أنواع العملاء وأفضل طريقه أستهدف بيها عملائى صح ؟
أنواع العملاء وأفضل طريقة أستهدف بيها عملائى
أنواع العملاء وأفضل طريقه أستهداف بيها عملائى وهو دا موضوعنا النهارده وأيضا في هذا المقال هتكلم معاك عن
انواع منصات السوشيال ميديا اللي ممكن استخدمها في الترويج الالكتروني او التسويق الالكتروني حسب نوع
كل عميل ايه ده؟ هوا فيه انواع للعملة اصلا؟ اه طبعا فيه هو اي عميل ينفع تستهدفه من اي منصة؟ لا طبعا
كل عميل وله نوع وكل نوع عميل له طريقة اقدر استهدفه بيها وله منصة هي الافضل انك انت تستهدف بيها العميل بتاعك
أنواع العملاء
يلا بينا في البداية لازم تبقى عارف لو انت عايز تسوق لأي منتج او خدمة انت بتقدمها لازم تعرف الاول ان انت
دايما بيبقى عندك نوعين من العملاء بتاعتك عميل اسمه العميل اللي بيدور عليك والنوع التاني العميل اللي انت هتدور عليه
بمعنى ايه ؟
العميل اللي بيدور عليك هو العميل اللي بالفعل عنده النيد انه يشتري الخدمة او المنتج اللي انت بتقدمها
ولكن هو فعليا ولا يعرفك ولا يعرف اسم شركتك اصلا فبالمنطق كده وباللوجك العميل ده بيعمل ايه عشان
يروح يدور علي شركة بتقدم المنتج او الخدمة اللي هو عنده نيد ان هو يشتريها بيفتح جوجل اكيد او بيفتح البراوزر بتاعه ويخش على موقع جوجل ويبدأ يكتب
سيرش عن الشركة اللي هو بتقدم الخدمة اللي هو عايزها يعني ايه او ادينا مثال عشان نفهم اكتر يعنى
على سبيل المثال
لو انت عايز تسافر برا مصر فالمنطق بيقول ان انت لو عايز تسافر برا مصر هتخش على جوجل وتبدأ تكتب
شركة سياح او شركات سياح فهيبدأ يطلع لك في نتائج البحث مواقع وصفحات ولينكات لشركات سياح كتير
هتبدأ انت تخش عليها او على الاول او على التاني او على الاول تلات اربعة لينكات بالكتير قوي وتبدأ تقارن
اسعارهم والكواليتي بتاعت الخدمة بتاعتهم وتبدأ تقارن كل واحد والتاني هل انت هنا الشركة لغاية اللحظة دي
اقنعتك ان انت تشتري منهم ولا انت اللي بالفعل جاي مقتنع جاهز وبالطبع عندك النيد ولكن هنا واقف على
فكرة السعر والكواليتي طبعا انت هنا خلاص انت عندك النيد وداخل تدور بالفعل على شركة سياحة وهتبدأ
تقارن والشركة اللي انت هتتعاقد معاها هيبقى بيركز على حاجتين الكواليتي بتاعت الخدمة بتاعتهم والاسعار
بتاعتهم ده المنطق لكن انت بالفعل مقتنع انت لسه انت
مش بحتاج حد يقنعك انت خلاص عايز تشتري المنتج وداخل تدور عليه فهو ده العميل اللي بيدور عليك
فدايما انا بنصح ان انت علشان تستهدف العميل اللي هو بيدور عليك افضل طريقة تستهدفه منها هي اعلانات جوجل ادوارد واعلانات اليوتيوب
أما العميل التانى
اللي انا هدور عليه هو العميل اللي ممكن يكون عايز الحاجه دى وممكن ما يكونش عنده وممكن انت اللي
تزرع جواه ان هو يشتري المنتج او الخدمة اللي انت بتقدمها وخاصة لو انت بتقدم خدمة مش منتج فساعاتها
هتعمل ايه ساعاتها احسن طريقة تستهدف فيها العميل بتاعك اللي من نوع ده هي اعلانات الفيسبوك واعلانات
الانستجرام واعلانات التيك توك اللي لسه ده موضوعها طويل ويطول شرحه ومش هنيجي ناحيتها دلوقتي خالص
أفضل طريقه تستهدف بيها العميل من خلال الاعلانات
ولكن خلينا في البداية نتكلم على اعلانات الفيسبوك وعلى اعلانات الانستجرام هي افضل اتنين منصة
وافضل منصتين تستخدمهم ان انت تجيب بيهم العميل اللي انت هتدور عليه لان العميل ده غالبا ممكن يكون
عنده احتياج للحاجه دى او ما عندهش ولكن انتى بطريقة الترويج بتاعتك ان كانت فيديو او ان كانت
بوست ولسه هنتكلم في الموضوع ده قدام انت هتبدأ تقنعه بالخدمة او المنتج اللي انت بتقدمها خاصة لو انت
بتقدم منتج جديد او منتج مش منتشر او خدمة لها
تفاصيل فساعتها يبقى افضل طريقة تستخدمها هي اعلانات الفيسبوك واعلانات الانستجرام
سؤال مهم جدا ؟
طب انا مش عارف يعني المفروض ان انا اعمل اعلاني على الفيسبوك والانستجرام ولا اروح اعمله على جوجل
واليوتيوب هقولك هنا يا معلم حاجة مهمة جدا لو انت عايز تبيع منتجات او خدمات و المنتجات دي موجودة
وبالطبع المنتجات دي معروفة وانت منافس من ضمن خمسين ستين منافس في السوق فانا هرشحلك ان انت
تخش تروح تسوق على الفيسبوك طبعا لو البدجت بتاعك فيسبوك والانستجرام طبعا لو البدجت بتاعك قليل ولكن
عموما خدها قعدة في حياتك انك انت لو البدجت بتاعك كبير طبعا يفضل انت تجيب العاملين يعني الخطة
التسوقية الكاملة اللي دايما احنا بننصح بها ان انت دايما نروح ندور على العميل اللي بيدور عليك وجيب العميل
اللي انت هتدور عليه يعني استخدم المنصات كلها عشان تعمل خطة تسوقية كاملة ولكن في حالة ان انا البدجت
بتاعي مش كبير يبقى انا عندي هنا مفضلة هستخدم الطريقة دي ولا هستخدم الطريقة دي على المنتج او الخدمة اللي انت بتقدمها
لو خدمه او منتج ؟
لو انت هتقدم خدمة او منتج زي العقارات فانا دايما هنصحك في حاجة لو العقار بتاعك عقار مخصص او
كومباوند مخصص عموما يعني مثلا على سبيل المثال انا بدور عن مشروع عقاري معين او انت عايز العميل اللي
بيدور على مشروع عقاري معين انا هنا دايما هنصحك باعلانات جوجل او اعلانات اليوتيوب
او لو خدمه محتاجه تتشرح؟
اما لو انت بتقدم خدمة لسه محتاجة تتشرح للعميل وافهمه الخدمة دي انا هعمله فيها ايه واسويله فيها ايه
يبقى انا هنا هنصحك باعلانات الفيسبوك او اعلانات الانستجرام
إمتى استخدم الفيسبوك والانستجرام ؟
طب امتى استخدم الفيسبوك وامتى استخدم الانستجرام وامتى استخدم الاتنين مع بعض اعلانات
الفيسبوك انا دايما بنصح بيها لو انا هعمل اعلان عن منتج او خدمة ولكن منتج او خدمة زي الاكل الشرب اللبس
الجزم و كل الكلام ده ينفع يتسوق على الفيسبوك ولكن الانستجرام لان هو هنا اللي بيختلف عن الفيسبوك دايما
بنصح باستخدام الانستجرام في حالة ان انا هسوق لمنتج ليه علاقة بالفاشونز لان دايما الكاتجوري بتاع
الانستجرام هو الناس اللي هي بتهتم بالشوزز بتهتم بالملابس بتهتم بالتيشرتات فانت لو هتعمل الاعلان
بتاعك عن منتج ليه علاقة بالفاشونز او بالاكسسوريز روح خلي الاعلان بتاعك فيسبوك وانستجرام
اما لو هتعمل اعلانات بيستهدف المنتجات عموما
لو انت هتعمل الاعلان بتاعك بيستهدف منتجات عموما او خدمات عموما فانت هنا ممكن تستهدف الفيسبوك
بشكل سليم وهيبقى مؤدى غرض معاك جدا وياريت لو انك انت تستخدم الاتنين في حالة انك انت بتعمل منتج
فاشون او بتسوق لمنتج ليه علاقة بالفاشونز او بالاكسسوريز او بالكلام ده اما لو انت معاكش بودجت
كبير يبقى خليك لو انت معاكش بودجت كبير وهتسوق للفاشونز بس يبقى خليك على الانستجرام اما لو معاكش
بودجت كويس ينفع للاتنين تسوق عليه على الفيسبوك والانستجرام ده على حسب ما انت عايز تسوق لايه حسب المنتج او الخدمة اللي انت عايز تسوق لها
ولكن زي ما قلتلك كده في البداية انت لازم تبقى انت عارف ان انت دايما عندك نوعين من العملة عميل اسمه
