أسباب تمنع العميل من الشراء ؟
أسباب تمنع العميل من الشراء
أسباب تمنع العميل من الشراء وهم ٥ اسباب ؟
جربت قبل كده ان أنت بتحاول تبيع منتجك او خدمتك وبتشرحها للعميل بتاعك
وانت فخور جدا باللي انت بتقدمه .
بس في النهاية العميل ميشتريش
وبيسيبك محتار وتايه ومستغرب
وفي ايه؟
في المقال ده انا هقولك على خمس اسباب بتخلي عميلك ميشتريش خدمتك او منتجك يلا بقينا يلا
أسباب تمنع العميل من الشراء ؟
السبب الأول:
اللي بيمنع عميلك من الشراء هو ان مفيش أحتياج كافي عند عميلك ممكن تكون انت بتقدم شيء عظيم جدا بس عميلك مش واخد باله .
او مش محتاج دلوقتي الحاجة اللي انت بتبيعها دي فهتعمل ايه ساعتها؟
تخيل كده معايا ان انت ماشي في مول وعايز تروح للمحل المفضل بالنسبالك واثناء ما أنت ماشي في الطريق وتلاقي ناس او شباب عايزينك تجرب حاجتهم بتعمل ايه؟
مش بتعبرهم وبتعتبرهم مزعجين جدا صح؟
طب ليه؟
ده لانهم بيقطعوك وانت ماشي في سلام هو ده عدم الاحتياج طيب هتتصرف معاها ازاي؟
ولا اي حاجة عمرك ما تقدر تقنع حد مش محتاج منتجك او خدمتك ان هو يشتري منتج او خدمتك في الوقت ده؟
او في الوقت اللي انت ممكن تحاول تقضيه فمحاولة اقناعهم قد ايه هما محتاجينه؟
لا أحسن لك تستغل الوقت ده مع عميل محتاج فعلا منتجك او خدمتك.
فده السبب الاول عدم الاحتياج !
أسباب تمنع العميل من الشراء ؟
السبب الثاني: انه مفيش argenc مش مستعجلين خدها قاعدة اي تأخير بيقتل البيعه .
عارف انت لما يجي العميل يقولك انا هفكر ارجعلك ابعتلي تفاصيل ابعتلي بروبوزل ايه اللي بيحصل؟
اكتبلي تحت في التعليقات كل الكلام ده بيقتل البيعة فورا لانه مفيش أستعجال اصلا.
فكر فيها كده لما عميلك يقولك انا هفكر وارجعلك هل هيجيب كده كباية الشاي ويقعد في البلكونة تحت ضوء الفمر ويقعد يفكر مستحيل !
وكل دا ليه ؟
وكل ده عشان انت مديتوش سبب يخليه يشتري دلوقتي فلو مشتراش دلوقتي بنسبة كبيرة مش هيشتري بكرة.
حتى على فكرة لو كان محترم جدا معاك اي تأخير بيقتل البيعة فاللي المفروض توضحه بقى ليه هو محتاج يأخد اكشن ويشتريه دلوقتي.
ممكن فيه كمية محدودة لو خلصت مش هتقدر تجيبها تاني او فيه وقت محدد العرض ده متاح الاسبوع ده بس.
عشان عيد ميلاد البراند مثلا موجود خصومات مش هتتوفر تاني !
فكده مفيش ارجنسي ده كده السبب التاني.
أسباب تمنع العميل من الشراء ؟
السبب الثالث: لعدم الشراء وانه مفيش رغبة .
الناس مش بتشتري اللي هي محتاجاه الناس بتشتري اللي هي عايزاه.
وارجوك خلي بالك الناس عايزين العربية دي عايزين البيت ده عايزين البدلة دي عايزين الساعة دي عايزين الاجازة دي.
هل بالضرورة محتاجين كل ده اكيد لا !
طب ايه الفرق اصلا ما بين الاحتياج والرغبة ؟
الاحتياج ده اللي هو ان انت في صحراء وميت من العطش انت محتاج ماء !
ولاكن الغربة أنت عايز مثلا عصير فأنت مش هتموت لو مشربتش عصير يعني انت بس عايز تشرب عندك رغبة .
عندك رغبة في لابتوب جديد عندك رغبة في ان أنت تجيب بلايستيشن او تلعب لعبة معينة او تسافر سفرية حلوة هي دي الرغبة.
فازاي تخلق الرغبة دي ازاي تخلق الرغبة العارمة دي اللي تخلي الناس هتموت وتشتري اللي انت بتبيعه.
في العادة انت بتعمل ده من خلال عرض عرض لا يقوم ولما بقول عرض هنا او عرض لا يقوم فأنا مش قاصد بيها عرض لفترة محدودة.
أو اللي هو خصم أو اللي هو أن أنت تنزل سعر لاكن العرض اللي لا يقوم ده هو أنك تخلي الحاجة اللي انت بتبيعها دي مميزة.
ولا تقاوم بدرجة حسس عميلك ان هو يبقى مجنون لو قال لأ .
