الاتش ار وظيفته ايه وأعلى مكانه بيوصلها ؟
الاتش ار .
الاتش ار هو الموظف دا شرير ولا طيب؟
تخيل أن أغلب الناس لما بتسمع اسم الشغلانة دي بتتضايق وبتبقى عايزة تتخانق مع اللي شغال الشغلانة دي .
الموظف ده تقريباً كل اللي اشتغل في وظيفة وأتعامل معاه ومحدش بيحبه خالص.
السلام عليكم ورحمة الله وبركاته
أنا جاي لك النهاردة بحاجة جديدة هتضايقك شوية لما تسمعها بس واجبي ان اعرفك عليها وهو مجال ال HR ال human resources .
الشخص اللي بيطلع عينيك في ال interview وبتتمنى لو ما كنتش قابلته رغم انه جواه طيب والله بس الشغلانه عايزة منه كده.
بس ما علينا مالناش دعوة هو طيب ولا شرير .
ال HR ده اصلا بينقسم لشقين يعني في حرف تالت ناقص بعد اختصار ال HR ده
هل انت قصدك ال HRD اللي هو اختصار ل human resources development ؟
ولا ال HRM اللي هو اختصار ل human resources manager ؟
همشي معاك واحدة واحدة وهنتعرف على كل واحد فيهم دوره ال HRD واختصاره ال HD هو اللي بيساعد الموظفين انهم يطوروا من نفسهم ومن مهاراتهم الشخصية وأدائهم ومساعدتهم في زيادة قدرتهم على الانتاجية .
وانهم يركزوا على نفسهم وعلى بناء شخصيتهم وكمان تحفزهم وهو بيساعدهم في ادارة الوقت وبيكون مصدر حماس لهم مطلوب يعني عمتًا بيهتم بالسلوكيات الخاصة بيهم .
ده بقى الطيب منهم .
الاتش ار النوع التاني ؟
اما بقى ال HRM HR manager ده ال human resources manager .
ده الشرير والسيء في روايات العالم كله فهو حلقة الوصل ما بين الادارة والموظفين.
يعني هو اللي بيضمن للموظفين حقوقهم زي مثلاً أنهم ياخدوا مرتبهم كامل أو أنهم ياخدوا اجازاتهم بدون ضغط عمل.
او أنهم يأخدوا الحوافز اللي ليهم وهكذا.
وبنفس الوقت بيضمن للشركة أن أهدافها تتنفذ وهو شخصية أساسية لنجاح اي شركة بشكل عام .
وكمان هو اللي بيعملك ال interview اللي بيخرجك زعلان حتى لو انت مقبول معاهم وممكن يفصلك فجأه أو يقول لك قدم استقالتك.
وهو اللي بيتابع سلوكك وحالتك النفسية وهو المسؤول عن حضور وانصراف وغياب الموظفين والترقيات والخصومات والتقارير السنوية.
الاتش ار ومهامه؟
وكل حاجة تخص الموظف في الشركة عشان كده لو قولتلي انصحني نصيحة للزمن هقولك اوعى تآمن للـ HR man لانه ملوش امان.
الاتش أر والمهارات اللي محتاجها ؟
اول حاجة: لازم يكون عندك مهارات التواصل مع اللي حواليك لأن ده هو اللي بيخلي فيه بينكم لغة حوار.
وبسبب المهارات دي تقدر تبني علاقات وتنفذ اللي عايزه بكل سهولة .
رقم اتنين: انك يكون عندك معرفة شاملة بالمجال يعني زي ما بنقول اعرف حاجة عن كل حاجة بدل ما تعرف كل حاجة عن حاجة واحدة تمام .
بس انت بقى هنا خليك مميز وعارف كل حاجة عن المجال اللي حابب تدخله وحاجة واحدة عن الحاجات الباقية.
يعني خليك دايما سابق بخطوة.
رقم تلاتة: إدارة الأولويات يعني أحدد أيه أول حاجة محتاجة تتنفذ في الشركة ومحتاجة انه يتم التركيز عليها.
