الجرافيك ديزاين من الصفر للأحتراف
الجرافيك ديزاين
الجرافيك ديزاين من الصفر الى الاحتراف
عارفين صاحبكم بتاع الفوتوشوب اللي بيعدلك صورك ؟
أهو كبير دلوقتي وبقا يسموه جرافيك ديزاينر وبقى بيشتغل على النت وبيقبض بالدولار كمان.
أهلا بيك في مقال جديد من سلسلة الفريلانس من الصفر إلى الاحترام وزي ما وعدتك إني همشي معاك خطوة بخطوة .
فأنا جاي لك النهاردة بمجال الجرافيك ديزاين وبقولك محتاجكك تركز النهاردة معايا جامد جدا .
الجرافيك ديزاين يعني أني أجمع صور مع نصوص مع ألوان عشان أمثل فكرة معينة لحاجة موجودة وملموسة.
زي براند شنط مثلا هعمل لها لوجو فالبراند حاجة موجودة فعلا سواء على أرض الواقع أو أونلاين أو لحاجة لسه مش موجودة.
وعايزين نعمل تصميم معين لها عشان نتخيل شكلها المهم أن مجال الجرافيك ديزاين محتاج حد يكون دقيق عنده نظرة فنية مبدع ومبتكر بيعرف يطلع بأفكار برا الصندوق.
بيعرف يلعب بالألوان والصور والكلمات بيعرف يفهم اللي قدامه كويس لأنه هيكون حلقة الوصل بين فكرة العميل والنموذج اللي هيتنفذ فعلا .
يكون صبور ومرن لأن المجال بيحتاج حد هادي عشان يعرف يتعلم صح وميكونش مستعجل .
الجرافيك ديزاين ومجالاته ؟
عندك التصميم الإعلاني وده اللي لما عينك بتقع عليه بتشوف فيه أول حاجة أنه إعلان .
لأن الحتة المهمة دي هي أن الجرافيك ديزاينر بيبقى لاعب على ظهرها عشان لو محدش كمل قراءة بيبقى وصل لهدفه.
التصميم دي بقى زي البوسترات بتاعة إعلانات التوظيف أو إعلانات منتجات مثلاً أو كورسات أو عقارات أو غيرها.
عندك منشورات الفيسبوك والإنستجرام اللي الصفحات بتنزلها لما يكون عندها عرض معين أو تحديث معين.
بتلاقي ليها طابع خاص ودايما بتستخدم نفس الألوان عشان البرانديج والجامعات مثلا لما تنزل عن مؤتمر معين أو غيره.
وكذلك :
أي حد بينزل محتوى على سوشيال ميديا عندك تصميم الهوية البصرية اللي هي اللوجو بتاع البراند بألواناته .
عندك تصميم التعبئة والتغليب زي أني أصمم نموذج معين للباكاجينج اللي هي التعبئة بتاعت منتجات شركة معينة.
ممكن تكون كيس قهوة ممكن يبقى باكس ممكن يبقى إزازة .
عندك المطبوعات زي الجرائد والمجلات وده مبقاش دارج قوي دلوقتي لأن احنا بقينا في عصر التكنولوجيا وكل حاجة بقى ديجيتال .
عندك التصميم البيئي وده التصميم الهندسي كده أو أني أعمل نموذج على ورق لمكان كتخيل ليه .
لو بجمع صور لمشروع مثلا هعملها على أرض الواقع وعايز أشوف ممكن يكون شكل المشروع عامل إزاي ؟
دي كده بعض الأمثلة على أقسام ما الجرافيك ديزاين لكن مش كلها .
هي على سبيل المثال للحصر بشكل عام كل حاجة فيها صور وخطوط وألوان هي تصميم عدة بمراحل كتير قوي عشان يوصلك.
الجرافيك ديزاين وأزاي أعمل تصميم ؟
دلوقتي أنا هقولك عشان أعمل تصميم لازم أكون عارف عن عصر التصميم الأول ألا وهي اللون .
الألوان لها مدلولات كتير وبتدي إحقاق مختلفة فلازم أعرف هستخدم لون إيه وليه وهستخدم ألوان باردة ولا لون من الألوان الساخنة.
الجرافيك ديزاين والألوان ؟
ده بارد ده ساخن اللي هي الألوان الرئيسية ولازم أعرف أن اللون بيؤثر على العملاء تجاه البراند بتاعي من خلال الشعور اللي بيوصلهم من خلال اللوجو بتاعي مثلا.
فمش هروح أعمل لوجو لشركة عقارات بلون بينك مش بعيد أنك تلاقي حد مجنون عاملها ما احنا في زمان ملوش ملامح .
الجرافيك ديزاين والخطوط ؟
عندك الخط ومش قصدى الخط الكتابي لا الخط اللي بيوصل ما بين نقطتين ده بالخطوط دي ممكن تعمل تصميم كامل بدون استخدام أي حاجة تانية .
والخطوط لها أنواع عندك خط مستقيم وعندك خط متعرق أو متقطع وكل خط ليه مدلول حسي معين.
يعني مثلا الخط المستقيم بيعبر عن الهدوء والاستقرار عندك الخطوط المتقاطعة بتعبر عن الحيوية والحركة والتفاعل وهكذا .
كل خطوة هنا لها مدلول عشان كده قولتلك في الأول لازم يكون شخص عنده نظرة فنية ودقيق لأن هنا كل خطوة بحساب.
عندك النقطة زي الخطوط كده ممكن تطلع منها تصميم من مجرد اللعب بالنقط جنب بعض مثلا
الجرافيك ديزاين والأشكال الهندسية ؟
أو إنك ترسم بيها شكل معين عندك الشكل واللي ممكن يبقى منتظم زي الأشكال الهندسية المعروفة المثلث المربع المربع الدائرة وهكذا.
