الطاقة المتجددة وما هي مصادرها ؟
الطاقة المتجددة وما هي مصادرها ؟
الطاقة المتجددة ؟
فاكرين لما أخدنا في كتاب العلوم بتاع اعدادي ان الطاقة لا تفنى ولا تستحدث من العدم؟
طب فاكرين مصادر الطاقة بتاعة كتاب العلوم ده كات ايه؟ طب فاكرين مصطلح الطاقة النظيفة و الطاقة المتجددة اللي كنا وقتها بنقول عليه ده حاجة جديدة؟
طبعاً مش فاكر حاجة تعالوا نفتكر سوا اه المصادر المتجددة اللي انت مش فاكرها هي دلوقتي البريمو.
ومش بس كده دي مفتاح تحسين حياتنا في ظل التغير والمناخ اللي احنا فيه.
زمان في بداية الصورة الصناعية كانت الناس بتستخدم الفحم كوقود او كمصدر للطاقة .
وفضل الحال على كده لحد ما اكتشفوا البترول وعليها البترول ومشتاقاته بقت هم مصادر الطاقة .
لحد ما الاوزون أتخرب وبقينا تحت رحمة أمريكا من ساعة ما طلع مصطلح البتردولار في السبعينات.
لما اتفقوا مع اكبر مصدر للبترول وقتها انهم يبيعوا البترول لامريكا او اي دولة تانية بالدولار.
بس ومن ساعتها طلع المصطلح اللي انا لسه قايله من شوية اللي هو البترول دولار.
وده اللي مخلي امريكا متحكمة لحد دلوقتي بسعر البترول .
وخلاص بقى البترول قرب يخلص ولازم نشوف مصادر للطاقة أرخص وأنضف طب ده بقى عمل أيه في الاوزون اللي اتخرب
الطاقة المتجددة وأثر على حرارة الارض ازاي ؟
وهي اللي بنسميها الاحتباس الحراري التلوث اللي بسبب الانبعاثات ده وحبسه رفع حرارة الارض وخلى التلج اللي في المناطق القطبية يسيح .
ويرفع منسوب المياه ولما الحرارة عليت بقى فيه تبخير كتير .
وبقى فيه امطار اكتر زي ما حصل في باكستان من كام شهر .
ومات فيها حوالي 1700 بني أدم ده غير الدمار اللي بهدل البلد .
وشوف هيكلفهم قد اي عشان يتصلح مليارات
طب نعمل اي نستعمل
الطاقة المتجددة ؟
ندور على مصادر أنضف وأرخص للطاقة زي ايه طاقة شمسية بقى طاقة رياح طاقة كهرومائية.
وفي الكم سنة اللي فاتت تكلفة تولدهم رخصت جدا لدرجة انها بقت تساوي البترول كتكلفة توليد
يعني مثلا حاجة زي الطاقة الشمسية احنا معندناش غير الشمس ممكن نستخدمها للتبريد والتدفئة والكهرباء وحاجات كتير جدا غيرهم .
وتكلفة التصنيع بتاعت الالواح الشمسية رخصت بشكل مش طبيعي في اخر عشر سنين ده غير انه عمرها الافتراضي نفسه طويل ممكن يوصل لغاية 30 سنة.
ولو انت عندك الالواح دي في بيتك وشغال بيها ممكن يبقى عندك فايض في الكهرباء وتقدر انت تبيعه لشركة الكهرباء.
هتيجي تقولي بقى انا مالي بالفيلم الهندي اللي انت عملت تحكيه ده ؟
هقولك تعالى شوف البلد اللي انت عايش فيها دي بتعمل ايه عشان تجيب مصادر طاقة نظيفة ومتجددة ورخيصة.
شوف من كم سنة مش بعيدة مكانش حد فينا يسمع عن كلمة عربيات كهرباء دي خالص شوف دلوقتي بقى في كم شركة بتصنع العربيات الكهرباء.
عشان مش بس أنضف لا، وأرخص كمان في استهلاك الطاقة وعُمر قطع غيارها اطول نرجع لنرجعنا بلدك بقى او بلدنا بتعمل ايه في قصة الطاقة المتجددة ؟
الطاقة المتجددة ودور البلد فيها ؟
دي ورق وقلم بقى واكتب ورايا في حاجة بقى اسمها الهيدروجين الأخضر ومفيش هيدروجين اخضر بس هو بيتقال عليه هيدروجين اخضر عشان مصدر نظيف للطاقة.
ده نوع وقود بيطلع لما بيتفصل الهيدروجين عن الأكسجين اللي في قلب المياه وده مبيعملش انبعاث لثاني أكسيد الكربون.
وبالتالي مفيش احتفاظ حراري ومصر بقت تجيلها عروض من شركات عالمية علشان تنفذ مشاريع الهيدروجين الاخضر في مصر.
وهيتعمل اول مصنع لانتاجه في المنطقة الاقتصادية بتاعت قناة السويس.
وهيتعمل كمان اول محطة للانتاج شرق بورسعيد وكل ده هيقلل استهلاك البترول وينتج طاقة نظيفة ويخلق فرص عمل .
يعني بطالة أقل واستثمارات أكتر طب سيبك من هيدروجين ده فاكر لما كنا بناخد في كتاب الدراسات أن جو مصر حر جاف صيفاً دافئ ممطر شتاء.
وأهو عملنا أكبر محطة لانتاج طاقة شمسية في العالم ( بنبان)
الطاقة المتجددة وعلاقتها بنبان ؟
اتعملت بنبان باربع محطات رئيسية واربعين محطة فرعية .
وفيها ميتين الف لوح شمسي بقدرة إنتاجية الفين ميجا وات وده تقريبا تسعين في المية.
كمان إن مكانش قد اللي بينتجوا السد العالي طب شغلت ناس أه شغلت ناس حوالي عشر ألاف بني ادم اشتغل في المشروع ده .
ده غير انه في الاخر بيعمل طاقة نظيفة ومتجددة ده غير كمان بتدخل البلد بشكل مباشر وغير مباشر يعني دولار اكتر هيدخل البلد.
وده يرجعنا تاني للهيدروجين الاخضر ويخليني اقولكوا ان في شركات اماراتية دخلة مستثمر رئيسي للتوليد الهيدروجين الاخضر في مصر.
فكده بدل ما حد يتحكم فينا ونبقى عاملين زي اللي بيحصل في اوروبا دلوقتي ويقولولهم انا هقطع عنكم الغاز لا يبقى عندنا اكتفاء ذاتي من مصادر الطاقة بتاعتنا.
او على الاقل من اكبر حاجات بتولد طاقة ومش بس كده وجالنا استثمارات للبلد زي ما قلت يعني دولارات وشغلنا عمالة بشكل مباشر وبشكل غير مباشر .
يعني بطالة اققل ده غير مصادر الطاقة اللي نقدر نقول عليها انها مصادر خضرة او أققل ضرر زي الغاز الطبيعي وأدينا شفنا بعينينا اللي بيحصل في مبادرة أحلال السيارات .
وبكدا نكون خلصنا المقال بتاع انهارده وتابعونا في مقالات اخرى عشان تستفيد أكتر .
يمكنك قراءة هذا المقال علي أوليكس اي تي:
الذكاء الاصطناعي التوليدى ثورة في عالم الهواتف الذكية