مثلا لو فيه ميتينج مهم مع شركة تانية او غيره فلازم افرق ما بين الامور الأولوية والثانوية.
رقم اربعة: الاستباقية يعني ايه بقى؟ يعني تبقى سابق دايما بخطوة مستعد لكل حاجة ممكن تحصل ومتوقعها.
والمهارة دي هتوصلك للترقية بسرعة .
الاتش ار ومهاراته ؟
رقم خمسة: الأستقطاب والأختيار يعني يكون عندك قوة خارقة في جذب المرشحين المناسبين للوظيفة والتفاوض معاهم .
رقم ستة: الذكاء العاطفي وده مهم اوي اوي لأن أنت اصلا مهمتك التعامل مع بشر طول الوقت فمحتاج تبقى شخص مريح بالنسبة لهم .
يقدروا يتكلموا معاك بحرية كل حاجة مضيقاهم في المكان مثلا فبذكائك العاطفي هتقدر تجذبهم ليك بكل سهولة.
وكمان تقدر تخليهم يعملوا اي حاجة تطلبها منهم بس بأسلوبك معاهم.
رقم سبعة: الأستماع الجيد والفعال وده مهارة مهمة أوي.
لان احنا كبشر طبيعتنا ان احنا بنحب حد يسمع لنا طول الوقت ويصب اهتمامه علينا كده ويبقى مركز معانا.
فالحاجات دي بتجذب الموظف وبتخليه حابب انه يشتغل ومرتاح وحاسس ان ده مكانه
الاتش ار وظيفته ايه بالتفصيل ؟
أول حاجة: التخطيط لكل حاجة جوه الشركة زي الأستراتيجيات اللي المفروض تتعمل في الأزمات اللي جايه ممكن نعديها ازاي؟
لو في قصور في حاجة في الشركة ممكن نضبطها ازاي وهكذا .
رقم أتنين: التوظيف ودي المهمة اللي كلنا عارفينها عن ال HR انه هو المسؤول عن اختيار الشخص المناسب للوظيفة .
واللي هيضيف للشركة وأن الشركة تكون فعلا في حاجة لحد بأفكاره ومهاراته.
تحليل الوظيفه يعني اجمع المعلومات الخاصة بكل وظيفة وأعمل لها تحليل من حيث المتطلبات اللي محتاج لها والخصائص وهكذا .
وده بيساعد في تسهيل عملية الاختيار ما بين الاشخاص المتقدمين للوظيفة عن طريق أني بختار الأنسب للمتطلبات .
اللي الوظيفة الحالية عندي محتاجاها .
رقم خمسة: المرتبات يعني تحديد وحساب الرواتب حساب عدد ساعات العمل وحساب المهارات المتوفرة عند الشخص ده ومستواه في الوظيفة ايه.
الاتش ار وظيفته ايه ؟
رقم ستة: المقابلات يعني الانترفيو اللي بيتعملك عشان يحدد إذا كنت هتتقبل ولا لا وده اللي بتتعصر فيه بس هنعمل نفسنا مش واخدين بالنا .
رقم سبعة: التدريب يعني تدريب موظفين الشركة ونتابع معاهم النقط اللي عندهم قصور فيها عشان تتطور وتتحول لنقط قوة.
أو لو في مهارات جديدة الشركة حابة تعلمها لموظفينها.
رقم تمانية: تقييم الاداء وده بيساعد الموظفين أنهم يحسنوا من نفسهم بحيث لو أدائهم كويس وهو ده المطلوب يحافظوا عليه ويحاولوا يتقدموا اكتر.
ولو ادائهم ضعيف يحاولوا يتطوروا اكتر.
رقم تسعة: المزايا زي التأمين الصحي مثلا ورواتب التقاعد اللي بيسموه المعاش .
وممكن عضوية نادي واشياء من هذا القبيل ترجع حسب نظام كل جركة الشركة حابة تدلع موظفينها وتعمل لهم عضوية نادي.
بعد كده عندنا التعويضات ودي بتكون زي التعويض من الشركة وتقدير لها على تعبك .
