ازاي تبيع أسرع علي اوليكس اي تي بـ 5 خطوات
ازاي تبيع أسرع علي اوليكس اي تي
ازاي تبيع أسرع علي اوليكس اي تي بـ 5 خطوات
كيفية نشر اعلان على اوليكس اي تي ؟
أهم حاجة التصنيف وهو القسم اللي المشترين هتشوف الاعلان عليه يعني متروحش تنزل اعلان عن لابتوب وتحطه تحت وسائل نقل !
كده الناس اللي بيدوروا على لابتوب مش هيشوفو اعلانك أصلاً .
وأهم حاجه بعد التصنيف الصورة بتقول كتير الصورة دي أكتر حاجة الناس بتبص عليها قبل ما تكلمك.
ومتكسلش تصور حاجتك وتروح تنقل صور جاهزة من على الانترنت خد صورة واضحة مش مبكسله وضلمة !
تخيل إن صورة واحدة ممكن تجيب لك عروض أكتر خمس اضعاف اومال لو حطيت خمسه بقا !
اتأكد ان اسم إعلانك واضح اكتب أسم اللابتوب ونوعه وشكراً !
مش اسمك بقى وإيميلك وتليفونك وعنوانك بلاش كلام كتير في خانة اسم الاعلان أربع كلمات فقط اللي هو تفاصيل التفاصيل .
وحدد نوع السعر والعملة و حالة المنتج .
وفي الوصف اكتب كل مواصفات اللابتوب بالتفصيل الحجم والامكانيات وكله واستعمال قد اي ومتخبيش العيوب خليك واضح .
لازم تشرح للناس انت بتبيع ليه ؟
وبرده السعر بلاش تكسل تكتب السعر صح عشان في ناس هتكسل تكلمك تشوف سعر الحاجه وهيشوفوا غيرك وفي اللي بيقارن اسعار خلي سعر واضح وعلي قد امكانيات المنتج .
يعني متبقاش الحاجة بخمس تلاف وتكتب عشرة !
راجع متوسط أسعار السوق وبعدها سعر حاجتك صح لازم.
لازم تاخد بالك من كل اللي قلناه تمام كده ؟
ومتنساش تقرأ المقال عشان سلامتك تهمنا وتعرف ازاي تحافظ علي نفسك أثناء البيع او الشراء 👇🏻
نصائح لسلامتك عند البيع والشراء علي النت
وزور كمان صفحتنا على الفيسبوك لمشاهده جميع الاعلانات الجديده
اترك تعليق