis تحليل البيانات ان انا اجمع بيانات او حد يبعتلي بيانات وأحللها.
عشان ناخد على اساس التحليل ده قرارات واستراتيجيات ونحدد اتجاهات الشركة وده مهم اوي للشركات والمؤسسات الحكومية.
المجال الخامس عشر:
عندك الtechnical writing اللي هو كتابة المعلومات التقنية لجهاز معين زي دليل المستخدم كده.
مثلا اللي بيجي مع الموبايلات او اي جهاز جديد بنشتريه ويوضح لك كل قطعة تفاصيلها ايه وبتشتغل ازاي وهكذا .
المجال السادس عشر:
عندك الrobotics اللي هم بيقولوا هيحلوا مكاننا اللي هم الروبوتات وكده والمتخصصين فيها.
مهتمين بتصميم وتطوير الروبوتات وده للناس المتعمقة اوي في مجال البرمجة والخرزميات وكده.
المجال السابع عشر:
عندك الtravel planning وده زي ناس مغرمة بالسفر بتعمل شركات صغيرة وبتكون وظيفتهم يساعدوا العملاء في التخطيط لرحلاتهم .
وينظمها لهم ويخترحوا عليهم اماكن وهكذا
الHR الhuman resources اكتر حد مكروه في الليلة دي كلها وده بقى اللي بيمسك التعذيب في الشركات.
تلاقي بيعمل لك الinterview وهو الشخص المهتم بإدارة الاشخاص جوا المكان المسؤول عنه .
ومين حقق التارجت ومين لأ ومين في احسن حالاته ومين مش كويس الفترة دي.
ومين نرفضه وهكذا.
من هو PR:
يعني عندك الPR اللي هو public relation وده مهمته انه يبني علاقات كويسة مع العملاء .
انه يعمل التعاقدات ويكون مسؤول عن الsponsors لو شغلي بيحتاج ممولين وهكذا.
قد اكون قولت مجالات أنت سمعتها قبل كده وعرفها .
وقد يكون في مجالات انت اول مرة تسمع عنها واكيد في مجالات انا ما ذكرتهاش .
وانا هنا شرحت لك كل حاجة باختصار وكل يوم هديك شرح مستفيد لحاجة منهم بكل المداخل والمخارج .
نصائح مهمه:
وبما اننا لسه في قلب الفريلانس وبنتعرف سوا على الدنيا.
فخليني اقولك احنا كفريلانسر مفروض بنشتغل ازاي او البداية بتبقى ازاي.
اول حاجة لازم تكون فهمت أنت ايه اللي دخل دماغك من الحاجات دي وعندك مهارات فيه فعلا او قررت تتعلمه.
بعد كده هتبدأ تطبق وتعمل البرتفوليو بتاعك اللي هي صحيفة اعمالك اللي لما حد يطلب منك خدمة معينة يلاقي شغلك جاهز وتبعتهاله.
تشوف شغلك ويتطمنلك انك انت جامد وتعرف تعمل الشغل ده وبرضو لازم تعرف اللي شغالين حواليك في المهنة بيأخدوا كام عشان تعرف تحدد أجرك .
وحط في دماغك انك لسه بتبدأ فمش لازم أخد سعر حد محترف وبرضو مش لازم اكون في نفس المستوى .
محدش بينط السلم مرة واحدة فحبة حبة تزيد محبة بعد ما نجهز صحيفة الاعمال.
ونعرف السعر اللي هنبدأ به نعرف ايه هي مواقع في ريلانس ونعمل اكونتات عليها ونحط البرتفوليو بتاعنا ونشوف عروض الشغل عليها الخاصة بمجالك .
اللي انت مهتم بيه وعايز اقولك حاجة مهمة محدش بيلاقي شغل من اول يوم ولا اسبوع وممكن ولا شهر.
انت بتفضل تحاول وتطور في نفسك وان شاء الله ربنا هيكرمك فأرجوك متستعجلش .
انا ببداية المقال قلتلك أن أنا اول وتاني شهر محققتش فلوس .
ولو عندك اي استفسار او سؤال تسأله سيبه في الكومنتات وشكرا لحسن قرائتكم.
سلام
يمكنك الاطلاع على هذا المقال أيضا:
كيف تحترف التفريغ الصوتى وبسهولة تامة