وده مهم لأن مفيش إنسان بيقدر يستمر في مكان مش حاسس فيه بتقدير لجهد تنفيذ الاجراءات التدريبية .
علي سبيل المثال
أن في موظف سلوكه مش كويس أو بيتعامل بطريقة مش ألطف حاجة فالـ HR بيكون هو المسؤول عن حل ده والتفاهم مع الموظف.
وانه يفهم منه ليه بيتصرف بالشكل ده ويرشح له تدريب معين يحسن منه وهكذا.
ولازم الـ HR يكون عادل في تصرفه مع الموظف.
الاتش ار وأعلى مكانه بيوصلها ؟
بالنسبة لأعلى رتبة يوصلها الـ HR ده أنا هوضحلك كل حاجة من أول سلمة بتكون عندها لآخر خطوة في السلم ودي اللي كلنا بنسعالها .
أول ما تكون لسه جديد في مجال الـ HR وبتبدأ تشتغل هتكون HR Assistant أو Coordinator وده بيعمل اللي قولناه فوق من انه مسؤول عن كل حاجة تخص الموظف.
بالإضافة إلى انه بيشارك في التخطيط وإعداد البرامج التنفيذية للإدارة وتنفيذها فعلياً .
بعد كده بتترقى HR Specialist وده بيكون متخصص في وظيفة أو أكتر زي التدريب أو التوظيف أو التقييم.
وممكن كمان يتسمى بإسم المهمة اللي بيعملها زي Recruiter وده بيكون مسؤول عن الإختيار والتعيين.
يعني مين الشخص اللي يستحق الوظيفة دي أو زي Training and Development وده بيكون مسؤول عن التدريب وتطوير مهارات الموظفين .
أو يكون Compensation and Benefits Specialist وده مسؤول عن المزايا اللي تكلمنا عنها فوق والتعويضات اللي الشركة الخيالية دي بتقدمها للناس.
بعد كده بننتقل لي Senior HR Specialist وده بيكون ليه نفس المهام بتاعة HR Specialist بس بيكون معاه صلاحيات زيادة لأنه المدير المباشر ليهم.
بعد كده عندنا HR Supervisor وده مشرف الموارد البشرية هو اللي بيشرف على ال Interviews والWorkshops والتواصل مع الإدارات المختلفة عشان تقديم المعلومات والمساعدة وما بينهم.
وهو اللي بينسق عملية التوظيف والبرامج التدريبية.
بعد كده عندنا HR Assistant Manager وده بقا مساعد مدير الـ HR يعني الدراع اليمين للمدير فخلى بالك منه بقا.
بعد كده عندنا HR Manager ذات نفسه وده مسؤول عن عمل الوصف الوظيفي لكل الوظائف وبيتابع تقييم الأداء وبيعمل ميزانية والأجور بتاعة الموظفين وبيختار المقبولين في الوظائف .
وبيتابع التطورات في سوق العمل وبيشرف على برامج التدريب للموظفين وهو المسؤول عن الوظائف بقا بتاعة الـ HR .
يعني هو الـ Big Boss في الليلة دي كلها .
الاتش ار وأنواعه ؟
بعد كده عندنا الـ HR Director وده مدير إدارة الموارد البشرية اللي بيشرف على الـ HR اللي شغالين في إدارة الموارد البشرية في الشرك.
ة وبيقدم الوصايا والمساعدة لباقي الإدارات وبيقيم وبيشارك في تنمية مهارات الموظفين.
بعد كده عندنا الـ Vice President وده نائب رئيس الشركة اللي بيحضر اجتماعات مجلس الإدارة وبيشرف على كل اللي قولناه فوق.
عشان يضمن تطبيق سياسات الشركة بكل دقة ونظام وده آخر مسمى وظيفي بيوصل له وبيسعاله الـ HR مجرد ما بيحط رجله على أول عتبة في السلم .
يارب أكون وضحت لك كل حاجة.
ايه رأيك بقى؟ هل الـ HR شرير؟ ولا طيب؟ قلنا في الـ comments تحت سلام
يمكنك قراءة هذا المقال علي موقع أوليكس أي تي:
