الخطة التسويقية ووضع أساسيتها الأربعة بكل تفاصيلها

الخطة التسويقية ووضع أساسيتها 

الخطة التسويقية ووضع وأساسيتها أو كيفية وضع الخطة التسويقية دي أهم حاجة المفروض نبدأ وعايزين

نبدأ نتعلم تسويق إلكتروني أكيد لحظت في مرة من المرات إن كل الناس اللي بتعمل فيديوهات على

اليوتيوب أو أي منصة أخرى بيتكلموا على التسويق الإلكتروني دايماً أول حاجة بيتكلموا عليها كيفية إنشاء

الإعلانات أو إطلاق الحماية الإعلانية على جميع المنصات سواء فيسبوك، تويتر، إنستجرام أو غيرها من

المنصات وكأن دي أول خطوة المفروض تتعلمها عشان تبدأ في التسويق.

قناة olxit 

الخطة التسويقية أساس التسويق الالكترونى

ومعظم الناس اللي حاولت تتعلم تسويق إلكتروني سواء مجاني أو حتى عن طريق كورسات مدفوعة اتفجأت بعد

كده إن في خطوة مهمة جداً قالها وهي ما يسبق التسويق أو ما يسبق إطلاق الحماية الإعلانية قالها وهي

الخطة التسويقية نفسها ولكن فيه تشتت كبير جداً مش عارفين نمسك الخط مين طب أكاديمياً أو علمياً إزاي

أصلاً أبدأ أحط الأساسيات بتاعة الخطة التسويقية

بتاعتي؟  خطوات  معطيات هل لها معلومات المفروض أحصل عليها قبل ما أبدأ في وضع الخطة التسويقية؟

ولا الموضوع ماشي إزاي بالظبط؟ ده بقى اللي هنتكلم عنه في هذا المقال

الخطة التسويقية ما هى ؟

تُعتبر خطة التسويق بمثابة خريطة طريق استراتيجية تستخدمها الشركات لتنظيم وتنفيذ وتتبع استراتيجيتها

التسويقية خلال فترة زمنية معينة. يمكن أن تتضمن خطط التسويق استراتيجيات تسويقية مختلفة لعدّة فرق

تسويق عبر الشركة، تعمل جميعها على تحقيق الأهداف نفسها.

الخطة التسويقية واساسيتها

وخلينا أقول لك أن أساسيات وضع الخطة التسويقية هي أربعة أو أربع نقاط أساسية لو أنت عرفتهم ودرستهم

كويس هكون قادر على وضع أي خطة تسويقية متعلقة بأي نشاط تجاري سواء بقى على أرض الواقع أو حتى

أونلاين والأربع أساسيات أو النقاط اللي احنا هنتكلم فيهم في مقال النهاردة هرتبهم لك من حيث الأولوية

أول نقطة وهى أساسية وضع الخطة التسويقية

أول نقطة أساسية في وضع الخطة التسويقية ألا وهي دراسة المنتج أو الخدمة اللي أنت بتقدمها سواء من

ناحية السعر أو من ناحية المكان اللي أنت بتسوق فيه أو أياً كان فأول خطوة زي ما إحنا قولناها هي دراسة المنتج أو الخدمة اللي أنت بتقدمها

ثانى نقطة وهى دراسه السوق

من حيث الأهمية ألا وهي دراسة السوق اللي أنت بتستهدفه بالمنتج بتاعك أو الخدمة اللي أنت بتقدمها لو

أنت بقى بالتارجت أو بتستهدف مدينة أو قرية أو محافظة أو حتى بلد كاملة لازم تكون عارف كل حاجة

خاصة بهذا السوق من أول احتياج السوق ده أصلاً للمنتج بتاعك هل هو فعلاً محتاج؟ هل فيه فرصة أن

انت تنزل هذا السوق؟ ولا فيه تشبع من هذا السوق أو في هذا السوق نفسه يعني ما ينفعش يكون معايا منتج

أو خدمة بقدمها وانزل سوق هذا المنتج منتشر فيه بكثرة وأسعاره قليله جداً وبالتالي هلاقي المنافسة

جديدة جداً عليه ومش هعرف أكسب منه أي حاجة فدراسة السوق مهمة جداً في وضع الخطة التسويقية

ثالث نقطة وهى دراسة المنافسين

من حيث الأهمية واللي بتيجي بعد دراسة السوق ألا وهي دراسة المنافسين أنا النهارده لو نازل أي سوق لازم

أعرف مين همت المنافسين بتوعي وحجمهم وقدرتهم على المنافسة وسيطرتهم على الشريحة نفسها المتواجدة

في هذا السوق كل واحد ليه حصة سوقية هو النهارده سيطر على قد إيه من هذه الحصة مش بس الحصة

السوقية ولكن كمان المنطقة الجغرافية نفسها هل هو منتشر في منطقة معينة معروف أو مشهور في منطقة

معينة ولا لا وده طبعاً أكيد يلزم ان انت بتعمل لهذا المنافس دراسة نقاط القوة ونقاط الضعف والمخاطر

والفرص بتاعته فمثلا اذا عرض أحد المنافسين سلعة عالية الجودة، فسيُنظر إلى ذلك على أنه قوة للمنافس.

