استراتيجيات التسعير في التجارة الإلكترونية
استراتيجيات التسعير
استراتيجيات التسعير في التجارة الإلكترونية
وفي قاعدة في المبيعات بتقول خير ولا تحير يعني ايه الكلام ده? يعني ببساطة شديدة خير العميل بس اوعى
تروح مع المرحلة انك تحيره عشان لو حيرته غالبا البيع هتضيع منك ازاي بقى نعمل الكلام ده ؟
استراتيجيات التسعير
يلا بينا نبدأ واشرح لك قاعدة خير ولا تحير ناس كتير لما بتيجي تعمل عملية تسعير للمنتجات بتاعتها او انها تعمل
عروض للمنتجات بتاعتها بتقع في غلطة كارثية الغلطة دي انه هو يعمل خيارات كتير جدا للعميل وهو هنا بيبقى
متخيل ان انا لما اعمل كتير زيادة عن اللزوم للعميل انا كده العميل مش هيفلت من ايدي يعني لما تدي له خيار
الف وبه وجيم ودال وصاد وعين وغين وفه وقاف ومش عارف ايه اكيد لازم فيه احتمالية من الاحتمالات دول ان
العميل يشتري مني والقاعدة دي وخصوصا في تقديم الخدمات غلط جدا ليه بقى? لان احنا كده بالبلدي وباللغة
المبعاة بتاعتنا كده الجميلة عندنا قاعدة كده قديمة كنا بنسميها عايز تحيره خيره.
بمعنى ايه ؟
يعني ايه عايز تحيره خيره ؟ يعني لو عايز تحير العميل بتاعك ادي له خيارات كتير جدا يتوه فيها ولو العميل خد
خيارات كتير جدا انتهى فيها تقريبا هيقول لك الكلمة اللي احنا كرجال مبيعات ما بنحبش نسمعها سيبنا نفكر
وبعد كده هرجع لك والكلمة دي مؤذية نفسيا جدا لاي رجل مبيعات
استراتيجيات التسعير
طب الحل ايه يعني لو انا كده سيلز او لو انا حتى كده فريلانسر وعايز اسعر خدماتي او عايز اعمل باقات
عندي لخدمات السوشيال ميديا او للكورسات بتاعتي اعمل ايه عشان خاطر اضمن ان العميل يشتري مني
باكتج او باقة من الباقات اللي انا هعملها وفي نفس الوقت ما اقعش في فخ ان انا احيره كتير والبيعة تفلت
من ايدي هو ده بقى اللي احنا بنقول عليه خير ولا تحير خير ولا تحير معناها ان انت لما تيجي تعمل خيارات ما
تعملش خيارات كتير يعني اخرك خيارين تلاتة بالكتير اوي ما تخليش الموضوع زايد عن اللزوم علشان العميل
دايماً لما بيقع في فخ الحيرة غالباً ما بيختارش اي حاجة
يعني من الاخر كده لازم انت تحدد لاعميل بتاعك في خيارين تلاتة بالكتير اوي والاهم من كدا ان الخيارات
اللي هو هيختار ما بينها لازم يكون فيها فرق كبير وفرق
جوهري وفي نفس الوقت الفرق السعر بتاعت ما يكونش عالي بنسبة كبيرة
استراتيجيات التسعير ومثال عملى
طب ممكن نقول مثال عملى عشان نفهم اكتر هقول لك حاضر مفيش مشكلة مثلاً على سبيل المثال منصه تبقي
عامله تلات باكتجات او عامله تلات باقات الباقة الاولى اسمها باقة تسويق الكتروني والباقة دي العميل بيحصل
عليها مقابل الف جنيه سنوياً بياخد فيها كل كورسات التسويق الالكتروني واللي بتشمل حوالي عشر كورسات
منها بقى كورس اساسيات التسويق الالكتروني وكورس اعلانات الفيسبوك والانستجرام والتيك توك وسناب شات
وجوجل ادسس وجوجل تاج مانيجر ولينك اد ان وواتساب بيزنس وحاجات تانية كتير المهم في الاخر ان
الباقة دي سعرها الف جنيه يعني في المتناول وفي نفس الوقت الباقة بتشمل حاجات كتير يعني فيها قيمة فيها
ثانيا
الباقة التانية دي بقى عبارة عن ايه عبارة عن كورسات صناعة محتوى صناعة المحتوى دي اللي انت بتتعلم فيها
التصوير واساسيات الربح من على الانترنت وازي تعمل محتوى على السوشيال ميديا وبتتعلم فيها المونتاج
وبتتعلم فيها برنامج اسمه او بي اس اللي احنا بنستخدمه عشان نعمل لايف ستريم او بنستخدمه عشان
نتنقل ما بين كامرتين فتسعير الباقة دي ممكن تبقي
سعرها الف ومتين وخمسين جنيه او الف ومتين جنيه مختلفة عن سعر الباقة الاولنية
توضيح اكتر
هو لحد كده الكلام منطقي لان باقة التسويق الالكتروني طبعا انا بشرح على سبيل المثال عشان اوضح الفكرة
يعني ان باقة التسويق الالكتروني دي فيها كورسات بتستهدف جمهور معين اللي هي الناس المهتمة بالتسويق