أو أشكال غير منتظمة زي الأشكال المستحقة الكتيرة والأشكال اللي موجودة حوالينا في الطبيعة .
عندك الملمس يعني فيه حاجات بيبقى ملمسها ناعم وحاجات ملمسها بيكون خشن مثلا البانير بيكون ملمسه خشن شوية.
أما اللوجو بيكون ملمسه ناعم وهكذا.
عندك النمط النمط إني أكرر رسم زخرافي معين كده مرة فبيعمل لي في الآخر تصميم عبارة عن شكل واحد متكرر.
والأنماط دي بتستخدم كتير في اللبس أو المنسوجات أو غيره.
عندك القيمة والمقصود بيها درجة الإضاءة في حتة التصميم بتكون معتمة وفي حتة بتكون مضيئة ودي بتكون الأعلى قيمة.
أنا كده لخصتلك عناصر التصميم .
لو ركزت هتلاقي إنك جمعت تكوين التصميم اللي بتشوفها حواليك في حياتك اليومية العادية.
في الأول وفي الآخر كل حاجة عبارة عن شوية أدوات وفن عشان نلعب بالأدوات دي فعلا .
دلوقتي بقى هروح بيك عنده أسس التصميم إيه الأسس دي بقى ؟
الجرافيك ديزاين وأسس التصميم:
أول حاجة: وهي الوحدة إنك تبص كده على التصميم تشوفه كله مرة وحدة متركزش على حتة معينة بعدين تبقى تركز على التفاصيل وده دليل على نجاح المصمم.
وأهم حاجة في العمل وهي وحدة العمل ككل يعني كل عنصر فيه في مكانه الصح.
وكل العناصر متوازنة ومتنوعه.
ثاني حاجة: التوازن وهي إني ما حسش إن كل العناصر متجمعة في حتة وحدة وبقى التصميم فاضي مثلا لا كل حاجة بتكون متوزعة بتناسق وتوازن في المساحة بتاعتي كلها .
ثالث حاجه: الحركة إني أبص للتصميم ثابت وأحس إن فيه حاجات بتتحرك ده بيكون عشان المصمم قاصد يوزع العناصر بطريقة تحسسك إن العناصر دي بتتحرك.
فأنت بتشوفها كده زي خدعة سرية واللي شبه كده هو الإيقاع زي الصور اللي بنشوفها لما بنيجي نقرب ونبعد منها كده وتلاقيها بتتحرك بزغلله في العين كده ده الإيقاع.
رابع حاجه: بعد كده التباين وهو إني مثلا عندي عنصرين مهمين واحد أساسي وواحد ثانوي وأنا عايز في التصميم إني أظهر العنصر الأساسي فأغير الخط أو اللون أو الحجم.
فبالتالي التركيز هيكون عليه هو بعد كده التركيز وهو إني أوضح جزء معين من التصميم بغرض التركيز عليه شبه التباين كده شوية.
بس محتاج إن أنا أرسم مثلا دايرة حوالين الحاجة اللي عايز أركز عليها وألعب في مكانها وبعد كده التنسيق .
يعني العناصر تكون في أماكنها الصح مش متوزعة بشكل عشوائي .
بعد كده التناسب يعني مثلا حجم الدائرة اللي في التصميم بالنسبة لباقي التصميم .
هل مقاسها مناسب ولا أخذ مكان أكبر من حجمها ولا أقل من حجمها .
العلاقة بين عنصر معين وباقي التصميم ده اللي هو التناسب.
عندك المحاذاة يعني أحط العناصر جنب بعضها في صف متساوي عشان أعمل تناسب.
الجرافيك ديزاين وبرامجه ؟
نيجي بقى لبرامج الجرافيك ديزاين عندك أدوبي فوتوشوب .
وعندك إن ديزاين إلليستراتر
عندك فيكتر وعندك سكتش وعندك إنكسكيب.
ولو لسه هتبدأ من الصفر فعندك كانفا حلوة جدا بيمشي معاك خطوة بخطوة وبيكون فيه نماذج جاهزة تقدر تعدل عليها وتتعلم فيها .
لحد ما تقدر تعمل انت ديزايناتك الخاصة بيك
الجرافيك ديزاين واسعاره ؟
نيجي بقى نحسب شغلنا إزاي بعد ما نكون خلاص الحمد لله عندنا كورتوفوليو هائل وبدأنا ننزل شغل وجالنا شغل فعلا .
اتكلمنا قبل كده عن مقارنة اسعار زميلك في المجال وانك بتاخد بالمتوسط.
لكن تقدر تضيف عليها عامل تاني في التقييم ألا وهو تقديرك لساعة الشغل بتاعتك كام ؟
والشغل ده هياخد منك وقت قد ايه وتضرب عدد الساعات المتوقعة في أجر الساعة بتاعتك ويطلع لك الناتج في الآخر .
خلي بارك الاسعار ممكن تزيد او تنقص حسب نوعية الشغل وحسب الشغل ده دايم ولا هو المشروع ده بس.
وخلاص وزي ما قلت لك قبل كده انت بتبدأ دلوقتي فمش مشكلة لو بدأنا بالقليل وبعد كده بنزود السعر.
زي ما جودة شغلنا بتزيد سعرنا كمان هيزيد وبس كدا اتمنى تكونوا استفدتوا .
سلام.
يمكنك أيضاً قراءة هذا المقال علي أوليكس اي تي:
العمل الحر أي هو وما هي مجالاته ؟