العميل اللي انت هتدور عليه ده اللي هجيبه من على الفيسبوك والانستجرام والعميل اللي هو هيدور عليك ده العميل اللي هو بيدور على جوجل
تبسيط للموضوع اكتر
عشان ابسط الموضوع اكتر وعشان الموضوع يبقى بسيط ومش ملغبط كده هخليني برضو هديك مثال او
هديك حاجة كده بسيطة تفسرلك الدنيا لو انت دلوقتي البودجت بتاعك قليل و عايز تستهدف شريحة معينة من
العملة وهي اللي داخلة تدور على مشروع معين بعينه او مشروع عقاري معين بعينه انا هنا هنصحك تروح تعمل
اعلانك على جوجل طيب امتى اعمله على الفيس؟ اعمله على الفيس في حالة واحدة بس لا غير ايه هي؟ لو
المشروع العقاري اللي انا هسوقله ده كان ليه اعلان نازل على التلفزيون ومسمع مع الناس كلها زي على سبيل المثال اعلان زد او اعلان زهرة اللي نازل الفترة اللي
فاتت دول فساعتها اقدر اعمل الاعلان على الفيس بوك علشان الناس خلاص هي الاعلان تحفظ في دماغها عن
طريق اعلان التلفزيون فساعتها اعلان الفيس بوك اول ما هيظهر للناس اللي عنده نيد هتلاقيه بيتفاعل معاك على
طول ولكن لو انا لسه بعلن عن مشروع جديد او مشروع الناس كلها مش عارفة ومنزلوش اعلانات جامدة فساعتها
انا هفضل ان انت تستخدم اعلان جوجل عشان انت هتعمل او هتخصص حاجه معين هو اللي هتبدأ تدور عليه او هو اللي هيبدأ يدور عليك
طيب لو في شركه ؟
طب لو في شركتك لما بيجي لك عميل ويقول لك انا عايز اعمل حملة تسويقيه كاملة بتعمل ايه دايما انا بنصح
الناس ان انا اشتغل على التو ويز اللي يخليني اجيب عميل واحد لما ممكن اجيب الاتنين الافضل ان انا اشتغل
بالطريقتين اجيب العميل بتاع جوجل واجيب العميل بتاع الفيسبوك واجيب كله ولكن ببدأ انزل مع الكلاينت
بتاعي ان انا اشتغل فيسبوك بس او اشتغل جوجل ادورد بس لما بلاقي ان هو العميل بيقوللي بصراحة لا انا
البودجت اللي معايا مش هيناسب ان انا اعمل كل ده ففضللي انه طريق احسن فانا دايما بنصح انه طريق
احسن بيبقى على المجال نفسه يعني المجال نفسه هو
اللي بيخليني اقول انا اشتغل هنا ولا اشتغل هنا هو المجال هو اللي بيحدد انا اشتغل على اي منصة
خلاصة الموضوع
وعشان ابقى لخصتهالك كده في اخر الفيديو لو انا مضطر ان انا اختار منصة واحدة فانا هرشحلك لو انت
هتسوق لخدمة خليك على الفيسبوك اما لو انت هتسوق لمنتج معروف برضه هقولك خليك على الفيسبوك او
خليك على جوجل اما لو انت عايز تسوق لخدمة بتستقدم كاتجوري معين ومعروفة مش محتاج اقنع
الناس بيها زي على سبيل المثال شركات السياحة فانا هقولك لا تعال سوق على جوجل افضل من التسويق
على الفيسبوك الا في حالة لو انت هعايز تعمل شريحة صغيرة اوي وعايز تستهدف زي مثلا رحلات اليوم الواحد
والكلام ده فساعاتها البدجت بتاعك مش هيناسبك ان انت تشتغل اعلانات جوجل فهقولك ساعاتها روح يشتغل
على اعلانات الفيسبوك ولكن دايما انا بنصح ان انت تشتغل على الاتنين عشان تعرف تجيب كل العملة اللي
هي مهتمة بيك واللي انت مهتمة بيهم والعملة اللي بالفعل ان شاء الله تنفذ معاك وتتعاقد معاك على الخدمة او المنتج اللي انت بتقدمها
وأخيرا
يارب يكون في المقال ده عرفت اشرحلك ايه الفرق ما بين العميل اللي انت بتدور عليه والعميل اللي هو بيدور عليك ولو عندك والسلام عليكم ورحمة الله وبركاته
ويمكنك الاطلاع على هذا المقال أيضا
الخطة التسويقية ووضع أساسيتها الأربعة بكل تفاصيلها
