معلومات عن الصلاة هتخليك متفوتش فرض بعد كدا
معلومات عن الصلاة:
خمس معلومات عن الصلاة لما تعرفهم أنا بقول لك أهو مش هتبطل تصلي تاني أبداً بإذن الله .
السلام عليكم ورحمة الله وبركاته أهلا بكم قربنا علي ايام ذى الحجة وفرصتنا في ذو الحجة إن احنا نصلي ونتعود على الصلاة ومنتركهاش تاني أبدا بإذن الله .
وسواء كنت بتقرأ المقال دا بعد لو قبل أو في أي وقت كان .
فالصلاة ليك:
أنت كمسلم عمود الدين والأمر اللي بيفرق ما بين المسلم وغير المسلم.
فأوعى تكون تارك للصلاة فتارك الصلاة لا ينجو لا في الدنيا ولا في الآخرة .
والنهاردة جايب لك خمس إجابات !
على سؤال لما تعرف إجابته إنت مش هنبطل تصلي تاني أبداً .
كتير من الناس كانت تقولي هو ربنا
عايز صلاتي في إيه ؟
ربنا مش محتاج صلاتنا في حاجة .
ربنا سبحانه وتعالى لا ينفع عبادتنا كلنا ولا يضر كفرنا كلنا.
ولكن في الحقيقة إحنا المحتاجين للصلاة والخمس إجابات على سؤال .
معلومات عن الصلاة ليه محتاجين نصلي ؟
رقم واحد: الصلاة هي طريقك لسكون الروح بصوا يا أخواتي أي بني آدم مننا فهو عبارة عن جسد وروح وزي ما الجسد محتاج يرتاح محتاج ينام محتاج يفصل.
زي ما الروح محتاجة ترتاح الروح اللي بيبهدلها معانا في الدنيا العمالة تجري يمين وشمال بتدور على أحلام وطموحات وأمال وحاجات نفسها فيها .
العيشة مشاكل وكسور حاجات بتأثر فينا نفسياً وبدنيًا دنيا صعبة وكلنا متفقين .
ولكن في وسط كل ده كل الأرواح خايفة إلا واحد بس قال الله عز وجل إن الإنسان خلق هلوعًا إذا مساه الشر جزوعه وإذا مساه الخير منوعه إلا المصلين .
المصلين بس ومفيش غيرهم هم لفي وسط الهم والغم والمشاكل والحورات في وسط الضيق في وسط السعى في وسط حروب في وسط خير في وسط شر أرواح مرتاحة إلا المصلين .
ربنا سبحانه وتعالى يعَلم الحياة الصعبة اللي احنا فيها ووصانا بالطريقة الوحيدة اللي بتعينا عليها.
قال عز وجل واستعينوا بالصبر والصلاة وتصبروا على الطاعة وتصبروا عن المعصية وتصبروا على ابتلائات ربنا سبحانه وتعالى .
وتاخد أهم حاجة تساعدك على الصبر وهي الصلاة تخيل واحد داخل الحرب من غير سلاح !
حربك في الدنيا سلاح وضوء روحك فيها هو الصلاة .
سبتها ما تسألنيش بقى ليه روحك مش مرتاح !
معلومات عن الصلاة:
أما بقى الحاجة التانية : هي أن الصلاة الحاجة اللي بنخرج بيها من هم الدنيا الدنيا على كتافنا وفوق دماغنا كلنا.
كله عمال يسأل الرزق فين ؟ طب يا ربنا محتاجة اتجوز طب يا ربنا مستني عريس.
طب يا ربنا نفسي في ولد طب يا ربنا أجيب منين ؟
يارب ضاقت والابتلائات زادت يا رب يا رب.
يا رب الدنيا خنقانه.
الصلاة هي اللحظة اللي بنطفي فيها حريقة الدنيا.
قال صلى الله عليه وسلم تحترقون تحترقون فإذا صليتم الفجر غسلتها ثم تحترقون تحترقون فإذا صليتم الظهر غسلتها .
ثم تحترقون تحترقون فإذا صليتم الظهر غسلتها ثم تحترقون تحترقون.
فإذا صليتم العصر غسلتها ثم تحترقون تحترقون فإذا صليتم المغرب غسلتها .
ثم تحترقون تحترقون حتى إذا صليتم العشاء غسلتها.
ثم تنامون فلا يكتب عليكم حتى تستيقظوا.
الحريقة اللي قايده فينا الدنيا اللي واخدانا ووكلانا وشغلانا الذنوب المعاصي اللي طول الوقت حايشين بيها الصلاة.
كل صلاة تيجي تطفيها كل صلاة تيجي تطفيها تطفيها تطفيها تطفيها لغاية ما ننام وإحنا لا علينا الذنوب ولا معاصي ولا علينا من هموم الدنيا .
ورمينا كل حمولنا على الله ومين في إيده يديك ويعطيك ويحللك مشاكلك غيره اللي بتنشغل عن الصلاة بالدنيا.
أنشغل بالصلاة وفي الصلاة اشكيله الدنيا وهو هيكفيك همها .
معلومات عن الصلاة:
أما بقى رقم تلاته: الصلاة بتساعدك تبطل الذنب اللي انت عايز تبطله عارف شكوتك دايما من ضيق صدرك من ذنب انت مش عارف تسيب عارف إحساسك باليأس من نفسك .
وإنك خلاص ملكش لازمة ومش هينفع وربنا مش هيتوب عليك.
وانت هتفضل بعيد عنه.