ومع ذلك، إذا كان المنافس يبيع منتجًا منخفض الجودة، فسيُنظر إلى ذلك على أنه نقطة ضعف.

رابع نقطة وأهمهم وهى خطتك

بتيجي بقى من وجهة نظري أهم نقطة ألا وهي اللي بيتبنى عليها أساساً خطتك اللي هي هتنزل بيها السوق

اللي هي إطلاق الحملة الإعلانية وطريقة كتابتك للمحتوى وطريقة كمان عمل الديزاين نفسه وإيه هي

النقاط اللي هتلعب عليها طب إيه هي النقطة دي بقى ألا وهي دراسة تسلوكيات العملاء أو ما يسمى بالbuyer

persona في علوم الماركتينج أو التسويق والنقطة دي هي اللي بتساعدك جداً في تحديد المنصة نفسها اللي

هتبدأ عليها الإعلانات وكيفية تحديد التارجت بتاعك أو حتى اللي هي الشريحة اللي انت عايز تستهدفها من ناحية الأعمار وكمان الجندر أو اللي هي الجنس نفسه

سواء راجل ولا ست والقدرة الشرائية والإهتمامات كمان

قناة olxit 

فقبل ما تفكر 

في إطلاق أي حملة أعلانية على أي منصة ان كانت سواء فيسبوك انستجرام تويتر أياً كان المنصة المفروض تكون

عارف انت ماشي ازاي عندك هدف وحاطط خريطة قدامك النهاردة لو انت مسافر من بلد لبلد طلع من بلد

مثلاً اسمها A لبلد B النهاردة انا مش هعرف اطلع من هنا وهوصل هنا غير لما احدد قبل ما اطلع ايه هو الطريق

اللي انا هاخده الطريق اللي انا هسلوكه محدش بينزل كده وده جاي ماشي ويمسك اي شارع ويبقى الماشي

فيه وخلاص ويقعد يمشي يمين في شمال على امل ان هو هيوصل في النهاية لكن لازم تحدد الخريطة الخريطة

دي بتحددها ازاي بتحددها بناء على معرفتي للطريق او دراستي للطريق هل ده طريق سريع هل ده طريق عادي

هل ده طريق مثلاً فيه هنقول اشارات كتير هتعطلني هل الطريق ده في زحمة

وبالتالى 

وبالتالي النهاردة كمان هدرس التوقيت نفسه هخرج امتى موضوع زحمة المواصلات او زحمة خروج

الموظفين دي كلها عبارة عن دراسة انا بدرسها او معلومات لازم اكتسبها قبل ما بدأ انزل من بيتي واروح

النقطة اللي انا عايزها فنفس القصة بالظبط انت النهاردة بتدرس الحاجات اللي احنا قلنا عليها اللي هي المنتج

والسوق والمنافسين وكمان سلوكيات العملاء علشان تقدر تستهدف بالظبط الصح تقدر تشتغل صح على العملاء

اللي انت عايزهم تقدر تحدد من هو العميل اصلا اللي يحتاج المنتج بتاعك تقدر تحدد كمان المنطقة اللي انت

هتنزلها او هتستهدفها كمنطقة جغرافية وكمان المنافسين بتوعك هينزله باي اوفرز او اي عروض وانت عايز تنزل

باي عروض وهتكون العروض بتاعتك اقوى منهم لان انت درستهم كويس جدا

صفحة olxit 

وأخيرا هنشوف انواع الخطط التسويقيه 

هناك أنواعًا متعددة من الخطط التسويقية تختلف باختلاف أهداف كل شركة، إليك أبرز هذه الأنواع

اولا : خطة التسويق السنوية (أو الربع سنوية)

يكون تركيزها بشكل أكبر على وضع أهداف وحملات ترويجية يتم العمل عليها خلال فترة زمنية محددة.

ثانيا : خطة التسويق المدفوعة

يتم الاعتماد على استراتيجيات دعائية مدفوعة، ينصب اهتمام الخطة على الاستثمار من خلال الإنفاق على الحملات الإعلانية.

ثالثا: خطة التسويق باستخدام وسائل التواصل الاجتماعي

تعتمد على استخدام منصات التواصل الاجتماعي للوصول بشكل أكبر للعملاء وتعريفهم بالخدمة أو المنتج

المقدم، ومن ثم محاولة خلق علاقات تربط الشركة بجمهورها المحتمل لكسب ثقتهم ودعمهم.

رابعا :خطة تسويق منتج جديد

يتركز اهتمام هذه الخطة على التمهيد لاطلاق المنتج باستخدام كافة الأدوات الممكنة للتعريف به وتقوم

الشركات بمحاولة تجربته ومشاهدة ردود فعل العملاء حتى تقوم بالتعديلات اللازمة ومن ثم طرحه في السوق واستكمال الدعاية التسويقية له.

ويمكنك الاطلاع على هذا المقال أيضا 

التسويق بالعمولة وكل الى محتاج تعرفه عنها