الالكتروني والباقة التانية بتاعه صناعة المحتوى بتستهدف جمهور معين اللي هو مهتم بصناعة المحتوى
والتصوير والفيديوهات لحد هنا الموضوع مش غريب
اقول لك حلو يبقى احنا هنا عملنا خيارين مفهومش حيرة
ثالثا
وجيت بقي عملت خيار ثالث وسميته الباقه الكاملة والسعر خليته ساعتها الف وخمسمية جنيه سنويا طبعا
السعر ده حتى الان يعني الف وخمسمية جنيه سنويا بتاخد بهم كل الكورسات اللي موجودة على المنصة سواء
حاليا او مستقبلا يعني بتاخد الكورسات بتاعت التسويق الالكتروني كلها وبتاعت صناعة المحتوى كلها فبالتالي
هنا انت عملت ثلاث خيارات للعميل بفرق سعر مش كبير وفنفس الوقت محيرتوش لو انت مهتم بالتسويق بس
هتاخد دي ولو انت مهتم بصناعة المحتوى هتاخد دي وفنفس الوقت لو زودت متين جنيه بس ولا تلتمية جنيه
بس مفيش مشكلة انك تاخد الباقة الكاملة على اعتبار انك انت ممكن تحتاج انك تتعلم صناعة المحتوى فيما
بعد او لو انت هتاخد الباقة الكاملة عشان صناعة
المحتوى على اعتبار ان انت ممكن تتعلم التسويق الالكتروني فيما بعد
دوافع قرار الشراء
وفي حاجه اسمها دوافع قرار الشراء في دافع اسم احتياج وفي دافع اسم احتمالية احتياج وحبينا نطبق
الكلام ده على قاعدة التسعير او القاعدة اللي احنا قلناها دلوقتي اللي هي خيره ولا تحيره هتلاقيني ان انا عملت
الباقع الاولى بدافع الاحتياج يعني لو انت محتاج الدليل التسويق هتاخده لوحده ولو انت محتاج دليل صناعة
المحتوى هتاخده لوحده والباقة التالتة اللي هي الباقه الكاملة خلناها تتابع قاعدة احتمالية الاحتياج خليت
العميل ممكن يبقى عايز يشتري باقة على بعضها على اعتبار انه هياخد الباقه الاساسية او الكورسات الاساسية
اللي هو محتاجها وكمان هيدفع قيمة حاجة بسيطة زيادة في سبيل انه هو احتمال يحتاج الكورسات التانية
مستقبلاً ويبقى دفع المبلغ اللي انا في الاخر عايزه يدفعه
وفي نفس الوقت ما حيرتوش وفي نفس الوقت خد قيمة مقابل سعر كبيرة جداً
استراتيجيات التسعير
اما لو العميل هو مش محتاج صناعة المحتوى خالص او مش معاه فلوس انه هو يدفع الالف ونص ويدوبك
ظروفه او امكانياته على قد الالف جنيه فبالتالي ساعتها هيشترك في الدليل اللي هو محتاجه طب بقى
القاعدة دي على اي خدمة حضرتك بتقوم بيها يعني مثلاً لو حضرتك عايز تفتح شركة سوشيال ميديا او بتعمل
شغل فريلانس كسوشيال ميديا او كميديا باير او جرافيك ديزاينر وعمل عندك باقات ما تكبرش الموضوع
ما تصعبوش على العميل ما تحيرش العميل كتير اعمل باقة او اثنين او تلاتة على الحد الاكثر يكون الفرق بينهم جوهري جداً
وأيضا
وفي نفس الوقت التلات باقات بيلبوا احتياجات العميل المختلفة وفي نفس الوقت تكون انت عامل فرق تسعير
مش كبير يخلي العميل دايماً من جوهر يكون عايز يشتري الباقة الاكبر اللي انت اصلاً من جواك عايز العملة
كلها تشتغل عليها اما لو حضرتك من البداية عملت الباقة الكبيرة او السعر الكبير بس فساعتها هنا انت ممكن
تخسر شريحة صغيرة تكون مش قادرة تدفع السعر الكبير.
استراتيجيات التسعير
ولو عملت السعر الصغير بس ممكن برضو هنا تخسر شريحة تكون ممكن قادرة انها تدفع لك السعر الاكبر
شوية بس خليني في الاخر اقول لك على حاجة مهمة جداً ان القاعدة دي اللي انا بشرحالك احنا بنطبقها على
الخدمات اكتر من المنتجات لان المنتجات الموضوع فيها بيبقى شوية مختلف ولكن القاعدة دي لو عرفت تطبقها
في الخدمات وخصوصاً الخدمات الرقمية او الديجتال اللي هي في الاخر انت مش بتبيع حاجة ملموسة
والعلاقة بينك وبين العميل دايماً بتبقى اونلاين هتلاقي ان القاعدة دي فرقت معاك كتير جداً وهتلاقي ان نسبة
مبيعاتك زادت وبشكل ملحوظ اتمنى اكون شرحت لك
الفكرة كده ببساطة شديدة واكون وضحتلك يعنى ايه خير ولا تحير والسلام عليكم ورحمه الله وبركاته