الحل الوحيد الصلاة يا أخي أنا بتجنن والله لما ييجي حد يقولي أنا مبصليش عشان أنا مكسوف من ربنا من كتر الذنوب .
يا أخي ده انت تتكسف فتصلي مش تتكسف فتبعد ففروا الى الله .
ربنا مينفعش نهرب منه هتهرب منه فين؟
ربنا نهرب لي نلجأ لي نطلب منه .
قال الله عز وجل إن الصلاة تنهى عن الفحشاء والمنكر اللي بيصلي الصلاة ببطلوا الفحشاء والمنكر مش العكس.
مش الفحشاء والمنكر هم اللي بيبطلوا صلاة.
لما جاء أحدهم للنبي صلى الله عليه وسلم وقال إن فلان يصلي بالليل فإذا أصبح سرق.
يا رسول الله فلان ده بيصلي الصبح ويروح يسرق.
قال صلى الله عليه وسلم إنه سينهاه ما يقول .
صلاته دي هتبطلوا الشر اللي هو فيه بس اللي يفهم إنه ميبعدش عن الصلاة بذنبه.
والله لو لسه عامل الذنب حالا أهو برده تقوم تتوضى وتصلي بس بكسوف من ربنا اتكسف فتوقف بين إيده مش تبعد عنه.
ها نويت تصلي ولا لسه ؟
السبب الرابع : إنك تصلي الصلاة تغفر لك ذنوبًا تغفرها أو الله العظيم تغفرها ومش أنا اللي بقول.!
إن النبي صلى الله عليه وسلم الذي قال يعني كل صلاة الصلاة اللي بعدها تكفر الذنوب اللي ما بين الصلاتين.
فالذنوب الصغيرة والمعاصي اللي احنا بنعملها بالصلاة ربنا سبحانه وتعالى يغفرها لنا ويعفوا عنا .
طيب والكبائر ؟
توب يا أخى والتائب من الذنب كمان لا ذنب له فلو حفظت على صلاتك مقطعتش فيها ما بين كل صلاة والتانية ربنا سبحانه وتعالى يغفر لك ذنوبك اللي ما بينها.
ها عايز ايه أحسن من كده شاكلك كده نويت تصلي.
معلومات عن الصلاة
رقم خامسة: الصلاة تدافع عنك في قبرك وتديك هدية في يوم القيامة لا تتخيلها .
شوف أصعب موقف يمر على الإنسان بعد وفاته هو اللحظة اللي هيعرف فيها مصيره.
ماشي إزاي فلما ينزل القبر الملكين بيقعدوا ويبدأوا يسألوه من ربك وما دينك وماذا تقول في الذي بعث فيه ويا تجاول فيفتح له باب إلى الجنة.
يا ما يجاوبش فيفتح له إلى النار.
في اللحظة دي النبي صلى الله عليه وسلم أخبر أن الصلاة هتقف تدافع عن أصحابه فيجي الملكين تقولهم ما قبلي مدخل مش هتدخلوله من ناحيتي.
ده أنا واقف فأسعه وأقف جنبه وأدافع عنه.
تخيل تفتح عينك تلاقي صلاتك واقفة تدافع عنه وتسندك.
الجواب إزاي لسانك هينطق على طول هتعرف إنك مؤيد بإذن الل.
ففي أصعب موقف هتلاقي صلاتك جنبك .
أما بقى هدية الأخيرة والتي لا يتخيلها أحد واللي مفيش متعة في الجنة أكبر منها أبدا .
النبي صلى الله عليه وسلم كان ماشي مع الصحابة كده والقمر بدر مكتمل فقال صلى الله عليه وسلم إنكم سترون ربكم كما ترون هذا القمر.
لا تضامون في رؤيته هتشوفوا ربنا زي ما احنا شايفين القمر ده دلوقتي حالًا.
فإن استطعتم ألا تغلبوا على صلاة قبل طلوع الشمس وقبل غروبها ففعلوا.
يعني الصلاة هي اللي تخليك تاخد الأجر العظيم ده والهدية اللي محصلتش دي خاصة الفجر والعصر .
واللي ما بيصليش عنده أمل للأسف معندهوش.
وخليني أقولك في الآخر إن الصلاة مش بنعملها عشان ربنا سبحانه وتعالى يدينا شيء في الدنيا .
مش عشان يوفقنا ولا يفتح لنا ولا ينجحنا في الامتحان ولا يجيب لي عربية ولا يسر لي شغلانة ولا يجيب لي عريس ولا يجيب لي عروسة ولا يسرلي عيال.
كلها طلبات مباحة ونطلبهم من ربنا سبحانه وتعالى .
ولكن الله عز وجل رب حكيم يفعل ما يشاء وما يريد بعلم وحكمة .
فإن أعطى فبحكمة وكرم وإن منع فبحكمة ورحمة .
فالدنيا مش هي المقياس يا أخى ولكن هدوء الروح في الدنيا وتعلقها بربنا سبحانه وتعالى ومتعة الدنيا في الآخرة .
والنظر إلى وجه الله الكريم يكفوك دول يبقى لسه متصل وزي ما اتفقنا مفيش مسلم مبيصليش تمام.
اللهم يا رب أجعلنا جميعا من أهل الصلاة .
وإلى هنا أيها الأحباب ينتهي المقال والسلام عليكم ورحمه الله وبركاته.
يمكنك قراءة هذا المقال علي أوليكس اي تي:
سيب تعليقك