وممكن برضو
تخلي العرض اللي لا يقاوم ده تعمل عليه عرض خاص لفترة محدودة مفيش مشكلة خالص.
لكن اللي بيعملوا اغلب الناس غلط هما بيخلوا العرض بتاعهم لا يقاوم من خلال انهم يعملوا عليه خاص ومش ده اللي انا اققصده هنا .
فلما انت بتخلي العرض بتاعك لا يقاوم ده اللي بيخلي الناس تقول انا عايز ده .
فبكده تقدر تخلق الرغبة دي او تستغل الرغبة اللي عند عميلك بالفعل.
والموضوع مش معقد زي ما انت فاكر لأن احنا كبشر اصلا عندنا رغبات معروفة.
السبب الرابع:
لعدم الشراء هو مفيش فلوس وفي الغالب ده اكتر سبب شائع مش معايا فلوس مفيش ميزانية .
قد يكون الكلام ده صح وقد يكون الكلام ده غلط على حسب هما فعلا معاهم ولا مش معاهم فلوس .
بس السؤال ليه أنت بتبيع اصلا لحد مش معاه تمن الحاجه اللي أنت بتبيعها .
فخلينا نفترض انه معاه فلوس او يقدر يدبر الفلوس دي بطريقة ما.
بس قالك اصلًا مش معايا فلوس اصل السعر غالي .
في حقيقة الامر:
هما عايزين يقولوا انه مش شايف قيمة للي انت بتقدمه انا مش فاهم ليه ده غالي كده وأحنا كبياعين معارضناش الاوفر او العرض بتاعنا بشكل يبين الفاليو والقيمة بتاعتنا .
احنا كبشر دايما قبل ما بنقوم باي عملية شراء بنعمل حاجة زي ميزان كده في عقلنا السعر مقابل قيمة.
بنقارن دايما الاتنين لو القيمة اعلى من الفلوس ده بيخلق رغبة وساعتها بيعوزوا يشتروا اللي انت بتبيعه .
فالسبب الرابع لعدم الشراء هو ان مفيش فلوس.
السبب الخامس والاخير:
لعدم الشراء هو ان مفيش ثقة مش مصدقينك مش واثقين فيك مش واثقين في منتجك او خدمتك.
مش واثقين في شركتك فازاي تتعامل مع الموضوع ده !
فيه كذا طريقة تساعدك تعمل كده أول حاجة ممكن تديهم دليل اجتماعي او ريفيوهات ليك وعملاءك التانيين قالوا عليك ايه.
او على منتجك او على خدمتك ممكن تقولهم انت بقالك قد ايه في المجال ممكن توريهم دراسات.
لو مش واثقين مش هيشترو والاخطر من انهم مش واثقين فيك ودي مهمة جدا ومش كتير بياخد باله منها.
الاخطر انهم مش واثقين في نفسهم ممكن يكونوا واثقين في منتجك او في خدمتك او في شركتك او صدقوا قصص النجاح اللي شافوها .
بس مش واثقين أنها هتنفع معاهم او مش واثقين انهم هيستخدموها.
علي سبيل المثال
لو انت بتبيع مثلا عجلة بتاعت التمرين الكارديو وعمال تتكلم على قد ايه عظيمة مش بتاخد حماس كبير وورتهم ريفيوهات العجلة وكل ده.
وعميلك اصلا جرب حاجات كتير زي دي قبل كده ومجابتش النتيجة او بيبدأ شوية ويبطل .
ساعتها هيقول مش اشتري العجلة دي عشان كالعادة هاشتريها ومش هتمرن عليها وهينتهي الامر بيها زيها زي كل مرة انها بتكون شماعة هدوم حاليا عندي.
فلازم تتعامل مع النقطة دي مش عدم ثقتهم في البراند او في المنتج او في الخدمة واللي كتير من البائعين بيفضلوا بس انهم يتكلموا على حاجات دي.
لكن ثقتهم في نفسهم كمان هي اللي ممكن تقتل البيعة.
وصدق او لا تصدق الناس كتير مش واثقة في نفسها عشان ماضيهم كان مليء بالاخفاقات ففكر كده في الاسباب دي وانت بتبيع مفيش أحتياج مفيش بيع .
مفيش استعجال مفيش بيع، مفيش رغبة مفيش بيع
وكمان مفيش فلوس مفيش بيع
وأيضا مفيش ثقة مفيش بيع
فازاي تقدر تخلق الثقة بينك وبين عميلك ازاي تقدر تعمل رسالة تسويقية موجهة تجيبلك عميلك الصح القادر على الاستثمار اللي بيشوف قيمة اللي انت بتقدمه.
ازاي تقدر تقدم له عرض لا يقتوم يخلي عنده رغبة انه يشتري.
ازاي تعمل argency عشان يشتري دلوقتي مش بكره.
وازاي تحل مشكلة كبيرة عنده
وكمان ازاي تقدر تقدم له حل يكون محتاجه
فكر فيهم كده لو عندك اسئلة اطرحها علينا في الكومنتات.
يمكنك أيضاً قراءة هذا المقال علي موقع أوليكس أي تي
